واللاتي تخافون نشوزهن فعظوهن واهجروهن في المضاجع واضربوهن

[عباس الشريف]

المشاركة الأصلية كتبت بواسطة سارة

لا يا ود عثمان داير بوليس اداب والله

ساره ما قايلك طيبه كدي اعتقد دخلتي في غلط زي غلط العنوان بتاعي انتي تقصدي بوليس انضباط عشان ناس السودان اخشو في المود اداب اعتقد عندكم هناك .... طيبتك دايره توديني فرنسا الحق لبنا والقنوات الفضائية

[سارة]

المشاركة الأصلية كتبت بواسطة عباس الشريف

كدي بدخلينا في حسابات كثيرة وانا زول بتعامل مع اللحظه والفاتني بفوتو امس مشيت اتسوق في بنده ما اشتريت منتجات دنماركيه برضو دي مناصره و ل لا.
اللهم صلي وسلم عليه .... في الصلوات الخمسه مناصره و ل لا
الحساب بدخلك في انشغال ذهني فكيها يا ساره ان الله غفور رحيم ما ترجعي لي لشدي العقاب خلينا اول ننتهي من المسواك.

عباس

انا بصراحة دايراك قبل تدخل فى حساباتى ادخل فى محاسبة نفسك
الحياة يا اخى الكريم لا تستقيم بهذه الطريقة..اذا كان عدم شراء المنتجات
الدنماركية يعتبر مناصرة وحب فى الرسول ماذا يفعل المسلم الدنماركى
الدى يملك مصنعا للالبان؟؟؟يا عباس خلينا نكون منطقيين
ومن قال لك ان الله غفور رحيم الم يقل لك بانه شديد العقاب ؟؟؟
ليت محاسبة النفس تدخلنى فى انشغال ذهنى ياريت يا عباس
كل زول فينا يحاسب نفسه قبل أن يحاسب...

تمنيت ان يصبح عليك اليوم يا عباس وقبل ان تفوت ما فات يوم امس
ان تقف عنده طويلا وتفكر فيه...فكر فى الذين تعرفت عليهم
فكر فى الذين قصيت معهم اوقات انت واسرتك ..فكر فى اهلك
فى مدنى فى المسيد وفى المحاية..فكر فى كل شى قبل ان يفوت
كل شىء..راجع نفسك وحاسبها يا عباس لانه مراجعة النفس
ليس عيبا

السواك جميل وله فوائده التى نقلت فى مقالى جزء منها لكن
حفظ اللسان وصونه اهم وابلغ

لست وصية ويمكن رفض كلامى فهو ليس فرض ولكنها
وجهه نظر مشروعة ولك حق القبول او الرفض

[عباس الشريف]

المشاركة الأصلية كتبت بواسطة عبده سعد

حركة العديل دا !!!! ياخ دى عايزة بتاع سجون وكدا.
وبعدين منقة إنتا ياخ.

غايتو يا حبيبنا عبده نرفع امرنا لي الله حكاية السجون دي صعبه المواسير وقفلوها نطلع بي وين لو قعدنا نكابس تحت الحيط بنلقي خور بابكر عباس
صحي بابكر عباس وينو امس في اتصال هاتفي قال لي بخاف من مداخلاتك انا بعبع يا بابكر غايتو يا بابكر شوف ليك واحد من اولاد مدني اوريك جدول الاجازات بتاعتي عشان ما نصادف سواء خور التلفزيون ما بشيلنا استعين بحبيبي مبر

[سماح محمد]

سلامات..
والله ياعبس قريت العنوان قعدت أتشهد وأستغفر
إلا بس ربنا ستر..
بقيت تلعب بأعصابنا...


وياسرورة الجميلة..
كلامك سمح..لكن
الناس بتختلف..
في خلفياتها وفي طِباعها..
فمسألة إنو الزول ينتقد نفسو على الملأ دي ممكن تكون قاسية شوية على البعض
لكنها ما بتعني إنو الزول ما بيراجع نفسو
والتعبير عن كدة ممكن يكون بطرق مختلفة
أبسطها عزوف الإنسان عن التمادي في فكرة أو سلوك ما..
...

دمتِ بخير يا ستهم

[سارة]

سماح يا جميلة

من قال انا طلبت مراجعة النفس فى العام وعلى الملأ؟؟؟
انا قلت شغل الذهن بمحاسبة النفس ومراجعة ما فعلنا
ولم احدد مكانا بقدر ما حددت قبل فوات الاوان
وقبل ان يحاسبنا الله او يحاسبنا غيرنا هذا ما قصدته

عموما بعتذر ان كان فى كلامى اشارة لمحاسبة النفس
فى العلن


مودتى واحترامى ياغالية