اقتباس:
المشاركة الأصلية كتبت بواسطة عباس الشريف
قيقراوي يا حبيب سلامات
اتفاقك معاي في الجزئية بتاعت الحبكانه مقصدنا زي موضحت الخصوصيه متعتها في تناول الموضوع بخصوصيه والظروف لي قدام ما معروفه خاصة في مسائل الحب ... مرة اسرح ومره افرح ومره تقلبني القراية .....عيونى فى الدمعات وحيله
أنا لا الصبر قادر عَلَىْ
ولا عندى حيله
دائما تكون الامور متقلبه
والاتربه اوقات صيفيه اوقات شتويه
الخصوصيه تعني خط الرجعه لتامين المحبين
اخوك بكلاريوس حب تخصص تكنولجيا المعامل العاطفيه.
اما فيما يخص السياسة ما بقولو ليك السياسة غذرة اها الغذارة دي بتلم كل شيء فهي مرحلة ابعد من الوساخه.
|
تاني قام جاب سيرة البحر!!
اختلافي و اتفاقي معاك ما في التفاصيل ..
القاسم المشترك الاعظم اللي هو النبهوك عليو كتاااااار
التعميم مخل .. مخل جداً جدن حتى آدم همسلف!! .. شفت كيف!؟
بعدين ما تسمع قول العوازل كلو كلو !
ما في شئ مضيعنا الا ( قالوا ) دي
من هم منظمة قالوا السرية دي .. قالوا في ياتو سياق؟ .. و يقولوا ليه ذاتو ؟
منو الاداهم الحق يقولوا .. و نزعوا مننا نحن ديل؟
اها انا بقول ليك ما في اي ذورية في لاسياسة .. بتصدقني انا القدامك دا و لّ تصدق ليك جماعة وهمية؟
ما ذنب جلد الطار كان غنوا بيهو شتر ياخ!
بعدين اظنك ما سمعت بنظرية " ضنب الككو " انت!؟
لوووووووووول
كان ما سمعت قول ..
نجي نوقع ليك في العدد القادم
----
تحت تحت كدا متضامن معاك .. بس ما تكلم زول
