اقتباس:
المشاركة الأصلية كتبت بواسطة صلاح نعمان
طرحت يا اخ بابكر سؤال شائع وكثيرا ما يطرح من العامة بشكل عفوى وأحيانا من
النخب متوهما بعضهم انه يحرج البعثيين فى فكرهم
ونحن نقر بحقيقة التمايز الثقافى والحضارى لجميع المكونات الاجتماعية داخل جغرافية
المنطقة العربية من المحيط الى الخليج
|
صباح الخير يا صلاح
يا أخي ما دام انتم بتقروا بحقيقة التمايز داخل جغرافيا المنطقة العربية، ليش ما تشوفوا ليكم إسم و شعار يستوعب كل هذه المكونات و عشان العامة ديل ما ىتحسسوا؟
و بعدين جغرافيا الوطن العربي دي شنو الدخلتو فيها الجنوب و الأكراد؟ دي جغرافيا صنعها المستعمر!
أنا شايف انتو دايرين تدفنوا راسكم في الرمل ساكت!،
شعار و إسم زي دا، في الوقت الراهن دا، ما في زول بقبلوا ليكم!
و براكم شايفين الإحتقان الموجود في الاطراف.
الزمن تجاوز قصة القومية العربية دي، عليكم الله حاولوا أطلعوا من القوقعة دي و خلينا نستفيد منكم و العامة ديل يلقوا ليهم أوعية تستوعبم من غير حساسية
و بدل حزب البعث العربي الاشتراكي
سموهو
الحزب الاشتراكي السوداني
القيادة القطرية!
