أين تسهر هذا المساء

[نهلة عمر الشيخ]

المشاركة الأصلية كتبت بواسطة alaa

من مسج لصديقي علي جمال

انا لو كنت في محل زوجة صديقك دا كان سيبتو الليلة قبل بكرة
دا راجل شنو دا البرسل تفاصيل حياتو الشخصية مع زوجته لاصدقائه في موبايلاتهم

ثانيا صديقك دا رسل ليك رسالة خاصة جدا جدا البخليك انت تنشرها في منتدى عام جدا جدا شنو ؟؟؟؟؟
لو تكرمت امسح الرسالة دي ما لازماني في البوست دا ولو بتلاحظ انا ما اقتبستها حتى

[نهلة عمر الشيخ]

المشاركة الأصلية كتبت بواسطة الزوول

نهلة ازيك
...
انا شخصياً رجلي (كراعي حسب لغوة اباذر عكود وبقية الحاقدين) مكسورة ومجبصة ...
مصاقر المنتدى ده ، والمنتديات الشقيقة والصديقة لغاية ما أنوم
ما في شيء بيحلكم وبيجلهم مني الا زوار (حمد لله على السلامة).
طبعاً ناوي اتداخل مع كل الناس وعلى كل المواضيع وموضوعك ده صادف اول واحد فيهم....
ممكن اتعطل شوية بسبب ردود واجبة لبعض الناس في بوستات سابقة
ولو لقيت فرصة بعد كده ، عندي موضوع من النوع أبو كديس ناوي افتحو *
.....
*اكتشفت انو معظم الناس (وأنا أولهم ) بتخيلوا مواضعيهم البيفتحوها دي هي أجمل وأهم مواضيع في الاسافير وتلقاهم مستغربين ومرات زعلانين عديل كدي من قلة التفاعل معاها.

والله يا الزول انت الطف زول
قلت لي عندك موضوع ابوكديسة وناوي تفتحو
يا زول اعتبرني من هسي اول المتداخلات فيهو بس لو طلع ما من النوع ابو كديسة حتتعب معانا

بس احب الفت نظرك انو البوست بتاعي دا للناس العندهم طرف الموضوع في راسم وغالبم يفتحوا بيهو بوست
وانت تحمد سيدك موضوعك في راسك وما غالبك تفتح بيهو بوست
يعني مشاركتك هنا ما اضافت لي موضوعنا اي شي

[أبوبكر عباس]

المشاركة الأصلية كتبت بواسطة نهلة عمر الشيخ

ايناس صاحبتي دي يا بابكر بتكتب باسم مستعار

إيناس مستعار
سارا مستعار
سمرا مستعار
نهلة عمر الشيخ مستعار؟
جيجي مستعار
قمردورين مستعار
بدور التركي مستعار

و قيقراوي برضو مستعار!
و الله ربنا دا عندو جنس حاجات!

[أسعد]

انا بصراحة عندي مشروع قصة قصيرة وغالبني اكتبها
ما عايز اشفق وادفق القصة القصيرة زي بابكر لمن دفق قصيدته
منتظر شيطاني الأدبي ، اصلو قالوا انو شيطاني شاحننوا كارغو في سودانير

المهم يا ستي
قصتي القصيرة بتدور حول مشروع "المثقف السوداني"
في أني عايز أقول انو كان يا مكان في جديد العصر والأوان
كان في زول سوداني بحلم أنو يكون لمبة عشان يضيء لشعبه الحالك ظلامه
وكل ما يشوف الظلام متبدد في وطنه ، كان هو بكبر وحلمه بكبر معاهو
لحدي ما اتخرج من الجامعة بمستوى لمبة 50واط
ونزل الشارع وبقققققق ولع لمبته لكي يبدأ في تحقيق حلمه في اضاءة شارع وطنه
المهم يمر اليوم الأول واليوم التاني وفجاءة يكتشف أنو الظلام حالك ، والعتمة اقوى من نوره ، فقام خاف على نوره "بالاضافة لخوفه من الحشرات التي تجمعت حوله" قام قرر الرحيل من هذه البلدة الحالك ظلامها ، ويمم وجه شطر بلاد النور بلاد الغرب، وهناك اكتشف كشافات ضوئية سعة 5000 واط ، فاصبته الدهشة والانبهار بهذا الضوء المبهول في بلاد النور ، وقرر أن يتنازل عن حلمه "لمبة" واشتغل بلاطة عشان يستمتع بالكشافات الغربية

غايتو هذه القصة القصيرة سترى النور قريباً ان شاء الله
كومينغ سوووون

[نهلة عمر الشيخ]

المشاركة الأصلية كتبت بواسطة وجدي الأسعد الأسعد

انا بصراحة عندي مشروع قصة قصيرة وغالبني اكتبها

نحمد الله انو غالبك تكتبها
لانو بصراحة قدر الشي الكتبتو عنها لا يبشر بخير
فكرتها ساذجه ومضمونها ضحل ومستلب
وذكرتني مواضيع التعبير المدرسية في المراحل الاوليه

[أبوبكر عباس]

المشاركة الأصلية كتبت بواسطة نهلة عمر الشيخ

فكرتها ساذجه ومضمونها ضحل ومستلب

السذاجة و الضحالة و الإستلاب وين في كلام وجدي دا؟

[أسعد]

يا بابكر ياخ ويلكم تو سودان وورلد
أها خوم وصور
قعدت تطبل ليها لمن فكتها في روحها
بس بيني وبينك ريحتني في حناني ضحكتيني ضحك من لا يخشى الحزن

بتعرف نقد الجدادة يا بابكر
بس ياهو دا نقد الجدادة
اللي هو أنك تنقد بمنقارك وبس ^_^

[نهلة عمر الشيخ]

المشاركة الأصلية كتبت بواسطة بابكر عباس

السذاجة و الضحالة و الإستلاب وين في كلام وجدي دا؟

اولا السذاجه والاستلاب في فكرة ومضمون القصه وليس في كلام وجدي
الغرب ليس بكل هذا النور بل ان ظلامه يعادل ظلام بلداننا ان لم يكن يزيد

[أبوبكر عباس]

المشاركة الأصلية كتبت بواسطة وجدي الأسعد الأسعد

يا بابكر ياخ ويلكم تو سودان وورلد
أها خوم وصور
قعدت تطبل ليها لمن فكتها في روحها
بس بيني وبينك ريحتني في حناني ضحكتيني ضحك من لا يخشى الحزن

بتعرف نقد الجدادة يا بابكر
بس ياهو دا نقد الجدادة
اللي هو أنك تنقد بمنقارك وبس ^_^

يا زول و الله الزولة دي أدتني أمل كبير خلاص!
دي زولة بتقول الجواها عديل كدا من غير أي كلمة زائدة.
و انا والله لو ما خائف أُوصف بالوصايا، كنت طلبت منها تنزل البرفايل بتاعها الحقيقي

كدي أصبر نشوفها بتقول شنو في نقدها ليك
و زي ما بقول حسن موسى الانا منبهر بيهو: الكي بورد ليهو رافع

[نهلة عمر الشيخ]

المشاركة الأصلية كتبت بواسطة وجدي الأسعد الأسعد

يا بابكر ياخ ويلكم تو سودان وورلد
أها خوم وصور
قعدت تطبل ليها لمن فكتها في روحها
بس بيني وبينك ريحتني في حناني ضحكتيني ضحك من لا يخشى الحزن

بتعرف نقد الجدادة يا بابكر
بس ياهو دا نقد الجدادة
اللي هو أنك تنقد بمنقارك وبس ^_^

هسي يا اخوانا دا شنو دا؟؟؟؟؟؟؟؟؟؟؟؟
زول يكتب قصه تجي تكتب ليهو رايك فيها واول ما رايك دا ما يعجبو
يجي يشتمك ويتمسخر عليك




اخ وجدي انت قاص لا يشق له غبار وزول خطير وعبقري وبقليل من المثابرة والاجتهاد يمكن لك ان تحدث فتحا جديدا في الروايه والقصه العربية
كما لاحظنا ايضا انك زول فلته في مجال الفيزيا والكهربا والدليل حديثك العظيم عن اللمبات السودانيه والكشافات الغربيه

اها كده كيف معاك؟؟؟؟؟
يلا افرح وانبسط

[أسعد]

يا بابكر اهو ما بعدنا بعيد
البت طلعت بتقرأ باضنينها

قالت أنا منبهر بالغرب ^_^

[أبوبكر عباس]

الراوي (الواحد مع نهلة دي لازم يكون دقيق) في قصتك دي منبهر بالغرب

[أسعد]

يا بابكر افرز ياخ
البطل هو المنبهر ما الراوي ياخ

بعدين من الاخر كدة
انا في نقتي اعلاه بطعن في حال مثقفيننا ، في انو الواحد فيهم بحلم انو يكن مستنير ولمن يكبر لازم يحاول ينشر العلم والنور بين أهله عشان يرتقي بيهم "وهنا اشرنا لي انو عاوز يشتغل لمبة"
اها اول ما يتخرج من الجامعة ، ويقوم ينصدم بالواقع ، وانو امام وحش ضخم من الظلام "بالاضافة للحشرات"
فيقرر انو يرحل إلى بلاد الغرب ، وهناك يقوم ينبهر بحضارتهم ويقعد يعكس لينا في انبهارو بالغرب "وهنا اشرنا لي انو اشتغل بلاطة"

[نهلة عمر الشيخ]

بالمناسبه اتذكرت انو دي ما المره الاولى وجدي دا يشتمني
اول ايامي في المنتدى برضو صرف لي شتيمة عشان اختلفت معاهو في الراي
فيا اخ وجدي عبر عن رايك في المنتدى وفي الدنيا كلها بكتابته و طرحه وليس بشتم الناس



بالمناسبه انتو وين الزول الراقي هيثم الشفيع

[أسعد]

اسي وين الشتيمة هنا يا نهلة؟