اقتباس:
عموما أضف لمسألة الدجل (حاشاك منها) و الجنون (الأصلوا ما بيختاك) إحتمال إنو في شيطان شاطر خافك تهتدي قام أوحى ليك بحاجاتك دي علشان يصرفك عن الحقيقة و يورطك في الإسطورة و عبرك آلاف من مريديك و لما تنهار بعد عشرات السنين يكون ضرب مليون عصفور بحجر واحد ..
ها ها ها
ود القرشي
|
رمضان كريم يا شاب
هو أنا كنت ملحد في الأسماء رقبتي دي، يقوم الشيطان المغفل يجي يبقيني مؤمن عشان أضل سمح يعني!؟ وكمان معاي كلام يجهجه أي زول يقرأه يا عملات بابكر!؟* هسع الشيطان دا لو كاس المجرمين ديل فردا فردا، بلقى ليهو زول يظبط ليهو زي تموليلت
(إنَّ كيدَ الشيطان كان ضعيفاً).
(قالت لهم رسلهم إن نحن إلا بشرٌ مثلكم ولكنّ الله يمنُّ على من يشاء من عباده، وما كان لنا أن نأتيكم
بسلطانٍ إلا بإذن الله، وعلى الله فليتوكّل المؤمنون).
والسلطان هو العلم، إنت قلت يونغ اتكلّم عن الوعي الجمعي، مافي شيء اسمه وعي جمعي، في حاجة اسمها (عالم الإشهاد) والعلم كله من الله، ومافي أي عالم عمل أي حاجة من تلقاء نفسه، الحَوْل والطَوْل الصانع للسلطان، كله جميعاً، من الله وحده.
والوحي أنواع كثيرة ويمكن تقسيمه لقسمين أساسيين، وحي من الله وآخر من الشيطان، ووحي الشيطان بالطبع لا يخدم طريق الله بل يخدم طريق الشيطان.
فالحمد لله الذي أنقذني من الكفر إلى الإيمان.
--------
* أقول ليك نكتة أظرف من بتاعتك دي؟
قال ليك مسطول ما قاعد يصوم كلو كلو، ومرتو بتظبط ليك جنس سحور، حاجة إنما إيه!
قامت اتغاتت عليه ما صحتو للسحور، وصحى صاحبنا متأخّر وقعد يهرج كيييف ما تصحيني للسحور؟
المرأة استغربت وحمرت فيه زييين، هووي يا راجل هوي إنت صائم هو عشان يصحوك للسحور؟
قال ليها وهو يدعك في عيونو ويجقم من جق في يدو، يعني أنحن يبقن علينا كفرين، لا صيام ولا سحور، هسع يغفرو لينا ياتو ذنب
