راكوبة المجادعات.. النمة والدوباي

[ود الخير]

[QUOTE=علي طاهر;390348]من سمط النضم لبستي جيدي قلادة
ما بخوض في الخبوب اخو سارة سيد السادة
في حر الهموم كتفي وهبتو وسادة
بت عز الرجال مرحب كمان بزيادة‎
‎[/QUOTE


آآبت عز الرجال البارح البشير في جوبا شرّفنا
وفي وسط البلاد خلاها فوق مرفوعه هامتنا
جيبي لي الاكيده من اخواتك ما ينزعن عمتنا
وانا بديك الضمان تبقن ملكات ملوك دولتنا



آناس مليون سلام والف تحيه
ووطن الجدود لاتنسو ختو في النيه

[سجمان]

المشاركة الأصلية كتبت بواسطة تماضر حمزة

مادام النفس موجود عندي ليك ضمان
أنا حالف مابتبور راكوبة السجمان
جاييكم أقيفوا بالجبنة ياحبان
أسياد البكان ماكنتو يوم ضيفان

الدار إن بقيتي في راسا تب عمرانة
تسرعي للضيوف في خدمتم حفيانة
السجمان في بلد العربي ماهو لسانا
والكيبورت يمين طقطيق بدون جبخانة

[سجمان]

المشاركة الأصلية كتبت بواسطة علي طاهر

سلام أهل الديار جايين ندوبي معاكم
كان شاء الكريم يمكن ننولو رضاكم
كان شلتو الصبر القسمة ما بتختاكم
مرحب بالعزاز الفي القلب مسواكم

العزاز ديل بكونو عارفين نفسهم طبعاً

مانا العزاز لكين كرم الضيوف حرفتنا
للضيف بابنا فاتح ومقصرين شُرفتنا
في النضم السمح بنسوي ليك عرفتنا
قودح في النميم خل النفك قرفتنا

[سجمان]

المشاركة الأصلية كتبت بواسطة عبده سعد

ودطاهر حبابك فى سوح الوحيح والنم .
ورسل للعزاز شان للحضور ينضم .
وسجمان من زمن ما قالا لينا أحم .
مستمرىء غيابو ماشاف الضيوف ديل كم .

يا خل الغياب والله ما بي إيدنا
ماسكانا الظروف محل بتوجع إيدنا
لي وطني العزيز لي الله رافعين إيدنا
من بلد الحُمُر راجيو يحلحل قيدنا

[سجمان]

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

[طارق صديق كانديك]

المشاركة الأصلية كتبت بواسطة سجمان

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني
صِبح عيان عديل نار الوحيح حارقاني

[علي طاهر]

المشاركة الأصلية كتبت بواسطة سجمان

مانا العزاز لكين كرم الضيوف حرفتنا
للضيف بابنا فاتح ومقصرين شُرفتنا
في النضم السمح بنسوي ليك عرفتنا
قودح في النميم خل النفك قرفتنا

يا زول إت عزيز و عِز العُزاز حِرفتنا
الدار يوت براح و القول قدر عِرفتنا
نسمعلكـ حباب و نمشي و نشوف صِرفتنا
بالله دوبي و قول أوعاكـا لا تكلفتنا

[علي طاهر]

المشاركة الأصلية كتبت بواسطة سجمان

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

البلد البعيد من الحبيب وداني
بَعَّدني الرزق من البعيد و الداني
شال نوم العيون كاس السهر أداني
بي شوقي الكِتر شوكـ الكِتر حداني

[مي هاشم]

المشاركة الأصلية كتبت بواسطة سجمان

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

البلد البعيد من الحبيب ودّرني
ملح الشوق علي متل البنج خدّرني
يا اب عمّة ان بقيت دمع الفراق كدّرني
جيداً للفؤاد بعد اليباس خدّرني

[سجمان]

المشاركة الأصلية كتبت بواسطة طارق صديق كانديك

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني
صِبح عيان عديل نار الوحيح حارقاني

من الشروق مشتاق تجيني نَسِمْتِك
يغشاني البرق من حين شلعتي بَسِمْتِك
يا ام روبة الفؤاد سقّيهو لي قاسمتك
أنا الفي ريدي ليك بالـ في الرئات قاسمتك

[سجمان]

المشاركة الأصلية كتبت بواسطة علي طاهر

يا زول إت عزيز و عِز العُزاز حِرفتنا
الدار يوت براح و القول قدر عِرفتنا
نسمعلكـ حباب و نمشي و نشوف صِرفتنا
بالله دوبي و قول أوعاكـا لا تكلفتنا

تسلم ياللصم بحرك دميرة وقالع
ما بت كيل ربع جرنك مكنتر طالع
للنمات بجيك يالجيت بحسن الطالع
فوق وصف ام وريد كم لينا فيهو مطالع

[سجمان]

المشاركة الأصلية كتبت بواسطة مي هاشم

البلد البعيد من الحبيب ودّرني
ملح الشوق علي متل البنج خدّرني
يا اب عمّة ان بقيت دمع الفراق كدّرني
جيداً للفؤاد بعد اليباس خدّرني

خريفاً شبع بهمنا ومراحنا في الحنتوت
وفي الحلة الجمال عمرانة بيهو بيوت
كاسيهن عفاف نالنبو أعلى كروت
ومبروم الحشا لي وصلو عندو شروط

[سجمان]

كضب البقول في الدنيا مو محتاجن
مخلوقات سكينة يلمع تملي زجاجن
في التحنان يمين طمحن ملن فجاجن
ولي جوع البطون دايماً مولع صاجن

[سجمان]

ظبيات الخدور النفرن غِلب مساكن
ومحظوظ القليب الفي المغيب مساكن
ناعمات الجلود ربي العظيم مساكن
بي مسكو اليضوع عقباً نفح مساكن

[عثمان السمري]

هبت نسيمات الجبيب جابت الحنين من غادي
ممشوقة قوام مردوفة كفيل الخلي نومي يعادي
يا حميده شوف غنجو السكن جواي جوة فوادي
شايل نومي شاغل فكري شاشيت شوق المزازي وصادي