شيوعي خطير

[أبوبكر عباس]

المشاركة الأصلية كتبت بواسطة فتحي مسعد حنفي

أنا غايتو بديت أتحري عن دفعتك في الجامعة عشان أجيب خغايا الفترة ديك ودورك الحقيقي في الأحداث وأوقفك قبال ما تسيئ لأصدقائنا الكيزان في المنتدي وتطفشم مننا وتاني ما نلقي كوز نصاحبو والعطش يكتلنا..أها نسيت أقول ليك أنا أكتر زول اتكيف من وجود ود المكي معانا عشان من زمان مستني لي زول يكون أكبر سنا مني وما أكون أعجز زول في المنتدي وأهو جاني زول أكير سنا ومقاما..شفت الهنا دا كيف

يا فتحي يا أخي أنا إتنازلت من الإنتخابات الجاية، عليك الله ما تكوس وراي

يا أخي خلاص ما بسأل ود المكي عشان انت تظل تاني الطيش، بس انت بطل بحتي

[فتحي مسعد حنفي]

المشاركة الأصلية كتبت بواسطة بابكر عباس

يا فتحي يا أخي أنا إتنازلت من الإنتخابات الجاية، عليك الله ما تكوس وراي

يا أخي خلاص ما بسأل ود المكي عشان انت تظل تاني الطيش، بس انت بطل بحتي

خلاص اتفقنا ما دام انت وافقت ما تعمل فيها كيفن كوستنر

[أبوبكر عباس]

بمناسبة مداخلة فتحي الفاتت دي أقول:
الأحداث في هذا البوست غير حقيقية و إن شابهت أحداث حقيقية في الواقع

فقط خيال شاعر شفيف

[قيقراوي]

المشاركة الأصلية كتبت بواسطة بابكر عباس

يا قيقراوي ما دام محسن خالد دا سمع مصطفى سيد أحمد في بص مدني، بقول للشباب:

It is never too late

لوووووب
يا زول السغافات العاليا خليها ...
شوف الحداثة انت كدي :

في الحقيقة ذكرياتي عن رؤيتي المتأخِّرة للتلفزيون والمروحة وكذلك متى لأوَّل مرة رأيتُ الغسَّالة، حينما جاءت بها نِعْمَات الحوري إحدى قريباتي ممن كانوا يسكنون الخرطوم ثلاثة. وأتذكّر بكل وضوح تجمهر النسوة حولها، وهرجهن وتلك الزيطة كلّها (هوووي يا نَاعَمَات، ما تدخلي إيدك في الشيء أم سنون دي، ها مَرَه ها، الشيء دي بتقوم تَجْقُم أصابعينك ديل)، وتسأل أخرى (والصابون بكبوهو وين يا دي؟)، ثالثة (هي لكن يا نَاعَمَات الصابون المسحون دا دكاّن التعاون ما عندو تسوّد عليك إن قام كمل!). وحين أدارت لهن تلك الآلة ورأينها كيف تقلب الملابس بسلاسة وتدفع برغوة الصابون، وهنّ يبحلقن باندهاش من خلال زجاج نافذتها، زغردت مريم بأعلى صوتها وصاحت في النساء (هووي يا حريم اتلمّن، أم طارق ما بتنقدر"!؟")، مع أنَّ النساء كُنَّ مؤدَّبات، ولا يحتاجن للممان، فقط مندهشات! أهي صيحة تَصُفُّ بها مريم نَفْسَهَا في صف الحداثة، أم مجرّد هوشة بدافع الحماسة المذهلة التي غطّـت الجو؟ أمّا حين أدارت لهن النشّافة وأخرجت لهن الملابس ناشفة وعرضتها عليهن، فتحولت دهشتهن إلى فزع رسمي. وصمتن لفترة طويلة مبهوتات، لتصيح امرأة منهن فجأة (أجييي يا الفكي حسين صقر الجمعة واللتنين، النّصارى أهل البصارة، قهرتهم بالله)، وكانت الغسّالة يابانية الصنع*.

الشويعي - الكائن الريفي / محسن خالد

[سماح محمد]

المشاركة الأصلية كتبت بواسطة بابكر عباس

بمناسبة مداخلة فتحي الفاتت دي أقول:
الأحداث في هذا البوست غير حقيقية و إن شابهت أحداث حقيقية في الواقع

فقط خيال شاعر شفيف

كلامك ده ماريحني..

القصة لو جابت ليها (بنات شمباتيات)
للضمان كدة..أنا من حِقبة وإنت من حِقبة

[قيقراوي]

يا بابكر صدق و الله :

It is never too late

لو قلتُ لك أتذكر أوَّل مرة استمعتُ فيها لمصطفى سيد أحمد، وإنني تفاجأت بالنص الذي كان يغنيه، لعاطف خيري ونسيتُ نفسي تماماً حينها. كنتُ متوجهاً إلى مدني بعد قدومي من شندي، ولم أجد مواصلات مباشرة إلى مدني فحجزت تذكرة إلى سنار وقلتُ سأنزل في مدني، وفي نقطة ما من الاقتراب إلى مدني أدار سائق البص (لحظة شهيق)، فنسيتُ نفسي معها ومرقتها في سنار. قلتُ الله! هل هناك من يكتبون بهذه الصورة؟ و"كمان" هناك من يغنون هذه الكتابة؟ وسألتُ حينها لأوّل مرة سائق البص، من الذي كان يغني؟ قال لي إنه مصطفى سيد أحمد، سألتُه عن الشاعر فلم يعرف! فسجلتُ اسم مصطفى على نوتتي وتوجهت للمبيت مع أختي بسنار.

و لك ان تتخيل انها جات وين :



محسن خالد يحلق عاليا مع إبن بطوطة في لندن

مدد يا سيدي المحسن مدد

[عبدالمنعم الطيب حسن]

المشاركة الأصلية كتبت بواسطة الرباطابي

يابابكر سلام يازول ..........

بوستك ده نسمة في وكت مسخن مدو الله لايسيئك ......

المشاركة الأصلية كتبت بواسطة بابكر عباس

عليك الله يا رباطابي كلم عبد المنعم الطيب بتاع السعودية داك...
أصلو بشوف القلب!

ود عثمان ألحقنا بأغنية فيها نسيم

يا اخي فترتونا بالردود و نسيتونا ختورة الزملاء

بابكر عباس NAMASTY
فرست اوف وول انا D.F
بعدين النسمة دي بحسوها اليومين ديل اخوك نومو تقيل
واخشى ان يكون فهمي كذلك قريت البوست اكتر من مرة
وداير اكرب العلاقة عشان احصل على لقب شفيف امام المنبر
حتى الان لم يلتمس فيني البوست اي وتر
عندما يفعل بكلمك
خسمتك كان ما سلمت لي علي مبر
واكان لقيت طريقة مهند الرباطابي تغريهو السلام
المرا من تحت النسائم والبسمات
تخريمة
استفدت من شرح عاصم شبارقة عن الاقتباس المتعدد
وشكرا مقدما شبارقة

[مي هاشم]

تحية طيبة يا بابكر


بستمتع وبضحك بصوت لما اقرا ليك..
وأحب موضوعيتك و(لداحتك) و(عكلتك) جداً..واصل بالله..

[تماضر حمزة]

لكن بالغتي ياميّ موضوعية شنو
الزول ده قال انتماؤه السياسي بتغيّر حسب المكان والوسط الحولو ومرّات المصلحة

ياشفيف طلعت شفاف كل التيارات بتخشك وتمرقك

[عبدالمنعم الطيب حسن]

المشاركة الأصلية كتبت بواسطة بابكر عباس

عبد المنعم الطيب بتاع السعودية داك...

ذكرتنى واحد من اولاد حلتنا قلت ليهو بالله يا عثمان شواكيش لو جات سيرتي
في قطيعة ولَ ونسة بتقولو اسمي كيف
اجاب :
عبدالمنعم جنا الطيب ودبشيري داك
بالله ناس مدني بعرفوا داك كنت قايلا كلمة بتاعت حلال ساهي
هسع داك دي ما قريبة من دا
لكن النصيحة داك فيها ترفيه شوية
ما تنسى تسلم لي على مبر والرباطابي الباسم

[مي هاشم]

المشاركة الأصلية كتبت بواسطة تماضر حمزة

لكن بالغتي ياميّ موضوعية شنو
الزول ده قال انتماؤه السياسي بتغيّر حسب المكان والوسط الحولو ومرّات المصلحة

ياشفيف طلعت شفاف كل التيارات بتخشك وتمرقك

يا تماضر الزول ده لما يناقش حاجة بيكون منطقي وموضوعي شديد..
وانتي قايلة تغير انتماؤه ده ما موضوعية ..ده قمة الموضوعية انه يعرف مصلحته وين
وأخير الشفافية البتخلي كل التيارات تمر..موش يتخشك واحد يملاك بالعتمة..
انا شفافة برضو

[مهند الخطيب]

ما تنسى تسلم لي على مبر والرباطابي الباسم

والله ياعبد المنعم انت الزول مايكون معاك شفاف في الكتابة أصلو

والله انت الناس الشفيفين زي باكر وزيي ديل مابينفعو معاك ....

بتمسكني من البسمة البتوجعني ياعبده مش؟

[كيشو]

المشاركة الأصلية كتبت بواسطة الرباطابي

بتمسكني من البسمة البتوجعني ياعبده مش؟

[justify]ياخ والله حقو تمشي تسجل العبارة دي قبال ما يجي واحد يلطشا ويعمل لينا فيها مثقف
غايتو لو بابكر ما أداك حقك في الكلام الكبار دا حيكون عندنا فيهو راي [/justify]

[تماضر حمزة]

المشاركة الأصلية كتبت بواسطة مي هاشم

يا تماضر الزول ده لما يناقش حاجة بيكون منطقي وموضوعي شديد..
وانتي قايلة تغير انتماؤه ده ما موضوعية ..ده قمة الموضوعية انه يعرف مصلحته وين
وأخير الشفافية البتخلي كل التيارات تمر..موش يتخشك واحد يملاك بالعتمة..
انا شفافة برضو

حكمة والله وحكاية

أنا غايتو ماقدرت أحمل أيّ قدر من الشفافية
تيار واحد كده خشّاني ماف

لسّة مالقيت البقنعني غايتو إلا كان أعمل تياري براي

[تماضر حمزة]

المشاركة الأصلية كتبت بواسطة كيشو

[justify]ياخ والله حقو تمشي تسجل العبارة دي قبال ما يجي واحد يلطشا ويعمل لينا فيها مثقف
غايتو لو بابكر ما أداك حقك في الكلام الكبار دا حيكون عندنا فيهو راي [/justify]

تخيّل من شدة عجبتني قرّبت أسرقا
في داعي تلفت ليها النظر أسّي؟؟