مرحـــباً بعطر أكتوبر الفوّاح .. مرحــباً بالأستاذ محمد المكى إبراهيم

[wageeda]

يامراحب
يالفرحتنا بالشاعر الفذ
كم احب قلمه المسكون بالابداع وعشق الوطن
رجلا نادرا جدا جدا
قادما يمتطي صهوة القلم الذهبي الذي يحلق بنا عاليا ويغوص بنا لعمق الدهشة لنحصد لألي ودرر ثمينة
انه من يعزف سيمفونيه الحرف الابي
يالله ,,,

من غيرنا يعطي لهذا الشعب ...
معني أن يعيش وينتصر
من غيرنا ليبدل القيم الجديدة والسير
من غيرنا لصياغة الدنيا وتركيب الحياة القادمة
جيل العطاء المستجيش ضراوةً ومصادمة
المستميت علي المباديء مؤمناً
المشرئب إلي النجوم لينتقي صدر الحياة لشعبنا
جيلي .. أنا

مليار الف مرحب

[بابكر مخير]

ولا زال الإنتظار سيد الموقف
وما زالت الأعناق تشرئب والعيون جاظات الي السماء
ما زلنا في ترقب بزوغ الحرف المنمق والحس القومي والكلمة الهوينة ولينة لينا والحارقة عليهم..


نحن السودانيين الأصلين، لا تعرفنا إلا إذا تأخرنا،،
لكننا نكون هناك ولو بعد أحيان..
وإتا الاصيل
في الغروب أو الأصيل
جيتك ما من ضرب المستحيل
بث!!
أريتك تلكع تشفي بي كلامك جسدنا المن الإنتظار أصبح الهزيل
تخلينا نشوف الأمل في علاج وطنن عليل
ما نحوم ندور في الكون، كايسين البديل

[فتحي مسعد حنفي]

المشاركة الأصلية كتبت بواسطة بابكر مخير

ولا زال الإنتظار سيد الموقف
وما زالت الأعناق تشرئب والعيون جاظات الي السماء
ما زلنا في ترقب بزوغ الحرف المنمق والحس القومي والكلمة الهوينة ولينة لينا والحارقة عليهم..


نحن السودانيين الأصلين، لا تعرفنا إلا إذا تأخرنا،،
لكننا نكون هناك ولو بعد أحيان..
وإتا الاصيل
في الغروب أو الأصيل
جيتك ما من ضرب المستحيل
بث!!
أريتك تلكع تشفي بي كلامك جسدنا المن الإنتظار أصبح الهزيل
تخلينا نشوف الأمل في علاج وطنن عليل
ما نحوم ندور في الكون، كايسين البديل

لكن يابابكر تفتكر الزول دا ممكن يجي بالساهل لي منتدي فيهو بابكر مخير وفتحي مسعد.انت ساهل كنت بعيد في براتسلافا لكم أنا العرفو من ما كان سكرتير تاني وساكن علي بعد خمسة دقايق مشي مني في الهوتيلوفي دوم في فيترنيك. وتاني ودي كانت آخر مرة أقابلو مشيت زرتو في السفارة السودانية قبل ما تتلغي الكانت في الكارلاك.والمرة دي كان سفير وأنا كنت في زيارة لي براغ وأصريت أمشي أسلم عليهو..غايتو ياسعادة السفير راجينك عشان نفتح بوابة ذكريات جميلة ونتذكر هاشم السكرتير التالت ود الأبيض والمرحوم قمر الأنبيا وصاحبك عبد الرحمن الجنيد القالو لي هسة بشاكل ويضارب
مرحب بيك ياود المكي يا من جعلت من القيود جدلة عرس وحاربت الانجليز بأسياف العشر

[عبدالأله زمراوي]

مرحبا بشاعر الأمة بيننا وتحية خالصة للصديق العزيز فيصل سعد الشيخ..

[فتحي مسعد حنفي]

أهو كدا الواحد اطمأن انو الكلام صح وما كضب وانك فعلا معانا بحق وحقيقي بس المرة دي سايبريا.وعموما تكفينا ريحتك ياود المكي..
تاني مرحب بيك وما تطول الغيبة..

[فيصل سعد]

المشاركة الأصلية كتبت بواسطة عبدالأله زمراوي

مرحبا بشاعر الأمة بيننا وتحية خالصة للصديق العزيز فيصل سعد الشيخ..

و لك اسمى آيات التحايا و الاحترام و التقدير
ايها الاخ العزيز الاكرم .. محفوفة بباذخ المودة
و الاعزاز .. لتجدكم في امن و امان في دوحة الخير
و كورنيشها المخملي في آخر الشتاء روعة و سحرا ..

عارم الشوق و
كثيف المحبة ..

[فيصل سعد]

المشاركة الأصلية كتبت بواسطة محمد المكي ابراهيم

كل ما اتمناه ان يمنحنا الصحة وسلامة البدن
لنعيش ونرى فيهم يوما عصيبا حبيبا ..

شكرا ..

م المكي

مرحبا بك استاذنا العزيز و بمقدمك و باولى
خطواتك في هذه الديار .. و التى دون شك
تزدهي بك و تزدان القا و شموخا ..

[سمراء]

التحية للقامة الراسخة فينا
استاذنا الشاعر محمد المكى ابراهيم
ومرحب بمقدمك وتشريفك ديارنا

[محمد النور كبر]

صديقنا ود المكي.. حبابك
و كتر خير النت قرب المسافات و أشياء اخر..
سعيدين بي شوفتك معانا هنا..حبابك عشرة بلا كشرة..و قنب طوله يا صديق
التحيات لشابات و شباب سودانيات بدون فرز..

كبر

[محسن خالد]

التحيات الوافرة للأستاذ ود المكي
من أمتعنا بالكثير والجزيل من شعره
مرحباً بك في سودانيات
ولتكن بألف خير

[طارق الحسن محمد]

المشاركة الأصلية كتبت بواسطة محمد المكي ابراهيم

احبابي
شكرا على الترحيب بكل ما فيه من مبالغات واشياء لا استحقها وحسنا فعلت يا صاحبي وانت تترحم على خالد الحاج
ندعو له بالرحمة والبقاء الابدي في النور والهناء عند مليك مقتدر
ارى مثلما ترون علامات التداعي في هذا النظام الرجيم الذي يتسلط على اقدار بلادنا وارى ان ذلك يوجب علينا الاستعداد لخلافته ببرنامج سياسي/اقتصادي/اجتماعي يصلح بعض ما افسدوا فهل تريدون ان نتناقش في ذلك؟؟
عندي اكثر من سؤال وقليل من الاجابات وانتظرمنكم تفاصيل كثيرة
هل تريدون الخوض في هذا الشأن الهام ؟
هل اطرح سؤالي الاول؟

اكرر الترحاب
ايها القلم الغيور
والملهب
ودع شباب هذه
الوطن المستباح
ينهلون من معين
شعر الثورة والثوار
وتجاربهم فى اسقاط
الطغاة
لكى يكون زادهم فى
مقبل من المعارك التغيير
القادمة باذن الله

[الدقيقة 30]

ارحب بالاستاذ (الفكرة)

كما ارحب بكل الافكارة الجميلة التى مرت من هنا

اكتوبر ..كانت فكرة جميلة..كما انها برهان على نفسية هذا الشعب الذكى والمتصالح مع نفسة
الغريب فى اكتوبر انه نبض فى وقت كانت فى كل الشعوب تحت العناية المخبرية
...
سلامات استاذ
ومرحب بك فى منبر الفكر على اساس الاحترام
تحياتى ....

ابنكم
وهيب
ابن الفكرة

[بله محمد الفاضل]

يا للعطر والبهاء

مرحباً بك سيدي

حللت أهلاً ونزلت سهلاً

نتابع بامتنان لما تتفضلون به من رؤى
ونتعشم أن نصحو في الغد
لنرانا بين يدي
ما يبتر من حياتنا
هذا السخف الذي حل علينا
في ليلة ليلاء


شكراً للأيام التي تبقت لنا
أن جعلت اللقاء بك
على متن التواصل الأبهى
ممكنا
وشكراً أيضاً لمن يسر لنا ذلك
في البدء
الخالد فينا غفر الله له
والآن
صاحبنا فيصل حفظه الله


محبتي الأكيدة واحترامي

[محمد المكي ابراهيم]

رد التحية على بعض كلمات الترحيب
الكلمة الافتتاحية من ادارة الموقع بهيأتها الجماعية كما نبهنا لذلك اخونا العزيز فيصل وهي بحق ادارة الهنا فهي تقطر شعرا وانا اشكر واقدر كلماتها الجميلة
سارة وطارق الحسن اردفا الترحيب بمشاركة حوت فكرا باهرا ومفيدا للحوار
نبراس الدمرداش:دياركم طيبةبكم انتم اهلها
زول الله وابوعلى يذيلان كلمتيهما بدعاء للفقيد خالد الحاج وذلك دليل الحزن النبيل
يحيى عثمان وعكود ومعتصم الطاهر:فخر هذا الموقع بكم انتم/بتذوقكم العالي /نقاشكم الهاديء وفكركم العميق
زول خرافي:شكرا وقل لي هل اشم منك ريحا كردفانياام ماذا؟
شكرا لباسط المكي شريكي في الاسم وازهري سيف الدين(والده اتحادي عيار 24) والموناليزا وجيدة
شكر خاص للعضم الكبير عصمت العالم وكلماته أوسمة ونياشين
نهلت منها في موقع مكتبة الاغنية السودانية حيث الكلم معطر بالموسيقى وحلو الترد اد واعب منها هنا ولا ارتوي
لكن اتصبر
جماعتي التشيكيين: مخير وابو حنفي يوما سنجلس على انفراد ونتبادل الاقاصيص والذكريات ويرحم الله محمود اسماعيل لم اسمع برزئه الا الان
البقية تأتي لكيلا يزعلن احد علينا

[محمد المكي ابراهيم]

من اداب الاسافير ان تذكر كل متداخل باسمه اعترافا بفضل مشاركته.ولقد راجعت اسماء المتداخلين فوجدت انني لم اذكر اسمي الصديقين محمد النور كبرالناقد الممتاز ورئيس الوزراء المرشح والاستاذ الوليد عمر.
وفي كل الاحوال لم أوف أيا منكم حقه من التقدير والامتنان وسأظل مديونا لكم فكونوا رقيقين في اقتضاء ديونكم وجاملوني بالمسامحة والكرم والنظرة الى ميسرة
الله يخلي ويحفظ ويبارك
ورحمة المولى لخالد الخالد بجميل صنعه وكرام اصدقائه