اقتباس:
ولكنهم ولاسباب غامضة يختصرونها برمز واحد فقط
شهاب كرّار
|
ياخي غامضة شنو؟
إلا الزول كان مغمّض بيه منهج علمي ساكت
عارف الجماعة بتوع المنهج اللاعلمي زيي ديل يا عملات حسبو، الواحد منهم لو شاف ليك بركة الإمام الصادق دا ساكت في الأخبار، يقوم يفقد حصّتو من منهج العلم الغامض و"اللاأدري" دا.
لو صورة الإمام غير واضحة رَكِّز مع الصورة الثانية
سأعتبر أنَّ مداخلتك الممازحة تلك خُطوة جدية باتجاه مناقشتي.
وما دام ناوين تلبّعوني بالمنهج العلمي، فحقّوا تحضّروا العصي العلمية من هسّع.
أنا شخصياً اخترت العصا الشايلها عمّك هذه، وهي (العنخ) وهو رمز الحياة.
هناك ست عصي سودانية أخرى وتأسيسية، للعالم كلّه في الرموز. التي يحملها الصادق المهدي هذه هي حرف (المن) لو كنت تذكر ذلك مما مضى من مادة، والصورة التي عرضتها أنت مأخوذة من أبتية وثنية، تعتقد أنها قرون.
أها.. عشان اللبيعة المنهجية بتاعتي تطلع سمحة، حقو الست عصي دي، إنت تكوس اتنين، وحسبو اتنين، وود القرشي لو حبّ يواصل معاكم يكوس اتنين.
أنا شخصياً اخترتُ هذه الحياة (العنخ) عصا عمّك، والمغروض في لبّيعي علمياً، يبدأ يلم عصيه من هسّع، لأنّ الدواس في جنس مواضيعنا هذه، الفارس فيها بحضّر عصيه بنفسه، ومن بدري بدري، حكاية الخواجة بتاع الفيزياء وألا الرياضيات قال كذا وكذا، ما بتحل.
