اقتباس:
المشاركة الأصلية كتبت بواسطة Hassan Farah
هل الزي السوداني أصبح غاليا للدرجة التي تجعل الفتاة تتخلى عن الثوب السوداني وتلبس نصف متر لستر جسمها ومن أين تسربت الينا موضات
(أديني حقنه)الذي يكشف ذراع الفتاة حتى كتفها..؟
ولا النوع الإسمو (إظهار رقم) وهو أضيق من جسم الفتاة نفسها وده بيوفر حاجة بتاعت 30سم من القماش؟
وهناك آخر إسمه (فصل الدين عن الدوله) تطبيق علماني على جسد الفتاة بلوزه 35 سم واسكيرت جاري مع الواطه ليظهر ظهر وسرة الفتاة عاريا هنود ياناس ومالو لوشالوا من الجاري في الواطه وغطو بيهو الفوق
وواحد تاني في ظل حصار القماش يسمى(خارج عن الخدمه)و(مسكول)
وده أصغر من المسكول ذاتو
(حبيبي مفلس) دي كمان فوق الركبه ومعاهو شبط طقم عامل زي المعلاق
والله جنس بشتنه ولا الطرحه الاصغر من المنديل لو غطوا الراس ينكشف الصدر والعكس
وهاك يا مضايره وكبكبه في المواصلات يعاينو ليها في راسها تسحب الطرحه فوق ينكشف التحت الواحده بقت زي بتاع المرور.والوشي مسلوخ بلوكسيد واحمر شفاه برتقالي
تستقرب تقول دي ماعندها اخو يكسر ليها راسه ده .لاكين المشكله تلاقي اخوها سجمان ورمدان زيها
هوا زاتو لابس مجبص ومملس
الحاصل شنو...؟؟؟
وبنحاكي في منو.....عـــــــــــائز أجابات مقنعه..
-- --------------------------------------------------------
الكلام ليكن يا الغمطن عينكن!!!
والله كلامك صاااااااااااااح ومية مية انا زاتو الزمن دا حيرنى
لم بقيت ما عارفة اعمل شنو لو اتكلمتة الناس يقولو انتة الغلاطان ماهم الغلطانين
غايتو انا تعبتة من الزمن دا والبحصل فية حليل الدين الناس بقت ما شغالة بية
انتة عارف بينى وبينك الزمن دا الشخص البيكون غلطان وبتحاول تقول دا غلط وحرام فى النهاية انتة البتكون غلطان عشان اتكلمتة وحبيت تنصح ليك شخص
ناس اخر زمن
