راكوبة المجادعات.. النمة والدوباي

[سارة]

المشاركة الأصلية كتبت بواسطة طارق صديق كانديك

الشوف بالقلب وقلبك كبير يا السادة
والنظرة ان بقت منك معاها زيادة
قولة شو تغرّق مطرا معاهو رعادة
والبكاء في الغرام سبقونا ناس ولادة

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

[سارة]

المشاركة الأصلية كتبت بواسطة طارق صديق كانديك

يا أم شبال*دواسكن بس ببقى لينا خسارة
واسينا الكلام .. من يومنا مااا بنتضارة
الشوف البحيّر شوف الغزال في الدارة
حباب الموت معاكن حبابو سيف السارة


* في اشارة لشبال الشاعرة الأنيقة تماضر للاستاذ شاعر الشعب محجوب شريف .

السارة سيوفها قاسية وكت الدواس والحارة
وشوف العين بريح بس ما بصيدلو غزالة
خليهو الكــلام شوفلـــك طريق ودبـــــارة
سنينا السيوف ولقانا وســـــــــط الدارة

[مي هاشم]

المشاركة الأصلية كتبت بواسطة سارة

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

انتي جنيتي..أخير انوم عشان ما تعاديني

[شهد]

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

[سارة]

المشاركة الأصلية كتبت بواسطة مي هاشم

انتي جنيتي..أخير انوم عشان ما تعاديني

[تماضر حمزة]

المشاركة الأصلية كتبت بواسطة طارق صديق كانديك

يا أم شبال*دواسكن بس ببقى لينا خسارة
واسينا الكلام .. من يومنا مااا بنتضارة
الشوف البحيّر شوف الغزال في الدارة
حباب الموت معاكن حبابو سيف السارة


* في اشارة لشبال الشاعرة الأنيقة تماضر للاستاذ شاعر الشعب محجوب شريف .

حاشاك يالأصم ..انتَ مابتتجارا
واحد في الرجال براكَ تعدل غارة
والشافك جرى نعالو راقدة حيارى
غالبنا النضم مابتلقى لينا دُبارة؟

[تماضر حمزة]

المشاركة الأصلية كتبت بواسطة سارة

السارة سيوفها قاسية وكت الدواس والحارة
وشوف العين بريح بس ما بصيدلو غزالة
خليهو الكــلام شوفلـــك طريق ودبـــــارة
سنينا السيوف ولقانا وســـــــــط الدارة

السيف ان قسا طبع السيوف غدّارة
والقلب الحنين أنا شفتو عند السارة
والخلق العيون عندو فيها بصارة
هازمين الأعادي وكتين ملكنا أبصارا

[تماضر حمزة]

الشوق البشيق سجمان تراهو بعيد
والبيت اتملا لكنّو فاقدو قصيد
الزول السمح أنا فاقدو ياخي شديد
نغريك السلام مابنلقى ليكَ بريد؟؟

[سارة]

المشاركة الأصلية كتبت بواسطة تماضر حمزة

الشوق البشيق سجمان تراهو بعيد
والبيت اتملا لكنّو فاقدو قصيد
الزول السمح أنا فاقدو ياخي شديد
نغريك السلام مابنلقى ليكَ بريد؟؟

السجمان عدوهو ضارب طناش ما سائل
لابيَمسّكل. لينا ..ولا بتجيـــنا رسايـــــل
لو يطرانا مرة ويشوف لـ حالنا المايـــل
ما بصــدق وشايـــة ولا قوالـــة قايـــــل

[الرشيد اسماعيل محمود]

المشاركة الأصلية كتبت بواسطة سارة

السجمان عدوهو ضارب طناش ما سائل
لابيَمسّكل. لينا ..ولا بتجيـــنا رسايـــــل
لو يطرانا مرة ويشوف لـ حالنا المايـــل
ما بصــدق وشايـــة ولا قوالـــة قايـــــل

سجمان السجم.. عارفني عنك سائل
من شدة الشوق العلي ..زي الفقدت سوائل
أمرق علي الحبان أو أضرب الموبايل
حتسوي إيه في قلوبنا..لو كنت إسمك وائل

ــــ
ما بطالة..مش..؟؟

[سارة]

المشاركة الأصلية كتبت بواسطة الرشيد اسماعيل محمود

سجمان السجم.. عارفني عنك سائل
من شدة الشوق العلي ..زي الفقدت سوائل
أمرق علي الحبان أو أضرب الموبايل
حتسوي إيه في قلوبنا..لو كنت إسمك وائل

ــــ
ما بطالة..مش..؟؟

السجمان عدوهو انا شوقو تب شاوينى
ومن حالى العلى حزنان كتمت انينى
موبايلاتو السجم ما بيفهـــــمنو رنينى
علي حال العدو مرضان وماسكو اب نينى

[سارة]

المشاركة الأصلية كتبت بواسطة شهد

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

[nezam aldeen]

المشاركة الأصلية كتبت بواسطة سارة

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

حبابك شهد وبختك ،، رحبتبيك سارا ،،،،

وذي ماعد بقول وصفا بدورولو بصارا ،،،،

قلما مانبض حاميها ضيفها وجارا ،،،،

سطرا ذي بحر وانحنا فيو بحارا ،،،،

[طارق صديق كانديك]

المشاركة الأصلية كتبت بواسطة مي هاشم

شوف القلب زايد دوام في طشاشو
والنظرة ان بقت منو ومعاها بشاشو
قولة شو تغرّق مطراً معاهو دعاشو
وفي الحب ما براي كتير زيّي بشاشو

بركة بالعودة .. حبابك مي هاشم ..

أمسكي دي


الشوف البجيب النوح .. سلكنا احراشو
الجري والرحيح في الريد أخدنا معاشو
قولة تح في القليب تخفس تقد فشفاشو
أح من نار فلانة مكسيم ضرب هباشو

[nezam aldeen]

المشاركة الأصلية كتبت بواسطة طارق صديق كانديك

بركة بالعودة .. حبابك مي هاشم ..

أمسكي دي


الشوف البجيب النوح .. سلكنا احراشو
الجري والرحيح في الريد أخدنا معاشو
قولة تح في القليب تخفس تقد فشفاشو
أح من نار فلانة مكسيم ضرب هباشو

‏
‏
‏
تخف تقد فشفاشو !!!
ياااااااااااللعجب