مــن ( انت )

[قيقراوي]

المشاركة الأصلية كتبت بواسطة مي هاشم

يا رأفت..البهخلي الكلام مع بدر الدين سلبي ومع غيره ايجابي انه كوز؟؟
يعني انا مي دي لو اخترت إني أبقى شيوعية مشكلة بالنسبة لأي حوار أو فكر أطرحه؟؟
ما أظن..ولا إني أبقى كوزة برضو..
المشكلة في التصنيف والاقصاء..هو حر يدعو لأي فكر حتى لو فكر الإنقاذ..فهو في النهاية فكر - شئنا أم أبينا - ومن حق صاحب أي فكر يطرحه حتى لو كان في نظرنا (كعب)..
قصدي انه نحن ممكن نناقش بدر الدين فيما يطرح..بدون ما نقول ليه انت كوز ونحكم على سلوكه الشخصي..
وانت هسي ما مسيحي وبتشارك كتير في مواضيع خلافية اسلامية بحتة والمسلم زاتو لو ما عنده فهم ما يقدر يحاور فيها..هل هناك من حجر عليك ذلك؟؟ ما في النهاية فكر وانت زول من حقك تشارك في بالنقد السلبي والايجابي..وانا شخصياً بحب مشاركاتك في المواضيع الاسلامية..

افهم كلامي كويس..وعهدي بك واعي ومنصف..

نسيت اقول ليك بالأحمر ده من الشوق بس

سلام اختنا مي

كلامك دا متجاوز انو لا فصل بين الدعوة و الداعي

ما في مشكلة انو الزول يكون كوز، شيوعي، ماسوني ذاتو ..
و لا مشكلة في الدعوة و التبشير بما تؤمن و تراه صحيح ابداً ..
مطلقاً لكلٍ حق الانتماء لما يعتقد .. دون حجر او قيد ..
و له حق الدفاع عن قناعتو ..
و اي زول يفعل ..
ح يحصل على احترام الجميع بدون ادنى شك ..

لكن مطلوب الاتساق .. الاتساق يرحمكم الله
شزوفرينيا الانتماء ما حبابها ..
كل الافكار الانسانية فيها و فيها ..
فيها الخير .. و تحتوي شر مسطير .. تعمى عنه فقط عيون المؤدلجين ..
تسقّط الخير في كل المذاهب ما حبابو كلو كلو!!
الاتساااااااااااااق!!

و قديمن قيل الفكر - مطلق فكر - ما بشوف عوجة رقبتو




------

يا بدر الظلام

ما عاوز توريني عباس دا منو ليه!؟

[بدر الدين اسحاق احمد]

الاتســاق ...
مفردة فى سياق
مصطلح له دلالــة
جلباب يضيق ويتسع لكل لابس

انا عايز افهم واعرف ؟


-- ---------------------
عافى لى سو ظنى بى مداخلتك يا قيقراوى

[قيقراوي]

المشاركة الأصلية كتبت بواسطة بدر الدين اسحاق احمد

الاتســاق ...
مفردة فى سياق
مصطلح له دلالــة
جلباب يضيق ويتسع لكل لابس

انا عايز افهم واعرف ؟


-----------------------
عافى لى سو ظنى بى مداخلتك يا قيقراوى

سلام يا بدر
مداخلاتك ياتا فيهن؟

من ناحيتي انا ما تشيل هم كلو كلو
عافي ليك ما تقدم .. و ما تأخر .. المافي شنو!؟
لكني لست من نور ياخ!

الاهم ...

راقب الله يا حبيب ..
هو العليم بما تخفي الصدور


اما بعد

عن الاتساق ..

الاتساق مفهوم ..
و اعتقد انو مفهوم برضو و لّ شنو؟

بوستك موسوم بـ [ مــن ( انت ) ]؟

يلا في التعرف على ذواتنا .. و على الآخر ..
من المهم انو يكون في صدق مع النفس و مع الآخر دا ..

او ح يكون مجرّد رسم صورة انيقة .. لا تمت للواقع في شئ .
غالباً تصلح لرواية فخمة ..
هل دا طلبك .. و مطلبك من البوست؟

بس ( بفتح الباء )

الواقع صادم جداً يا حبيب .. و اخضر
و النظرية رمادية ..
و لمن تفقد الاتساق و وحدة محتواها و ترابط جزئاتها ..
بتبقى شذرات مبتسرة ساااي

و لّ انا غلطان؟

[بدر الدين اسحاق احمد]

المشاركة الأصلية كتبت بواسطة قيقراوي

سلام يا بدر
مداخلاتك ياتا فيهن؟

من ناحيتي انا ما تشيل هم كلو كلو
عافي ليك ما تقدم .. و ما تأخر .. المافي شنو!؟
لكني لست من نور ياخ!

الاهم ...

راقب الله يا حبيب ..
هو العليم بما تخفي الصدور

مشيت دافعت عنك بيه هناك باثر رجعــى .. ..
فقلت فى نفســى ( شيل شيلتك يا ابو البدور ) قيقا جاك بيه فرارو
ولم اجد ما ظننته ( وبــس )

[بدر الدين اسحاق احمد]

المشاركة الأصلية كتبت بواسطة قيقراوي

اما بعد

عن الاتساق ..

الاتساق مفهوم ..
و اعتقد انو مفهوم برضو و لّ شنو؟

بوستك موسوم بـ [ مــن ( انت ) ]؟

يلا في التعرف على ذواتنا .. و على الآخر ..
من المهم انو يكون في صدق مع النفس و مع الآخر دا ..

او ح يكون مجرّد رسم صورة انيقة .. لا تمت للواقع في شئ .
غالباً تصلح لرواية فخمة ..
هل دا طلبك .. و مطلبك من البوست؟

بس ( بفتح الباء )

الواقع صادم جداً يا حبيب .. و اخضر
و النظرية رمادية ..
و لمن تفقد الاتساق و وحدة محتواها و ترابط جزئاتها ..
بتبقى شذرات مبتسرة ساااي

و لّ انا غلطان؟

تذويق وتجميل الانــا ضرب من ضروب الهروب من الواقع الرمادى الذى تقول
لو الاتساق مفهوم بيصبح لكل الحق فى اكسابه جزء من فكره الذى يؤمن به
بقرءة اخرى ليس بمصطلح علمى ثابــت مدخلات بيديك مخرجات 1+1=2
*لو قلنا الاتساق بيعنى البحث عن التطابق بين ما يؤمن بــه الانسان من فكر وقيم وبين ما يمارس على مستوى الخاص والعام ..ستجد ان هذه هى قضيــة كل الافكار فى العالم فلا يوجد من يدعى ان المقاربة بين ما يؤمن بــه وبين ما يمارسـه تسير سير الحافر بالحافر..
* ثم حين نبحث عن غربال لتحديد وقياس درجات هذا الاتساق قطعاً سينطلق كل منــا من الذاتى فى الحكم على الاخــر ..
* عشــان كـدا يأنــي انا فى الحقيقة وفى الاسافير ( اتقارب / اتباعد عن المثال
* وحزبنا / وحركتنا الاسلامية كذلك ..

[قيقراوي]

المشاركة الأصلية كتبت بواسطة بدر الدين اسحاق احمد

تذويق وتجميل الانــا ضرب من ضروب الهروب من الواقع الرمادى الذى تقول
لو الاتساق مفهوم بيصبح لكل الحق فى اكسابه جزء من فكره الذى يؤمن به
بقرءة اخرى ليس بمصطلح علمى ثابــت مدخلات بيديك مخرجات 1+1=2
*لو قلنا الاتساق بيعنى البحث عن التطابق بين ما يؤمن بــه الانسان من فكر وقيم وبين ما يمارس على مستوى الخاص والعام ..ستجد ان هذه هى قضيــة كل الافكار فى العالم فلا يوجد من يدعى ان المقاربة بين ما يؤمن بــه وبين ما يمارسـه تسير سير الحافر بالحافر..
* ثم حين نبحث عن غربال لتحديد وقياس درجات هذا الاتساق قطعاً سينطلق كل منــا من الذاتى فى الحكم على الاخــر ..
* عشــان كـدا يأنــي انا فى الحقيقة وفى الاسافير ( اتقارب / اتباعد عن المثال
* وحزبنا / وحركتنا الاسلامية كذلك ..

إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة


تاج السر جعفر الخليفة
الخرطوم 1994

من المشنقة



-------

انت يعني كنت قاعد تدافع عني بهناك!؟
خسمتك بالنبي تاني ما تدافع عني كلو كلو .. سمح!؟

[رأفت ميلاد]

يا قيقراوي ياخ أنا الخسمتك بى الله ما تقيف .. قلت الكلام كلو الما عرفنا نرصو .. بدر الدين ده زى ود الموية .. لكن الليلة وحل ..

قلت لى يا بدر الدين

المشاركة الأصلية كتبت بواسطة بدر الدين اسحاق احمد


*لو قلنا الاتساق بيعنى البحث عن التطابق بين ما يؤمن بــه الانسان من فكر وقيم وبين ما يمارس على مستوى الخاص والعام ..ستجد ان هذه هى قضيــة كل الافكار فى العالم فلا يوجد من يدعى ان المقاربة بين ما يؤمن بــه وبين ما يمارسـه تسير سير الحافر بالحافر..

ياخ ده التبرير الأقبح من الذنب

[فتحي مسعد حنفي]

أرجوك لا تسألني من أنا..أنا الكيك اللا بقول سيك ولا بقول ميك
أنا الكان كستو تلقاهو دايما مشعلق فيك..
أنا الفارس المغوار الما بتلقي ليهو شريك..

ياربي أنا منوأو كما قال أمين جونية ياربي أنا وين

[جيجي]

المشاركة الأصلية كتبت بواسطة رأفت ميلاد

يا قيقراوي ياخ أنا الخسمتك بى الله ما تقيف .. قلت الكلام كلو الما عرفنا نرصو .. بدر الدين ده زى ود الموية .. لكن الليلة وحل ..

قلت لى يا بدر الدين

ياخ ده التبرير الأقبح من الذنب

انا غابتوا شايفة الزول دا ورطكم بقصة الحافر بالحافر دي ياعمك

[رأفت ميلاد]

المشاركة الأصلية كتبت بواسطة جيجي
انا غابتوا شايفة الزول دا ورطكم بقصة الحافر بالحافر دي ياعمك

جيجى الرقشة بقت بى كم
يختى الزول ده ورط نفسو بى نفسو .. تانى ما بتلقيهو بى هنا كلو كلو .. هو كان حريف كان يكتب فى الخاص .. زى بابكر لامن أتشوعر ..

حافر شنو يختى

[بدر الدين اسحاق احمد]

ود ميلاد ...
كدا تفرس فى حروفى الرصيتها انا ثم اعد الكرة
وتذكر ان ( المؤمن الكامل هو الله )

لو قلنا الاتساق بيعنى البحث عن التطابق بين ما يؤمن بــه الانسان من فكر وقيم وبين ما يمارس على مستوى الخاص والعام ..ستجد ان هذه هى قضيــة كل الافكار فى العالم فلا يوجد من يدعى ان المقاربة بين ما يؤمن بــه وبين ما يمارسـه تسير سير الحافر بالحافر..
هل انت يتطابق ما تؤمن بــه وبين ما تمارســه ( اياك ان تستعجل فى الرد )
عندى ليك كوم فاولات ..


ثم حين نبحث عن غربال * لتحديد وقياس درجات هذا الاتساق قطعاً سينطلق كل منــا من الذاتى فى الحكم على الاخــر ..

الغربال دا انا قاصدبيها معيار يا ودعمى ميلاد ..

[بدر الدين اسحاق احمد]

المشاركة الأصلية كتبت بواسطة رأفت ميلاد

يا قيقراوي ياخ أنا الخسمتك بى الله ما تقيف .. قلت الكلام كلو الما عرفنا نرصو .. بدر الدين ده زى ود الموية .. لكن الليلة وحل ..

قلت لى يا بدر الدين

ياخ ده التبرير الأقبح من الذنب

دا ما تبرير دا الحقيقة التى تتقمص كل البشــر ..
لا يوجد ما يعرف بالانسان الكامــل .. الا عند اهل التصوف والقنوصيـة
واهل اللاهوت ..
وهو الله سبحانه وتعالى اسمو التواب و الغفار والغفور ( لماذا ؟)

[بدر الدين اسحاق احمد]

المشاركة الأصلية كتبت بواسطة فتحي مسعد حنفي

أرجوك لا تسألني من أنا..أنا الكيك اللا بقول سيك ولا بقول ميك
أنا الكان كستو تلقاهو دايما مشعلق فيك..
أنا الفارس المغوار الما بتلقي ليهو شريك..

ياربي أنا منوأو كما قال أمين جونية ياربي أنا وين

انت عارف هذا السؤال ... الاجابة عليه ليس هنا فى البوست
بل تبتدئ هنــا وقطعاً ستنتهى فى اماكن اخرى مع اناس اخرين
وهذا هو الانسان ابن بيئتــه ..

[فتحي مسعد حنفي]

المشاركة الأصلية كتبت بواسطة بدر الدين اسحاق احمد

انت عارف هذا السؤال ... الاجابة عليه ليس هنا فى البوست
بل تبتدئ هنــا وقطعاً ستنتهى فى اماكن اخرى مع اناس اخرين
وهذا هو الانسان ابن بيئتــه ..

أوعي يكون كلامك دا نبز
رأيك شنو يارأفت الزول بنبز فيني ولا قاصد شنو ..عشان كان دا نبز أقوم أرشو ليك..أنا اليومين ديل شاكي انو مصاحب ناس نجم الدين وأخوهو ماكلو المخنجية بتاعين الشعبية الفاتحين علي المقابر

[بدر الدين اسحاق احمد]

المشاركة الأصلية كتبت بواسطة فتحي مسعد حنفي

أوعي يكون كلامك دا نبز
رأيك شنو يارأفت الزول بنبز فيني ولا قاصد شنو ..عشان كان دا نبز أقوم أرشو ليك..أنا اليومين ديل شاكي انو مصاحب ناس نجم الدين وأخوهو ماكلو المخنجية بتاعين الشعبية الفاتحين علي المقابر

الفاتحين على المقابر يا طويل العمر ما ناس نجم الدين

ديك ( حــلوة ) بتاعــت ( الابيض ضميرك ) وحسى مكانها مسجد عديل
اها كلامك شنو ..
سؤال هل هذه اشانة سمعــة ؟