شيوعي خطير

أبوبكر عباس · 19-05-2011, 06:33 AM

أول مرة أصوت في حياتي في إنتخابات، كانت الإنتخابات الجابت إتحاد الإنتفاضة بجامعة الخرطوم (إتحاد التحالف)، صوت لكل لستة المجلس الأربعيني ما عدا أعضاء الجبهة الديمقراطية (ناهد جبر الله و رفاقها في اللستة).
السبب الخلاني أعمل كدا شنو؟
قبل الإنتخابات جونا الكيزان في الغرفة و هرشونا ليك بانو صوتك أمانة في عنقك و لازم تديهو للقوي الأمين، و لا يحق لك ان تعطيهو لكافر!!!
حاججتهم قلت ليهم: الناس ديل ما كفار
قالوا لي يوم واحد شفتهم في الجامع؟
قلت ليهم لا
قالوا لي: تارك الصلاة كااافر
بسري قلت ديل نتفكى منهم كيف؟
جاتني فكرة خطيرة قلت ليهم خلاص أنا بصوت لناس التحالف ما عدا الشيوعيين..

و جري مشيت السينما

النصيحة كدا يا أخوانا الكيزان كانوا بهرشونا بقصة رفض الشريعة و التكفير ديل هرش شديد..
يقولوا ليك يعني انت رافض حكم الله؟
تقول ليهم لا أنا ما رافضو، لكن التطبيق لازم يكون مثالي...
يقولوا ليك: يعني نحن متفقين، خلاص خلينا نشتغل سوا عشان نجيب التطبيق المثالي...
بي كدا بيكون ما عندك طريقة غير تشرد السينما...
لانو الجانب الإنت قلبك مايل ليهو، ما عندو غير أكتوبريات محمد المكي و هاشم صديق و محجوب شريف

أبوبكر عباس · 19-05-2011, 06:46 AM

الواحد كان واقع بين نارين:
ناس الجبهة الديمقراطية لو شافوك ميلت للكيزان بوصوفوك بالتخلف
تميل للأحزاب التقليدية يصفوك بالرجعية
الكيزان يشوفوك مع الشيوعيين يقروا ليك سورة الكافرون

نسوي شنو؟
أنا زول من مدني كل الكنت بعرفو قبل الجامعة، حفلات صديق سرحان، و كورة أهلي مدني و الافلام الامريكية بسينما الخواجة؟؟؟
تقوم نتيجة الشهادة السودانية دي تنزعني من شلتي البتحميني و قمت مهاها، وتوديك لمجتمع جديد زي دا!:
كفار و مسلمين و جكس
و تكون رغبتك الحقيقية، تتعرف على البنات ديل و داير تبقى مسلم و زول كويس و غير رجعي و لا متخلف...
نسوي شنو يا أخوانا مع الكارثة الجديدة؟

قلت يا ولد الحل: تثقف

من باكر تسك أركان النقاش

فيصل علي · 19-05-2011, 07:06 AM

اقتباس:
المشاركة الأصلية كتبت بواسطة بابكر عباس

قلت يا ولد الحل: تثقف

من باكر تسك أركان النقاش

اها ...
بعد ما اتثقفت ورينا الحصل

فيصل علي · 19-05-2011, 07:07 AM

يا خي صباح الخير
والله قصتك دي نستني اسلم عليك

أبوبكر عباس · 19-05-2011, 07:17 AM

أول ركن نقاش احضرو في رحلتي الثقافية كان ركن نقاش إسلامي، لقيت ليك واحد من دفعتنا واقف و شايل ليهو ورقة يكتب في ملاحظاتو!!
بسري قلت الزول دا بيكون بدأ يتثقف قبلي...

تم فتح الفرص للحوار، و ادوا صاحبي فرصة، قام بعد حمد الله و صلى على الرسول سأل المتحدث عن العدالة الإجتماعية و حرية المرأة؟؟

المتحدث قال ليهو: انت تبع ياتو تنظيم؟
صاحبي قال ليهو: ما عندي
المتحدث: يعني فلوتر
صاحبي نطط اضنينو!
المتحدث قال لصاحبي: بتعرف العاديات ضبحا تعني شنو؟
قال ليهو: لا
و الحضور يفقعا ليك ضحك

و الله أنا المتثقف الجديد دا، خفت خوف..
و جري للسينما

أبوبكر عباس · 19-05-2011, 07:23 AM

فيصل يا صديقي الجميل كيفنك؟
شايفك في بوست محمد المكي بديت تهدد نجوميتي في العكلته!

فيصل علي · 19-05-2011, 07:28 AM

اقتباس:
المشاركة الأصلية كتبت بواسطة بابكر عباس

فيصل يا صديقي الجميل كيفنك؟
شايفك في بوست محمد المكي بديت تهدد نجوميتي في العكلته!

لكن والله غلبني خالص اواصل
وطلعت بحكمة (اي حاجة ولا تتعكلت ليك في شاعر ..وشاعر كبيرزي دة)
لانو جاب لي كلام كبار كبار كدة (وعد الهي وما وعد الهي )
قلت يا اخوي هو دي عكلتة يمكن تجيب ليها هجاء بعد كدة اخير نتلم

كيشو · 19-05-2011, 07:32 AM

اقتباس:

المشاركة الأصلية كتبت بواسطة بابكر عباس

فيصل يا صديقي الجميل كيفنك؟
شايفك في بوست محمد المكي بديت تهدد نجوميتي في العكلته!

[justify]وإتا بديت تهدد تلفون الصباح من فيصل، وما أدراك ما تلفون الصباح؟
أهو بدا يضرب
مع السلامة[/justify]

فيصل علي · 19-05-2011, 07:39 AM

اقتباس:
المشاركة الأصلية كتبت بواسطة بابكر عباس

المتحدث قال لصاحبي: بتعرف العاديات ضبحا تعني شنو؟
قال ليهو: لا
و الحضور يفقعا ليك ضحك

و الله أنا المتثقف الجديد دا، خفت خوف..
و جري للسينما

اقول لك شي..
العاديات ضبحا دي انا زاتي ما عارفا
السينا هنا صعبة نعمل شنو؟

ناصر يوسف · 19-05-2011, 08:16 AM

اقتباس:

المشاركة الأصلية كتبت بواسطة بابكر عباس

الواحد كان واقع بين نارين:
ناس الجبهة الديمقراطية لو شافوك ميلت للكيزان بوصوفوك بالتخلف
تميل للأحزاب التقليدية يصفوك بالرجعية
الكيزان يشوفوك مع الشيوعيين يقروا ليك سورة الكافرون

نسوي شنو؟

تسوي سلطه بالدكوة تضربها وتمشي بعد داك السينما

بيكو .. تحياتي ومشتاقين يا رجل .. وتحاياي عبرك للأسرة الكريمة ولهذا المادح الجميل

فيصل سعد · 19-05-2011, 08:31 AM

اقتباس:

المشاركة الأصلية كتبت بواسطة بابكر عباس

فيصل يا صديقي الجميل كيفنك؟
شايفك في بوست محمد المكي بديت تهدد نجوميتي في العكلته!

سلام يا ند يا نديد !! :

يعني على كدا نفهم انه البوست دا
استعادة للنجومية المفقودة و الريادة
التي ضربت في مقتل و على عجل ,
و ريستورينج اوف كابابيلتيس ,
روولس , اند ليديرشيب انمحقوا

ارقد عافية ..

قيقراوي · 19-05-2011, 08:44 AM

اقتباس:

المشاركة الأصلية كتبت بواسطة بابكر عباس

الواحد كان واقع بين نارين:
ناس الجبهة الديمقراطية لو شافوك ميلت للكيزان بوصوفوك بالتخلف
تميل للأحزاب التقليدية يصفوك بالرجعية
الكيزان يشوفوك مع الشيوعيين يقروا ليك سورة الكافرون

نسوي شنو؟
أنا زول من مدني كل الكنت بعرفو قبل الجامعة، حفلات صديق سرحان، و كورة أهلي مدني و الافلام الامريكية بسينما الخواجة؟؟؟
تقوم نتيجة الشهادة السودانية دي تنزعني من شلتي البتحميني و قمت مهاها، وتوديك لمجتمع جديد زي دا!:
كفار و مسلمين و جكس
و تكون رغبتك الحقيقية، تتعرف على البنات ديل و داير تبقى مسلم و زول كويس و غير رجعي و لا متخلف...
نسوي شنو يا أخوانا مع الكارثة الجديدة؟

قلت يا ولد الحل: تثقف

من باكر تسك أركان النقاش

لووووووووب

تسوي ليك جمعية و تصرفا اول واحد .. شفت كيف؟

و البقرا ليك الكافرون اقرا ليو ويلٌ لكل همزةٍ لمزة
انت قايلم فارزين حاجة!؟ ... كلو بوهية و تجارة .. و قديمن قيل : التجارة شطارة
بس انت عشان كنت ما مسغف بس!

------

الكارثة الجديدة توديها للشفيف شهاب كرار يلمها علي رفاقتا بهناك في بوست الكوارث

آدم صيام · 19-05-2011, 08:57 AM

اقتباس:

المتحدث قال ليهو: انت تبع ياتو تنظيم؟
صاحبي قال ليهو: ما عندي
المتحدث: يعني فلوتر
صاحبي نطط اضنينو!
المتحدث قال لصاحبي: بتعرف العاديات ضبحا تعني شنو؟
قال ليهو: لا
و الحضور يفقعا ليك ضحك

و الله أنا المتثقف الجديد دا، خفت خوف..
و جري للسينما

والله ضحكت في المكتب لمن فقدت بوصلتي السياسية

لا للرِهاب السياسي في الجامعات!

أبوبكر عباس · 19-05-2011, 12:37 PM

اقتباس:

المشاركة الأصلية كتبت بواسطة فيصل علي

لكن والله غلبني خالص اواصل
وطلعت بحكمة (اي حاجة ولا تتعكلت ليك في شاعر ..وشاعر كبيرزي دة)
لانو جاب لي كلام كبار كبار كدة (وعد الهي وما وعد الهي )
قلت يا اخوي هو دي عكلتة يمكن تجيب ليها هجاء بعد كدة اخير نتلم

كيف ما يغلبك؟ ما معقول يا فيصل إنت زول خطير و صاحبك أشتر أختر زول في المنتدى دا، و برضو سايط لينا الإقتباسات دي!
ليهو حق الاستاذ محمد المكي يحقر بيك
تلقاهو بقول: الزول دا ما بفرز كلامو من كلام غيرو، خلينا نرشو بكلام كبير يخليهو مقمبر ساكت
* ح يكون عندنا مع استاذ مكي دا صولات كبيرة، بس خليهو ياخد على البيت و برجع ليهو في موضوعي الأول داك، نحن أصلو لا بننسى و لا الزمن ممكن يغير ملامحنا

أبوبكر عباس · 19-05-2011, 12:43 PM

اقتباس:

المشاركة الأصلية كتبت بواسطة كيشو

[justify]وإتا بديت تهدد تلفون الصباح من فيصل، وما أدراك ما تلفون الصباح؟
أهو بدا يضرب
مع السلامة[/justify]

سلام يا كيشو
يا زول فيصل دا بقى فردة من يوم واقف* داك
أنا و هو بقينا كدا (سبابتان ممدودتان إلى الأمام)

* للذين خارج قطر، واقف دا إسم سوق

19-05-2011, 06:33 AM	#[1]
أبوبكر عباس :: كــاتب نشــط::	شيوعي خطير أول مرة أصوت في حياتي في إنتخابات، كانت الإنتخابات الجابت إتحاد الإنتفاضة بجامعة الخرطوم (إتحاد التحالف)، صوت لكل لستة المجلس الأربعيني ما عدا أعضاء الجبهة الديمقراطية (ناهد جبر الله و رفاقها في اللستة). السبب الخلاني أعمل كدا شنو؟ قبل الإنتخابات جونا الكيزان في الغرفة و هرشونا ليك بانو صوتك أمانة في عنقك و لازم تديهو للقوي الأمين، و لا يحق لك ان تعطيهو لكافر!!! حاججتهم قلت ليهم: الناس ديل ما كفار قالوا لي يوم واحد شفتهم في الجامع؟ قلت ليهم لا قالوا لي: تارك الصلاة كااافر بسري قلت ديل نتفكى منهم كيف؟ جاتني فكرة خطيرة قلت ليهم خلاص أنا بصوت لناس التحالف ما عدا الشيوعيين.. و جري مشيت السينما النصيحة كدا يا أخوانا الكيزان كانوا بهرشونا بقصة رفض الشريعة و التكفير ديل هرش شديد.. يقولوا ليك يعني انت رافض حكم الله؟ تقول ليهم لا أنا ما رافضو، لكن التطبيق لازم يكون مثالي... يقولوا ليك: يعني نحن متفقين، خلاص خلينا نشتغل سوا عشان نجيب التطبيق المثالي... بي كدا بيكون ما عندك طريقة غير تشرد السينما... لانو الجانب الإنت قلبك مايل ليهو، ما عندو غير أكتوبريات محمد المكي و هاشم صديق و محجوب شريف التعديل الأخير تم بواسطة أبوبكر عباس ; 19-05-2011 الساعة 07:03 AM.
أبوبكر عباس :: كــاتب نشــط::

19-05-2011, 06:46 AM	#[2]
أبوبكر عباس :: كــاتب نشــط::	الواحد كان واقع بين نارين: ناس الجبهة الديمقراطية لو شافوك ميلت للكيزان بوصوفوك بالتخلف تميل للأحزاب التقليدية يصفوك بالرجعية الكيزان يشوفوك مع الشيوعيين يقروا ليك سورة الكافرون نسوي شنو؟ أنا زول من مدني كل الكنت بعرفو قبل الجامعة، حفلات صديق سرحان، و كورة أهلي مدني و الافلام الامريكية بسينما الخواجة؟؟؟ تقوم نتيجة الشهادة السودانية دي تنزعني من شلتي البتحميني و قمت مهاها، وتوديك لمجتمع جديد زي دا!: كفار و مسلمين و جكس و تكون رغبتك الحقيقية، تتعرف على البنات ديل و داير تبقى مسلم و زول كويس و غير رجعي و لا متخلف... نسوي شنو يا أخوانا مع الكارثة الجديدة؟ قلت يا ولد الحل: تثقف من باكر تسك أركان النقاش التعديل الأخير تم بواسطة أبوبكر عباس ; 19-05-2011 الساعة 06:54 AM.
أبوبكر عباس :: كــاتب نشــط::

19-05-2011, 07:06 AM	#[3]
فيصل علي :: كــاتب نشــط::	اقتباس: المشاركة الأصلية كتبت بواسطة بابكر عباس قلت يا ولد الحل: تثقف من باكر تسك أركان النقاش اها ... بعد ما اتثقفت ورينا الحصل
فيصل علي :: كــاتب نشــط::

19-05-2011, 07:07 AM	#[4]
فيصل علي :: كــاتب نشــط::	يا خي صباح الخير والله قصتك دي نستني اسلم عليك
فيصل علي :: كــاتب نشــط::

19-05-2011, 07:17 AM	#[5]
أبوبكر عباس :: كــاتب نشــط::	أول ركن نقاش احضرو في رحلتي الثقافية كان ركن نقاش إسلامي، لقيت ليك واحد من دفعتنا واقف و شايل ليهو ورقة يكتب في ملاحظاتو!! بسري قلت الزول دا بيكون بدأ يتثقف قبلي... تم فتح الفرص للحوار، و ادوا صاحبي فرصة، قام بعد حمد الله و صلى على الرسول سأل المتحدث عن العدالة الإجتماعية و حرية المرأة؟؟ المتحدث قال ليهو: انت تبع ياتو تنظيم؟ صاحبي قال ليهو: ما عندي المتحدث: يعني فلوتر صاحبي نطط اضنينو! المتحدث قال لصاحبي: بتعرف العاديات ضبحا تعني شنو؟ قال ليهو: لا و الحضور يفقعا ليك ضحك و الله أنا المتثقف الجديد دا، خفت خوف.. و جري للسينما
أبوبكر عباس :: كــاتب نشــط::

19-05-2011, 07:23 AM	#[6]
أبوبكر عباس :: كــاتب نشــط::	فيصل يا صديقي الجميل كيفنك؟ شايفك في بوست محمد المكي بديت تهدد نجوميتي في العكلته!
أبوبكر عباس :: كــاتب نشــط::

19-05-2011, 07:28 AM	#[7]
فيصل علي :: كــاتب نشــط::	اقتباس: المشاركة الأصلية كتبت بواسطة بابكر عباس فيصل يا صديقي الجميل كيفنك؟ شايفك في بوست محمد المكي بديت تهدد نجوميتي في العكلته! لكن والله غلبني خالص اواصل وطلعت بحكمة (اي حاجة ولا تتعكلت ليك في شاعر ..وشاعر كبيرزي دة) لانو جاب لي كلام كبار كبار كدة (وعد الهي وما وعد الهي ) قلت يا اخوي هو دي عكلتة يمكن تجيب ليها هجاء بعد كدة اخير نتلم
فيصل علي :: كــاتب نشــط::

19-05-2011, 07:39 AM	#[9]
فيصل علي :: كــاتب نشــط::	اقتباس: المشاركة الأصلية كتبت بواسطة بابكر عباس المتحدث قال لصاحبي: بتعرف العاديات ضبحا تعني شنو؟ قال ليهو: لا و الحضور يفقعا ليك ضحك و الله أنا المتثقف الجديد دا، خفت خوف.. و جري للسينما اقول لك شي.. العاديات ضبحا دي انا زاتي ما عارفا السينا هنا صعبة نعمل شنو؟
فيصل علي :: كــاتب نشــط::