الإحـــتفاء بالجـســــد

[بله محمد الفاضل]

المشاركة الأصلية كتبت بواسطة هيثم علي الشفيع

أها يا أخوانا

زول يوريني (الجسد) هنا وين:


أغنيات الجسد

نجلاء عثمان التوم

(1)
سأسجي ضفائري
على قمرٍ غائبٍ في الحَذَر
لئلا....يموت وحيداً هناك
(2)
مثلما تشتهي
وعلى معبدٍ في هواك التقي
سأذبح صوتي
صوتي القديم
وأنسى كثيراً
لماذا أهيم
كضوءٍ إلهيّْ
في حضرتك
(3)
وما أرفق الليل
لولا افتراق
ومااصعب الحب
لولايَ
لك
(4)
يبدّل الهوى مقاعد الفصول في دمي
وفي دمي سُعال
أيا مغيث الروح تُبْ عليّْ
من حكمة الأشياء لا يبين شيئ
وضوءك البعيد صدّني
ضوءك البعيد زال
ضوءك البعيدُ في البعيدِ
يزيد في ضلالِ رؤيتي ضلال
(5)
تعــــــــــــــــــــــــــــــــــــــــــــــــ ــال
(6)
أهش البكاء الذي
في الهواء الذي
كان مابيننا
كان أو....ما يكون
يستوي هاهنا في الجنون الجنون
وفي البحر لا يستوي أي شيئ
زوج نوحٍ تخلّي نوح
وانت تحطُّ السماءَ كطير رهيبٍ عليّْ
وفي خيمتي قد تهاوى فَلَكْ
مددتُ بطوقِ النجاةِ إليك
فكان هلاكي فيمن هلَكْ
(7)
ثم ياسيدي
أودُّ سؤالاً أخير
وكيف سألقي الى نهر شوقي الحصى
وكيف نعود ولمّـــــا نسير

يعاين من كل مسام النص



يا يا للنجلاء
لله درها من منقبة في خبائا الروح

[الرشيد اسماعيل محمود]

المشاركة الأصلية كتبت بواسطة آيات
وإحتمال ماأجي راجعة لأن شجاعتي قد تسقط مني في أي لحظة

كان علي دي هينة..
لو سقطت بنرفعها ليك..
بس تعالي راجعة.

[بله محمد الفاضل]

بعد البحيت برضك خدي دا معاك وكلمي ود ميلاد كمان:

http://sudanyat.org/vb/showthread.ph...E1%DD%C7%D6%E1

[أسعد]

المشاركة الأصلية كتبت بواسطة بدور التركي

قصدك زي جون ترافولتا

قبل سنة واااحدة بس
وحسي بقى زي سلفستر
[IMG][/IMG]

هي يا يمة هيييييي
سلفستر بي وين
انا قصدي تريفور (كريستوفر بيل) بتاع فيلم الميكانيكي
[aldl]http://images.allmoviephoto.com/2004_The_Machinist/2004_the_machinist_006.jpg[/aldl]
بعدين يا منقة اعملي ابديت
المعلم دا ما يغشك بالصورة دي
الصورة دي شكلها قديمة
لأنو أثار ممارسة رياضة (حش البرسيم) لسة موجودة في ساعديه
حاليا المعلم دا روحو سحقت جسده
والكوشيرثيا بتكون رقدتو سلطة

فا شنو؟!
تيك كير وكدة
قولي ليهو الصور ما بتنفع
دايرين شوف العين ... وشوف العين ما كتلو غزال

[آيات]

اقتباس:
المشاركة الأصلية كتبت بواسطة الرشيد اسماعيل محمود

كان علي دي هينة..
لو سقطت بنرفعها ليك..
بس تعالي راجعة.



هاهاه أنت فاكره طرحة .. تعرف يارشيد نفسي في حبيب يرفع لي طرحتي بس غير نوع مقنع ولياتو .. ذكرتني برالمتنا في الجامعة .. كانوا الأولاد والبنات بنفضوا الطرحة سوا.. عاين تعال نفتل البوت السمح ده

[جيجي]

وإحتمال ماأجي راجعة لأن شجاعتي قد تسقط مني في أي لحظة

ماتخافي
امير مافي
ورأفت ميلاد في
اتذكرت شطحتك في بوست حكايات من تحت وسادتي الشردتك ديك
ازيك يا ايات ومشتاقيين ياخ

[صلاح نعمان]

سمراء
سلامات
الجسد مصلاية الروح
الروح المفوته كم وقت
هكذا صح عاطف خيرى
الجسد اشتعال اللحظة وتوهجها ؟؟؟

[آيات]

اقتباس:
المشاركة الأصلية كتبت بواسطة جيجي
ماتخافي
امير مافي
ورأفت ميلاد في
اتذكرت شطحتك في بوست حكايات من تحت وسادتي الشردتك ديك
ازيك يا ايات ومشتاقيين ياخ



أهلاً جيجي
أيوه أتذكرت هههههه
أميري مافي لكن اشباهه كُثُر
ورأفت ميلاد مفروض يكون أنتيمي أنا لأنه بفهمني وبينا في كيمياء مشتركة
إنتي سمراء وين .. ياخ الزولة دي مفروض تكون معدة برامج

[nezam aldeen]

إقتباسات
الرشيد إسماعيل محمود كتب :
(لايفوت علينا ان الإحتفاء بالجسد هو بالأساس إحتفاء بالجنس ذلك بأن الإحتفاء بالجسد في جوهره إنما عملية دافعها الوعي الجنساني او الجنسي)
‏
سمراء كتبت :
(.. الإحتفاء بالجسد يعود إلى الجنس هو "لب" القضية .
‏
الحبيب الرشيد والصديقة سمراء ،،
قد يبدو الحديث عن الجسد بسيط وسطحي من منظور علاقتنا المادية والملموسة بأجسادنا ،،
ولكن واقع البحث والإستقصاء توضح لنا النقيض
نظرا لان الجسد ليس معطى طبيعي فقط وإنما هو نتاج تاريخي وثقافي وأيدولوجي مماجعل تأسيس خطاب متجانس عن الجسد مستعصيا،،
إذ ليس هناك بعدا واحدا للجسد بل ثمة أجساد كثيرة
الجسد الفيزيولوجي والأنتربولوجي والأثنولوجي والميتافيزيقي "إن اسعفني الهجاء والزاكرة"
‏
الثقافة المعاصرة اصبحث تركز على الجسد وتعتبره
لا كمجرد غلاف مادي لذواتنا ونزواتنا
وإنما هو عين حضورنا في العالم وإتصالنا به أي هو بناء رمزي نكونه عبر تمثلاتنا السيكولوجية والثقافية والحضارية
‏
واسهمت النظرة الجديدت للمجتمعات المعاصرة
ونظرا لتغيير طبيعة الظروف الحضارية والممارسات الإجتماعية والسياسية والثقافية فقد غيرت نظرتنا وعلاقتنا بالجسد حد المرونة في الفكرة وحد الخضوع لها .
فلم يعد الإحساس محفوفا بقداسته ومختفيا وراء الثياب او مصدر لإشعاع جنسي داخلي ،
بل اصبح الجسد مصدر إهتمام وعناية متذايدة وتم إستخدامه ليساهم في عملية الإنتاج والإستهلاك
قد نفقد كمجتمع سوداني هذه الفكرة" وضوحا"
ولكن اصبح الجسد عبارة عن شبكة من العلاقات وألإشارات الوظيفية
وبذلك فقد الجسد العديد من خواص الحقيقة او قل تلك الخاصية إلا عند النداء لها نزولا لرغبة حيوانية تعترينا .
‏
من المثال القريب إلى ذلك عارضة الأزياء والتي لايشكل جسدها في حد ذاته موضوعا للرغبة او الإثارة
بقدر ماهو علامة ورمز للموضة وذلك أن الرغبة تنصب على البضاعة المعروضة على الجسد .
‏
‏
الرشيد وسمراء
لكم الود والتقدير

[أسامة معاوية الطيب]

المشاركة الأصلية كتبت بواسطة هيثم علي الشفيع

أها يا أخوانا

زول يوريني (الجسد) هنا وين:


أغنيات الجسد

نجلاء عثمان التوم

(1)
سأسجي ضفائري
على قمرٍ غائبٍ في الحَذَر
لئلا....يموت وحيداً هناك

هيثم يا صديقي
والله لو إتأملت (السِجِية) دي الجسد اليدخلك ما يمرق

[جيجي]

المشاركة الأصلية كتبت بواسطة آيات

اقتباس:
المشاركة الأصلية كتبت بواسطة جيجي
ماتخافي
امير مافي
ورأفت ميلاد في
اتذكرت شطحتك في بوست حكايات من تحت وسادتي الشردتك ديك
ازيك يا ايات ومشتاقيين ياخ



أهلاً جيجي
أيوه أتذكرت هههههه
أميري مافي لكن اشباهه كُثُر
ورأفت ميلاد مفروض يكون أنتيمي أنا لأنه بفهمني وبينا في كيمياء مشتركة
إنتي سمراء وين .. ياخ الزولة دي مفروض تكون معدة برامج

والله ياستي رافت دا انتيم الكل
لكن نقول شنو على الناس الواضعة عليه يدها دي وعاملة حراسة

[يحي عثمان عيسي]

اقتباس:
المشاركة الأصلية كتبت بواسطة wadosman
بوست مصيرو الخور...عاجلا ام اجلا...


حتطلع واحده وحتقول ليك الخور مقفول أوردمو
دي نهاية البمشي ورا الحريم

[النور يوسف محمد]

المشاركة الأصلية كتبت بواسطة جيجي

هههههههه
غايتوا يالنور تنفع ترزي حوامل
لانه المقاس الفي النص دايما للخصر

وهو طبعاً الصاح
36 , 24 , 36
الـ national standerd فى اختيار ملكات الجمال ..
بس الترزى مستعجل ونعسان ..
وبعد الغلط البائن ده سمراء قالت عصرنا عليها ...
بعنى ناس سمراء ديل مش من التصفيات الأولى , متفرجات يمكن ناس اللجنة ما يوافقو ...

[على ماجداب]

سمراء والمتداخلين
سلام
مزاج الرجل السودانى لا يخرج من جينات عربيه وافريقيه والاتنين ديل بحتفو بالجسد الممتلئ ليس اطلاقا ممتلئ بل وحسن التضاريس على امتلاءه ..اى مزاج غير كدا قاعد اشوفو إستلاب زيو وزى طريقة اللبس والمزيكا والاكل واصناف الأكل (البيتزا نموزجن) .. والاستلاب دا حاصل للعرب الصرف برضو وامكن قبلنا بمقارنة معالى زايد والهام شاهين مع نيللى كريم و..وهكذا دواليك .. الافارقه الصرف ايضا تأثروا وأثروا .. وبدت تدخل العالم الاول تقليعات افريقية الجسد ورقصات اساسها الجسد الممتلئ وبالذات الكمثرى .. ولها انصارها فى الغرب
محافظة الرجل السودانى على مزاجو اصبح يتناقص مع الزمن ..يعنى مزاج الرجل السودانى سنة اربعين وهسى ماواحد ..
أختلف مع من يرى يربط جماليات الجسد بالجنس كمعَبر وحيد عنه .. ففى الرسم التشكيلى والنحت لا يرمز اصلا لذلك بل يظل كمعبرأصيل عن الجمال بذاته اى فى ابداع جسد المرأه ماهو جميل يعجب بدون ان يتداخل مع الرغبه ومعطياتا .. وفى عصور تأليه جسد المرأه ايضا كانت قوة الجسد وجمالياته أصيله بذاتها...

[عباس الشريف]

المشاركة الأصلية كتبت بواسطة آيات

اقتباس:
المشاركة الأصلية كتبت بواسطة الرشيد اسماعيل محمود

كان علي دي هينة..
لو سقطت بنرفعها ليك..
بس تعالي راجعة.



هاهاه أنت فاكره طرحة .. تعرف يارشيد نفسي في حبيب يرفع لي طرحتي بس غير نوع مقنع ولياتو .. ذكرتني برالمتنا في الجامعة .. كانوا الأولاد والبنات بنفضوا الطرحة سوا.. عاين تعال نفتل البوت السمح ده

الجسد اصبح بوت خليها يا بت الناس مرورا بمحطات جته وكوم لحم وما شابهها