وداعاً حافظ حسين .............. ماذا يحدث هنا في سودانيات؟!!!!!

[فتحي مسعد حنفي]

ياجماعة أنا حكيت الحصل بكل تفاصيله وليس عندي ما أضيفه ولست أنا في موضع اتهام ولا أقبل أن أكون متهم من قبل أي جهة مهما كانت..فبالله العايز يواصل نقاشو مع الادارة قدامو طريقتين..يا الخاص يا يشيل سجم الرماد فتحي دا من الموضوع وأنا شخصيا لن أقبل أي تشكيك في كلامي وأي زول يشكك حأعتبر كلامو اساءة مباشرة وسأقوم بقطع علاقتي به نهائيا مهما كان هو منو ولا قاصد شنو..

[محمد عبد الرحمن]

المشاركة الأصلية كتبت بواسطة أبو دعد

30 يانايرو حتى 1مارس شهر و احد عايز تعمل منو مسلسل من 30 حلقة

أبودعد سلامات
أسلوبك ماشي يبقى نقري تماما
صدقني دي حاجة ما كويسة عشانك و بتجيب ليك هبوب الخماسين

[محمد عبد الرحمن]

أبو دعد
مداخلتك اعلاه لا تقدم القضية قيد النقاش قيد أنملة
فبالله ما في اي داعي للإنصرافية بتاعاتك دي
ثم انه لا تبخسوا الناس اشياءهم و لا يسخر قوم من قوم
ولا إنتو الذين تؤمنون ببعض الكتاب و تكفرون ببعض و للا الكتاب ده فيهو قصة يوسف بس

[عبد الجليل سليمان]

المشاركة الأصلية كتبت بواسطة بابكر عباس

عبد الجليل سلامات
يا أخي حقو النقطة دي تمشي منها لانو مداخلة طارق وضحت تسلسل الأحداث.
و واضح من كلام كانديك انو تزكية حافظ جات متأخرة
لو حافظ أو عيدروس كذبوا كلام كانديك ببقى معليش عندك حجة،!!!

لأ ما بمشي منها لأنو ما مقتنع بتبرير الإدارة دا.
وح اجي أوضح ليه ما مقتنع بيهو ..

لكن قبل دا.. أنت مع تعيين (جاسوس) يستخبر عن عضو محتمل تقدم بطلب انتساب لمنبر ما حتى بدون أن يكون لديه (مزكي) .. أم لا ..
هذا هو السؤال؟
وخلونا نغير من لوائح المنبر إذا كانت تتضمن بند (تعيين) جواسيس يلاحقون نيابة عن الإدارة ممثلة في المشرف كل من يتقدم بطلب عضوية من منبرنا هذا

[أبو دعد]

المشاركة الأصلية كتبت بواسطة محمد عبد الرحمن

أبو دعد
مداخلتك اعلاه لا تقدم القضية قيد النقاش قيد أنملة
فبالله ما في اي داعي للإنصرافية بتاعاتك دي
ثم انه لا تبخسوا الناس اشياءهم و لا يسخر قوم من قوم
ولا إنتو الذين تؤمنون ببعض الكتاب و تكفرون ببعض و للا الكتاب ده فيهو قصة يوسف بس

انتو دى قاصد بيها شنو ما عارف
بعدين يا محمد انت ما طرف فى الموضوع دا
و الكتابة باسلوب الشلليات هى التى لا تخدم القضية
و مهند براهو ما بقصر و انا و الله معجب بسعة صدره ورددوده وعدم تهربه عن القضية و انا حقيقة موضوع الشهر دا قلتو لانى مكثت شهور و ما لقيت من يكتب عنى حلقة و احدة اها دا ممكن نعدو من الايمان ببعض الكتاب و الكفر ببعض

[فيصل سعد]

ضمن الحيثيات التى اتى بها هذا البوست اقترح تعديل اللائحة باعفاء المشرف الفني من مسؤلية التأكد من شخصية المتقدمين لطلب العضوية .. و له مهمة التفعيل و التنشيط و التسجيل و الاضافة بتعليمات مباشرة من الامين العام او رئيس المجلس كيفما يتفقوا لتحديد المهام و الاختصاص في هذا الامر .. مع زيادة التأكد من الاعضاء بطريقة و اسلوب اكثر رقيا و تحضرا لضمان عدم اعطاء عضوية لموقوف و مخالف و مطرود من هذا المنبر .. و لضمان عدم اعطاء اكثر من اشتراك لنفس العضو درءا للتنافي الذي يخالف الميثاق و اللائحة ..

و للجميع اطيب التحايا ..

[محمد عبد الرحمن]

المشاركة الأصلية كتبت بواسطة أبو دعد

انتو دى قاصد بيها شنو ما عارف
بعدين يا محمد انت ما طرف فى الموضوع دا
و الكتابة باسلوب الشلليات هى التى لا تخدم القضية
و مهند براهو ما بقصر و انا و الله معجب بسعة صدره ورددوده وعدم تهربه عن القضية و انا حقيقة موضوع الشهر دا قلتو لانى مكثت شهور و ما لقيت من يكتب عنى حلقة و احدة اها دا ممكن نعدو من الايمان ببعض الكتاب و الكفر ببعض

ابودعد آسف جدا لاني فهمت كلامك بصورة غير صحيحة
انتم صفة تعظيم ليس أكثر
هنا في الشلليات انتا ما واضح البتة عندك نقد وجهوا مباشرة

[مبر محمود]

تحيّاتي للجميع..
واضح إنو نحن جميعاً بنتحرك داخل سؤ فهم عريض وعويص، و واضح كمان إنو سؤ الفهم بقى أساس تعاملاتنا مع بعضنا ومع القائمين على أمر المنبر.. وكل دا ليه! لانو ببساطة مافي أمانة في كتابة الكلمة.. بعض الناس هنا بتكتب دون أدنى مسئولية ودون أن تزن كلماتها، .. لا إحتكام لمنطق لا إحتكام لحق ولا إحتكام لعدالة، يعني كتابة والسلام، مجرد ونسة في ونسة، يلج البعض إليها بدافع الضحك والبعض بدافع المكاواة والبعض الأخر بلا دوافع..
يا أخوانا المنبر دا "منطقياً" كدا ما حقنا، لا حق كانديك، لا حق النور، ولا حق غيرهم من الأعضاء..
المنبر دا عندو "مُلّاك" زيو وزي أي مؤسسة ثقافية وإعلامية وخدمية. هؤلا المُلاك يسهرون ليلاً ونهاراً لتهيئة المناخ المناسب لتحاور مفيد وإيجابي، كل ذلك وفق رؤية محددة وأهداف محددة.. يعني الشئ عندهم ما هبتلي ساي!
وهؤلا "المُلّاك" مثلهم مثل جميع "مُلاك" المنتديات الإسفرية، يحق لهم أن يمنحوا عضوية منبرهم لمن يشاءوا ويمنعوها أيضاً عمن يشاءوا، ولا غرابة في هذا.

حديثي بعالية ليس تعليقاً مباشراً على "أحداث" هذا البوست، فبخصوص أحداثه ما زلت أحتاج لمزيد من التوضيح، إذ حسب علمي إن إكتساب عضوية المنبر يتم عن طريق "المشرف الفني وممثّل المالك" ولا دخل لمجلس الإدارة والأمانة العامة بهذا الأمر.. ولكني أردت من هذا التداخل أن أساهم بإستطاعتي في إزالة القليل من الإلتباس وسؤ الفهم الراسخان هنا.. يعني يا أخوانا أفرزوا لينا في كلامكم بين الإدارات ديل( ممثل المالك، المشرف الفني، الأمانة العامة، ومجلس الإدارة) فجميعكم إطّلع على اللائحة وجميعكم يعلم طبيعة عمل هياكل الإدارة، فلماذا المماحكة والتسويف؟

[فتحي مسعد حنفي]

المشاركة الأصلية كتبت بواسطة فيصل سعد

ضمن الحيثيات التى اتى بها هذا البوست اقترح تعديل اللائحة باعفاء المشرف الفني من مسؤلية التأكد من شخصية المتقدمين لطلب العضوية .. و له مهمة التفعيل و التنشيط و التسجيل و الاضافة بتعليمات مباشرة من الامين العام او رئيس المجلس كيفما يتفقوا لتحديد المهام و الاختصاص في هذا الامر .. مع زيادة التأكد من الاعضاء بطريقة و اسلوب اكثر رقيا و تحضرا لضمان عدم اعطاء عضوية لموقوف و مخالف و مطرود من هذا المنبر .. و لضمان عدم اعطاء اكثر من اشتراك لنفس العضو درءا للتنافي الذي يخالف الميثاق و اللائحة ..

و للجميع اطيب التحايا ..

يافيصل رمضان كريم وليك وحشة...
اقتراحك دا سليم 100% وبعدين يكفي انو كل عضو جديد يرسل صورة من جواز سفرو او بطاقتو ومع رقم التلفون أو الموبايل ويقوم أي شخص من المشرفين بالاتصال بالشخص ويقول ليهو بوضوح حبينا نتأكد من صحة الرقم ومافي داعي للفة الطويلة دي..غايتو يا أشتر ما بتجي من وراك الا المشاكل

[مهند الخطيب]

المشاركة الأصلية كتبت بواسطة فتحي مسعد حنفي

أنا طلبت منك تفضي الخاص وانت ما اشتغلت بي يعني ما عايز تعرف.طيب بعد دا أعمل ليك شنوفضي الخاص عشان تعرف الطريقة الاستخباراتية مسببة ولا بدون سبب..

ياعم فتحي ........... سلام يغشاك ........

أنا ياعم فتحي ماقلت ليك داير اعرف الحاصل عشاني انا!!!

تعال أكتبو هنا تحت الشمس مافي الخاص وورينا الطريقة الاستخباراتية دي ممكن تكون مسببة كيف؟!!!!!!

وماصحيح القلتو في مداخلة بعد دي اني داير فرصة في الادارة انا داير فرصة في الغلط سواء جا من الادارة وللا من فتحي وللا مني انا زاتي

[أبو دعد]

المشاركة الأصلية كتبت بواسطة فتحي مسعد حنفي

يافيصل رمضان كريم وليك وحشة...
اقتراحك دا سليم 100% وبعدين يكفي انو كل عضو جديد يرسل صورة من جواز سفرو او بطاقتو ومع رقم التلفون أو الموبايل ويقوم أي شخص من المشرفين بالاتصال بالشخص ويقول ليهو بوضوح حبينا نتأكد من صحة الرقم ومافي داعي للفة الطويلة دي..غايتو يا أشتر ما بتجي من وراك الا المشاكل

فتحى مسعد مناسبة نقول ليك رمضان كريم و ربنا يحفظك و نوم الصايم عبادة

[فيصل سعد]

المشاركة الأصلية كتبت بواسطة فتحي مسعد حنفي

يافيصل رمضان كريم وليك وحشة...
اقتراحك دا سليم 100% وبعدين يكفي انو كل عضو جديد يرسل صورة من جواز سفرو او بطاقتو ومع رقم التلفون أو الموبايل ويقوم أي شخص من المشرفين بالاتصال بالشخص ويقول ليهو بوضوح حبينا نتأكد من صحة الرقم ومافي داعي للفة الطويلة دي..غايتو يا أشتر ما بتجي من وراك الا المشاكل

الله اكرم يا خواجة تصوم و تفطر على خير .. و الموضوع دا تحله بخبرتك و حنكتك و تستخدم العلاقات العامة و الدبلوماسية طالما الاطراف هنا اعز اصدقائك و معارفك .. و لازم تجيب لينا حافظ هنا بلحمه و شحمة و يترتر بمزاج و يفك الحرنة دي !!

و ابقوا طيبين ..

[مهند الخطيب]

المشاركة الأصلية كتبت بواسطة سماح محمد

تحياتي مرة أخرى يامهند
وصباحك خير ان شاء الله


الإستفسار أو الإستيضاح يكونان للتأكد عن صحة معلومة أو طبيعتها..
(الدس) هنا ليس مبدأ وإنما الآلية الإبتدائية لسير الإستفسارات (حسب فهمي)



الشفافية زيــــــنة
لكنا وحسب النقاش في البوست المذكور مختلفين على أدوات تحقيقها وهناك رأيان مختلفان حول خصوصية كل تجربة بإختلاف المنابر المؤسسات وإنتفاء تلك الخصوصية

لست بصدد تقييمك أو تقييم تجربة الإدارة
وأنا من إلتجأت هنا للائحة بإعتبارها المرجعية الأساسية لي كعضو في كل ما يتعلق بنقد السلوك الإداري

وأرجو أن يتسع صدرك لهذا الإختلاف..

إحترامي

سأبدأ ياسماح من حيث انتهيت انت ....

صدقيني ان صدري يتسع لهذا الخلاف وخلافات أخرى غيره فلست ممن يحاورون من منطلق ذاتي ....
هذا السلوك الاداري كما سميته - في رأيي - مشين وقبيح وتلك الطريقة التي تم التقصي بها عن عبدالله عيدروس تشبه واقع الدولة البوليسة التي نعيش حامدين شاكرين في كنفها ...ومدعاة للتدبر والتفكر الف مرة قبل أن نحاول مرة أخرى استكتاب عضو جديد هنا لايضمن هو أن تكون تفاصيله الخاصة كرقم التلفون مثلا مشاعة للتاكد من كينونته كشخصية حقيقية .... هذا ان تجاهلنا ظن - وليس كل الظن اثم - العضو حافظ حسين في أنه المقصود بهذا التصرف ......!

هذا سلوك غير حميد وان جاء في نص دستوري أو حتى في سفر مقدس ناهيك عن لائحة (هي بقرة مقدسة يلوح بها للتبرير لما هو قبيح)

[مهند الخطيب]

المشاركة الأصلية كتبت بواسطة محمد مصطفي

ههههههههههههه
غايتو يا مهند انشاءالله ما نتلاقا في درباً نورو طافي
اها بتبحت ليك في مواضيع بتسوق لي جدل مافي ليهو داعي
الموضوع لو تحري عن عضو جديد ما اظن في لوم علي اي شخص كلفو المشرف الفني بي كده
لكن لو كان الموضوع خرمة سااااااااااااااي لي عكلته وفريق زهج
اعصر بس من طرف لمن تروي كان ريقك ناشف
اها رمضان كريم يا صاحب
كان صبحنا بنلقي فلسفة الامور ما بين الرشيد وحافظ
والاتنين قلمٌ اغلف

هذه يامحمد ياصديقي في رايي المواضيع التي تسوق الى ماهو انجع!!!

والرشيد حسب معرفتي به وبمداولات ماحدث بعيد كل البعد عما جرى وماحدث منه اضافة الى توجيه حافظ الى المشرف شئ.....

رمضان كريم ياصاحبي.....

[مهند الخطيب]

المشاركة الأصلية كتبت بواسطة سمراء

غايتو النصيحة ليك يا الله الجو بدعو انو الزول يدخل قدومو فى الموضوع ده ..صيام وحراق روح

انا كلامى ماكتير ، من هنا بدعو للاتى :

جلد كل من الرباطابى -الشهير ب مهند الخطيب 500 جلدة بلا توقف حتى يهترى بنطاله / وذلك لعنوانه الصادم ، ولفح المواضيع بدون مؤسسية فى التقصى

جلد عمى فتحى 1000 جلدة (متقطعة) عشان مابتحمل ، وذلك للحركة الماجميلة العملة ، وسرقة لسان سودانيات ساى بث ، وخلق بلبلة وفتنة بدون اى داعى ، فقط من اجل شمار يخصه ..

حافظ حسين الحردان ، يقوم يلف لحد ما اقول ليه يقيف ...

الاخ عيدروس ..مرحب بك فى سودانيات ، وصدقنى دخلتك بالبروقاندا ولا اسمها شنو دى حاترفع من اسكورك عالى جدا وحاتعمل ليك شو مابطال

صدر تحت توقيعى ورسمى ..الليلى
سمراء الجنها وجن اللبش من الصباح

الزول ماينوم اصو ولا يتعبد معاكم ! بـِس !

كدي وريني البالاحمر ده جبتيهو من وين عشان اتجلد مقتنع ..........

منو القال بدون تقصي ومعرفة ماهو كتر التقصي خلى الادارة تقول كلام ممثلة في كانديك رئيس المجلس وعم فتحي يقول كلامين (مرة تم تكليفو من قبل المشرف ومرة لأ)