سودانيات منتدي حبكانات ... كلامي انا ما كلام صاحب عابد عقيد

[بله محمد الفاضل]

صباحك زين زيك يا صاحب


ما قيمة الحياة يا رجل
من غير حب
أدعموووووووووووووووووووووواااااااااااااااااااا الحب
يرحمكم الله

وما أجمل أن نرى الحب يسير بيننا
ونرعاه

[زول الله]

المشاركة الأصلية كتبت بواسطة بله محمد الفاضل

وما أجمل أن نرى الحب يسير بيننا
ونرعاه

عباس الشريف مالك عايز تبقى لينا زي الجماعة إياهم
خلي الناس تعيش ياخ

قلباً وقالباً معاك يابله












اقول قولي هذا واستغفر الله لي ولك ياخالد الحاج...............

[قيقراوي]

المشاركة الأصلية كتبت بواسطة عباس الشريف

يا ريت صباحي لو زي صباح كل الناس صباحي ورد وفل.
السياسة وقلة الادب اولاد عم ماسمعتي بحكاية فاطنة احمد ابراهيم مع محمد احمد المحجوب لما قالت الموضوع ده لا لينا فيهو ناقه ولا جمل و ل ما سمعتي حكاية فاطنة عبدالمحمود لما سألا نميري قالت ليهو كراع في مدني وكراع في الكاملين.
اما الحب علي صفحات المنتديات جديد علينا في اسكايب وفي ماسنجر ده لو كلو ما شال الفيس بوك غير انظمة.
اشهد الله مافي حاجة حارقاني الحب خصوصيه عندما يتناوله العامه بصبح مبتزل ولو دخل الخانه دي بصبح كلام في الهواء للعرض وجوع عاطفي.
وكلامي وجهة نظر الداير احب احب مافي زول رقيب علي زول.

لوووووووول
الحي الله و الكاتل الله
اتوكلت على الحي الدائم و ايدت الشريف
بما يكفي لحق الاغنية :
الشريف مبسوط مني .. اللخ اللخ
لكن ما على المطلق كدي ..
و لا زي الصادق المهدي في تصريحه الزاعق الصاعق بزعمه انو متفق مع المؤتمر الوطني 85%
في زول بتفق مع زول 85% في الدنيا دي!!
انا مع نفسي ما قاعد اتفق 85% دي!!
حولتننننننننننن!!!!

مسالة انو السياسة = قلة الادب دي بالغت فوكا يا الحبيب
اصلو شنو هو؟ .. المحجوب + نميري = السياسة
بعدين المحجوب = كلمة او كلمتين قالن مازح

كلامك دا ما صاح كلو كلو .. اسمع مني انا باقي عالم رياضيات سياسية عليا و دقيقة ؤ كدا فضلة خيرك.
ما تعمم .. التعميم مخل.

و كذا الحال بالنسبة لحبكانات البورض دا ..

بتفق معاك غايتو في قصة الخصوصية .. كانهم لم يسمعوا قول حوته رضي الشعب عنه :
عندي معاك كلام اتنين ما بنقولوا لي تالت ..

و كانما لم يسمعوا قول ستنا شاكيرا عليها السلام و المحبة :
تانغو فور توو نوط فور ثري!

مشكلة البورض دا في تقديري مشكلة رياضيات ما حبكانات و لا سياسة
الناس ما بتعرف تحسب ..
لا الحساب البسيط البفرق بين الـ 2 و الـ 3
و لا بتحسب حساب كلام الناس
و لا حساب لكل قول لديه رقيب و عتيد الموسومة في جبهة حتة الكتابة دي ذاتا ..
بالجد في تغير كبييييييييييير في شكل البورض
انا عضو هنا منذ فجر بعيد كان المؤسس الخال خالد الحاج يملك خاصية الكتابة معانا. و قبل ان يكتفي بالمراقبة بروحه من البعيد.
كل زول يحسبا كوييييس :
اهكذا نريد ان نخلد الخالد في قلوبنا ؟؟

اقول قولي هذا و استغفر الله لي و لكم فاستغفرووووووووووه


-------

يا بلة .. اكان حصل القدر .. اوصيك على العيال و امهم ..
بس اوع تدق الرغم كمان يجلي برضو .. سمح؟

[ام التيمان]

و اللهى العظيم
يا ركس
الحلة دى بدونك عدم
يا خى انت الذ و اجمل زول شفتو
اها ما ناوى تدبل؟؟

[جيجي]

المشاركة الأصلية كتبت بواسطة عباس الشريف

يا ريت صباحي لو زي صباح كل الناس صباحي ورد وفل.
السياسة وقلة الادب اولاد عم ماسمعتي بحكاية فاطنة احمد ابراهيم مع محمد احمد المحجوب لما قالت الموضوع ده لا لينا فيهو ناقه ولا جمل و ل ما سمعتي حكاية فاطنة عبدالمحمود لما سألا نميري قالت ليهو كراع في مدني وكراع في الكاملين.
اما الحب علي صفحات المنتديات جديد علينا في اسكايب وفي ماسنجر ده لو كلو ما شال الفيس بوك غير انظمة.
اشهد الله مافي حاجة حارقاني الحب خصوصيه عندما يتناوله العامه بصبح مبتزل ولو دخل الخانه دي بصبح كلام في الهواء للعرض وجوع عاطفي.
وكلامي وجهة نظر الداير احب احب مافي زول رقيب علي زول.

غايتوا مبتزل دي صنت لي اضاني
بس ياها عادل امام يعظ الجمهور زاتها

[محمد مصطفي]

علي بالايمان بوست مبشتن من اولو لي آخرو
وشبيه بي بوست عابد .. كان ممكن تدعم بيهو بوست عابد بهناك
قوم لف ياخي
عصروك في مصاريف زائدة .. جيت تخرمج لينا هنا
كل الود يا صاحب
نق نقتك ساي ... لكن علي بالايمان انا غايتو ما شغال بيكم شغلة

[معتصم الطاهر]

... حب اللواري الاتعمرت كرهنا في المنتدي.

وجعنى والله ..

حرقنى

نيابة عنهم جميعا ..

[عبداللطيف النقر]

اقتباس:
المشاركة الأصلية كتبت بواسطة جيجي
غايتوا مبتزل دي صنت لي اضاني
بس ياها عادل امام يعظ الجمهور زاتها



ايوه كده اديهو على راسوا- وكان كتتروا خليهو لى

[سارة]

عباس سلامات
التحية والتقدير لك ولضيوفك
حسب وجهة نظرى وقعت فى نفس الخطأ الذى وقع فيه
{ يا اما عابد فى نقل وجهة نظر صاحبه..يا صاحبه فى توصيل
وجهة نظره لعابد} وهو التعميم والذى اضر بالقضية وتحسس
الجميع من الغرض
اولا خلينى اشرح فهمى لمعنى حبكانات لو انا فهمتك وفهمت صاحب
عابد
حبكانات المقصودة انه اتنين { رجل وانثى} يكونوا بحبوا بعض
زى اى حب بمفهومه المعروف ومنتظرين حياتهم تتوج برباط
مقدس{ دى الحبكانات} لو انا فهمت غلط رجاء تصححونى
ومن هسى بعتذر جدا لفهمى الخاطئ اها الاتنين ديل لما يقوموا
يكتبوا قصصهم ومناجاتهم وحبهم لبعض فى بوستات فى العام
هنا بيجى تقدير الناس وتتفاوت درجات قبولهم للشغلانة هناك
من يرى ان المنتدى هو منتدى للحوار والحوار دى زى ما بقولوا
الجماعة ممكن تكون كلمة فضفاضة يعنى اى زول حر فى ما ينوى
التحاور فيهو يعنى انا بحب لى زول وعايزة الناس تعرف قصتى
وتناقشنى وتحاورنى بتبقى المسالة قناعة شخصية وخيار شخصى
بحت ...بس انا كمان لازم اضع فى الحسبان انه فى ناس
من حقها تقول رايها فى مستوى الطرح ونوعية الحوار الانا بختاره
يعنى مافى زول يكتب علاقته الخاصة والشخصية فى العام ويجى
يلوم الناس بالتدخل فى خصوصيته.
نجى لشكل المنتدى بصراحة المنتدى فيهو المواضيع والكتاب
والشكل الذى يجعله منتدى محترم لكن كثرت الهنات وضعف بعض
المطروح قد يؤثر سلبا فى تقييم الناس للمنتدى وصاحب عابد
لو انا سارة دى اختلفت معاهو بيبقى اختلافى فى التعميم وانا بتفق
مع صاحب عابد ومع عباس الشريف انه هناك بعض المواضيع
ممكن تعطى اشارات سالبة لمنتدى حوارى بحجم سودانيات
ما يهمنا هنا وما انا متاكدة منه انه هناك الكتيرون وعابد على راسهم
يهمهم ان يكون المنتدى سمعته طيبة ويظل محترما يحترمه
الرواد والاعضاء وبما اننا بنعتبر نفسنا اعضاء سودانيات اسرة
واحدة ويجمعنا الكثير من المحبة والتواصل ليه ما نتعاون مع بعض
ونسد الثغرات ونسكت الاقاويل ونصحح مفاهيم الناس مش احنا
وعدنا الراحل المقيم قبل ان نشيعه لمثواه الاخير باننا سنحافظ على
المكان ونعمل على نهضته ؟؟؟
يعنى بالعربى المشبرح لما زول يقول لينا كترتو المحلبية المفروض
ناخد كلامه على محمل الجد ونتعامل مع الموضوع بمسؤلية وتجرد
وننسى ان نثار لانفسنا فكما اتفقنا وتعاهدنا سودانيات تاتى اولا

انا بصراحة راى انه الحياة الخاصة والعلاقات الخاصة جدا من الضرورة
بمكان اعطائها حقها من القدسية والخصوصية وتبقى وجهة نظر فقط
تقبل كل الاحتمالات..ثانيا هناك مواضيع تبدو اكثر ايلاما من حكاية الحبكانات
دى بس طالما المنتدى للحوار تاخذ هذه المواضيع صبغة للنقاش
اكثر من المواضيع الخاصة جدا التى يصبح التداخل فيها كالشات فى المسنجر
او الاسكى بى
بجيكم
وجاهزة لايتها كوماج

[wadosman]

المشاركة الأصلية كتبت بواسطة ام التيمان

و اللهى العظيم
يا ركس
الحلة دى بدونك عدم
يا خى انت الذ و اجمل زول شفتو
اها ما ناوى تدبل؟؟

نمسك دى لمن يجى ركس...

[wadosman]

المشاركة الأصلية كتبت بواسطة سارة

عباس سلامات
التحية والتقدير لك ولضيوفك
حسب وجهة نظرى وقعت فى نفس الخطأ الذى وقع فيه
{ يا اما عابد فى نقل وجهة نظر صاحبه..يا صاحبه فى توصيل
وجهة نظره لعابد} وهو التعميم والذى اضر بالقضية وتحسس
الجميع من الغرض
اولا خلينى اشرح فهمى لمعنى حبكانات لو انا فهمتك وفهمت صاحب
عابد
حبكانات المقصودة انه اتنين { رجل وانثى} يكونوا بحبوا بعض
زى اى حب بمفهومه المعروف ومنتظرين حياتهم تتوج برباط
مقدس{ دى الحبكانات} لو انا فهمت غلط رجاء تصححونى
ومن هسى بعتذر جدا لفهمى الخاطئ اها الاتنين ديل لما يقوموا
يكتبوا قصصهم ومناجاتهم وحبهم لبعض فى بوستات فى العام
هنا بيجى تقدير الناس وتتفاوت درجات قبولهم للشغلانة هناك
من يرى ان المنتدى هو منتدى للحوار والحوار دى زى ما بقولوا
الجماعة ممكن تكون كلمة فضفاضة يعنى اى زول حر فى ما ينوى
التحاور فيهو يعنى انا بحب لى زول وعايزة الناس تعرف قصتى
وتناقشنى وتحاورنى بتبقى المسالة قناعة شخصية وخيار شخصى
بحت ...بس انا كمان لازم اضع فى الحسبان انه فى ناس
من حقها تقول رايها فى مستوى الطرح ونوعية الحوار الانا بختاره
يعنى مافى زول يكتب علاقته الخاصة والشخصية فى العام ويجى
يلوم الناس بالتدخل فى خصوصيته.
نجى لشكل المنتدى بصراحة المنتدى فيهو المواضيع والكتاب
والشكل الذى يجعله منتدى محترم لكن كثرت الهنات وضعف بعض
المطروح قد يؤثر سلبا فى تقييم الناس للمنتدى وصاحب عابد
لو انا سارة دى اختلفت معاهو بيبقى اختلافى فى التعميم وانا بتفق
مع صاحب عابد ومع عباس الشريف انه هناك بعض المواضيع
ممكن تعطى اشارات سالبة لمنتدى حوارى بحجم سودانيات
ما يهمنا هنا وما انا متاكدة منه انه هناك الكتيرون وعابد على راسهم
يهمهم ان يكون المنتدى سمعته طيبة ويظل محترما يحترمه
الرواد والاعضاء وبما اننا بنعتبر نفسنا اعضاء سودانيات اسرة
واحدة ويجمعنا الكثير من المحبة والتواصل ليه ما نتعاون مع بعض
ونسد الثغرات ونسكت الاقاويل ونصحح مفاهيم الناس مش احنا
وعدنا الراحل المقيم قبل ان نشيعه لمثواه الاخير باننا سنحافظ على
المكان ونعمل على نهضته ؟؟؟
يعنى بالعربى المشبرح لما زول يقول لينا كترتو المحلبية المفروض
ناخد كلامه على محمل الجد ونتعامل مع الموضوع بمسؤلية وتجرد
وننسى ان نثار لانفسنا فكما اتفقنا وتعاهدنا سودانيات تاتى اولا

انا بصراحة راى انه الحياة الخاصة والعلاقات الخاصة جدا من الضرورة
بمكان اعطائها حقها من القدسية والخصوصية وتبقى وجهة نظر فقط
تقبل كل الاحتمالات..ثانيا هناك مواضيع تبدو اكثر ايلاما من حكاية الحبكانات
دى بس طالما المنتدى للحوار تاخذ هذه المواضيع صبغة للنقاش
اكثر من المواضيع الخاصة جدا التى يصبح التداخل فيها كالشات فى المسنجر
او الاسكى بى
بجيكم
وجاهزة لايتها كوماج

اها يا سعادتو

هسى من كلاامك دا نفهم سجن ولا غرامه..؟؟؟


الجوز الفوق دا عشان ردك يكون بشيش..بشيش.

[طارق الحسن محمد]

عنى مافى زول يكتب علاقته الخاصة والشخصية فى العام ويجى
يلوم الناس بالتدخل فى خصوصيته

سارة سلام
شكلتى الايدى لا كراعى
لقيت نفسى فوقا
لمن تداعت
(( المتداعية الاممية ))

مرقتونا من البلد

[سارة]

المشاركة الأصلية كتبت بواسطة معتصم الطاهر

وجعنى والله ..

حرقنى

نيابة عنهم جميعا ..

ياباشا

اضحك الله سنك خلينا نمسك الجانب الاخر من المسألة

ونشوف مين كان السبب

[سارة]

المشاركة الأصلية كتبت بواسطة طارق الحسن محمد

سارة سلام
شكلتى الايدى لا كراعى
لقيت نفسى فوقا
لمن تداعت
(( المتداعية الاممية ))

مرقتونا من البلد

انت مشكلتك ما بتعرف توصل وجه نظرك الفى الغالب بتكون صحيحة
عنفك واللفظى تحديدا بكون سبب مباشر للنفور من طريقتك فى الحوار

اما قصة مرقتك من البلد دى والله سعيت فيها يا طارق بس ما ظبتت


تصدق بالله اشتقت لمناقرتك

ما تجى نتكومج ياخ

[سارة]

المشاركة الأصلية كتبت بواسطة wadosman

اها يا سعادتو

هسى من كلاامك دا نفهم سجن ولا غرامه..؟؟؟


الجوز الفوق دا عشان ردك يكون بشيش..بشيش.

ود عثمان

انت عارف انا اقوم اشرب لى جرعة من العسل
واحرق لى بعرة بعرايتين ونشوف