اقتباس:
المشاركة الأصلية كتبت بواسطة مبر محمود
تحيّاتي مجدداً يا حافظ..
ساهم بن لادن بوعي او بدون وعي مع أمريكا في حربها لردع المد الأحمر، كما ساهم مؤخراً وعقب أحداث 11 سبتمبر في منح السياسة الأمريكية قضية مركزية، تنافح من أجلها، وتستغلها لتمتين أهدافها الخارجية، وللتغول علي السياسات الداخلية للشعوب .
|
مبر يا صديق كيفك لينا منك طولة
كدي نخلي المد الأحمر أو البنفسجي دا و نجي نشوف حكاية 11-سبتمبر دي... قلت لي بن لادن أدي الحكومة الأمريكية مسوغ قوي جداً عشان تتدخلو تتغول في السياسات الداخلية للشعوب ..... يا خي الكلام دا يا مبر ما حاسي فيه ريحة بتاعة نظرية مؤامرة؟
طيب بن لادن الذي تترحم عليه أنت يعني تفتكر أمريكا محتاجة يقتل ليها الالف البشر عشان تتدخل في سياسات الشعوب الداخلية دي؟
و بعدين هذه الأمريكا أتدخلت في سياسات شعوب لا عندها بن لادن لا قاعدة ... تقدر تفسر بشنو تدخل امريكا في البوسنة و زي ما إنت عارف الناس المبادين في البوسنة دي كانوا مسلمين؟
أها تدخل أمريكا في رواندا تفسره بشنو في حين أنو الهوتو و التوستي ما عندهم علاقة ببن لادن لا القاعدة؟
تدخل امريكا في دارفور مسلمين ببيدوا في مسلمين تفسيرك ليه شنو يا حبيب؟
يا حبيب الحكومات في أمريكا و أروبا بتدخل في كثير من القضايا مرغمة لانو إتشكل ضمير شفاف جداً ما بحتمل بشاعات ناس بن لادن و الهوتو و التوستي ديل .. يعني في منظمات مجتمع مدني حقيقية ما زي حقاتنا ديل بتضغط , في لوبي قوي جداً بجبر الحكومات أنها تتدخل ... ةو الحكومات بتستمع لشعوبها ما زي حكومات العالم التالت دي فاهم كيف؟
بجيك راجع تاني
