تعرف يا الجيلي
حوتة دي زي الحبيبة المالكة احساسك
لكن بتعذبك بي دلالها ومنتشتها
أها مثلا تكون قاعد منتظرها في الموعد
وبعد ساعات وساعات ويكون قلبك ولع جمرة عديل كدة عليها
وتقرر أنه خلاااااااااااس الليلة لازم تفرتق القصة دي وكل قرد يطلع شدرته
تقوم تجي الحبيبة وبحضورها تمسك قلبك الجمرة وتغمسو في جردل ابتسامتها
وتسمع تشششششششششششششششششششششششششششش
وتنسى كل الفات وتقعد تستمتع بالابتسامة دي وبالتش الحاصل في قلبك والبرودة البعد حرقة
المفارقة موش في انو اتبدلت مبادئك
المفارقة هنا انك بتكون استمتعت بالتشششششششش دي
وتقعد كل مرة يعاد عملية تدوير تشتشة قلبك
وتجي البت السكرية وتغمسو في جردل ابتسامتها وتسمع تشششششششششششش
ويعاد نفس المشهد بمتعة ما بتنتهي
أها دا بس الحاصل لينا مع حوتة دا
نقعد نحن نتكوي بجمرة الوجع في لامبالاته وعدم التزامه لا في اللبس ولا في الحضور ولا في الونسة زاتو
ويقعد قلبك يولع جمر
لكن فجاءة كدة تلقاهو مسك قلبك وغمسو في جردل صوته واداءه السنين
وتسمع تشششششششششششششششششش
غايتو تشتشة قلب من حوتة ولا ميتة قلب في اغاني اغاني
