الزول سايق حمارو في رمضان وماشي تعبان جد..
قريب للآذان جا مارّي بناس بفطرو في الضرا..
مافي زول هبّب ليهو.. كان قافل علي إنّو يقولو ليهو تعال يا زول..
تعال حلل صيامك و واصل..
ما في زول اشتغل بيهو.. الناس ما كانت منتبهة ليهو..
عاين شاف ليك ملاح روب كارب وعصيدة بوخها مارق فوق..
بلع ريقو..
وحاول يلفت انتباه الناس الفي الضرا..
دقّ ليك الحمار بالسوط وقال:
"عرْ.. ملاح الرّوب اليقطع قلبك"..
الجماعة انتبهو ليهو وقالو ليهو تعال حلل صيامك..
|
