قون المغربية احسن من ميه ... ده غلب يا ناس الهلال ارجو الراجيكم
ادارة مشروع الجزيرة قسم الاعلام كانت تقوم بحملات تثقيفيه ترفيهيه بواسطة السينما الجوالة الشاشة قطعة دموريه في قنايتين ومكنة الفلم تشتغل من الخلف كل عشرة دقائق احيانا تقتصر المسافة الزمنية لي دقيقتين إشربك الفلم تبدأ الصورة بالبطيء كنا نطلق عليها المشي بي الكهرباء ثم التشويش ده حال قناة قون الهلاليه.
غايتو اكثر حاجة جات واضحه في القناة حفلة الكابلي والحبش الغريبه اي حفلة فيها حبش بتكون زي الحلاوة في قناة قون ادارة القناة دقست كانت تكتب في شاشة المباراة في محل النتيجه الافريقي الحبشي كان لي حسي الكوره تكون شغاله.
فرحانيين غلبو بي واحد قول اثنين قول تلاتة التوانسه هناك شغالين بالسلم الخماسي حظك يا قناة قون اربعه حبشيات مع السلم الخماسي وتكون عملية النقل ساهله.
بالله ده حكم امس ذاد ليكم الزمن الاضافي عشرة دقائق بعد ده ما قدرتو تتنو القون والاول لو ما دقس الحارس وادها لي ساساساسا كت لابت هديه كان لي حسي تبرطعو في الفاضي
مدرب الافريقي زعلان من الحكم صرح لجرايد الصفراب الحكم من المريخ لاعلاقه له بالكوره
برضو مدخلين المريخ
اضبط ....قالو التشويش لقناة قون من نادي المريخ
سيدا وقع غمران في المستشفي قالو فاقد سوائل ما قلنا ليكم مشيكم لي قدام بستنذفكم الديون بتكتر والملاريات مع معسكرات البوش بتلقي ارض خصبه.
تيم عجائز قال مهند ياخوي خلاس اعتزل قايلا تمثل ما تكون فاكر نفسك مهند التركي.
جبنة ميشو قال المهمة في تونس صعبه
نسهلا ليك استعين بالناتو غايتو يا الحبيب مع تيم العجائز ده الي تلعب بي كدارات بدون لعيبه علي وزن طيارت بدون طيار.
بالله ده علينا في السودان كانت ساهلة...... الناس ديل غلبتوهم بي كوراك الجماهير
اتخلع الحارس فكه الكوره.
قالو كاس ... نيلا كاس زالنجي ... الكاس كاسي بختو في راسي...
ما بتخجلو دافوري قون ((المغربيه)) احسن ميه
هناك عندهم قون خمسة ((التونسيه)) احسن من ميه
قالو كاس نشوف بتلقي ليكم عشان تحلقو اولاد الناس.
|
