اقتباس:
المشاركة الأصلية كتبت بواسطة scaptionoz
عندك مانع؟
عبد الله وداعة الامين
[rams]http://www.sudanyat.org/upload/uploads/anfas.MP3[/rams]
|
أنا..وأناي
وقلبي..الليك..أدّاي
وفرضي الليو أدّاي
وكلّي الليك ناداي
وحسّي المالي نداي
وزولاً رايدو عَداي
أصحاب عديتم وناس أعداي
الصبَّ سماك في مداي
غضبي عليك ورضاي
قدري المابي قضاي
ويومي الفات..والهسّي وجاي
دعاي ومناي
صلاتي علي المبعوث وصلاتي اللي مولاي
رقية
وسبحة
وقمحة
ودرويشنا عذاب
اخدر جلباب
حلقة ذكر وزول هدّاي
من حرّاسك
نفس الروح التمرق لمّا تشوفك
كنت بفصّل فيها قياسك
صدقني
من اقدامك حتّى طيوفي في راسك
هواي ده مقاسك!
حتّى القلب الثابت وراكز مع خطواتك
بقى رقاصك
وجوّة وريدو خالف كيّو عليو رصّاصك
وأعمل أيه؟؟
ريدي علي ريدك متماسك
لما يمر بي خاطري ومااابتماسك
لو حأكابر كنت حأدّي هواك مناسك
وكنت حأحج للشوق يوماتي وأسود حجرك يصبح راسك
بدفق حنّي عليك المامالكاهو
ومالكني معاك برضك احساسك
أكتبني في صفحة قلبك ووسّد ريدي علي كرّاسك
يمرق طيفي عليك في حزنك
ساعة همّك أنا ونّاسك
ماريدك زااااااااااتو بقالي مناسك
وأنا من ناسك
شوق الشوق فرّاسك
وفرس الشوق الراهن جيدو علي أجراسك
وأنا مشتاقك
مشتاق أنفاسك
الكان بتدفي الليل الكان يوماتي عليهو بساس...ق
