وداعاً حافظ حسين .............. ماذا يحدث هنا في سودانيات؟!!!!!

[مهند الخطيب]

المشاركة الأصلية كتبت بواسطة نبيل عبد الرحيم

اقتباس:
المشاركة الأصلية كتبت بواسطة فتحي مسعد حنفي
ليس هناك أي استدراج مطلوب من قبل المشرف الفني والمشرف لم يفعل أكثر من ارسال الاسم والعمل ورقم الموبايل وطلب تأكيد صحة المعلومات ولم يطلب أي اضافة معلومات ولو طلب لكان هو التجسس بعينه..
ان كان هناك خطأ فهو مني أنا في الاسلوب الذي اتبعته للتعرف بالعيدروس..



أعتقد بعد كلام عم فتحى وإنتقاده لنفسه شجاعة تحسب له ويجب أن يقفل الموضوع لأن الخطأ ليس خطأ عم فتحى فقط ولكن يشترك فيه المشرف الفنى (الذى لا أعرف من هو)
والعم فتحى كانت نيته سليمة ولا يقصد التجسس.
مهند
رغم أن كثيرين يعتقدون إن طرحك للموضوع هنا خطأ ولكن أنا لا أرى غضاضة فى ذلك ورغم أننا أحيانا كثيره لا نتفق لكن أرى إنك كنت قاسى على العم فتحى رغم أنه إنتقد تصرفه .
وأين عيدروس وحافظ رغم تزين أسمهم بعنوان البوست ؟
ويجب على الإدارة إن تنتقد الإسلوب الذى أتبعه المشرف الفنى وأن تجد طرق أخرى للتأكد من الأعضاء الجدد كما تفعل سودانيز أونلاين وأغلب المنتدايات وهو أن يثنى من عضوين .
لكم جميعا المودة والإحترام

نبيل رمضان كريم ... تصوم وتفطر على خير.....

يانبيل ...

عمنا فتحي كشخص على العين والراس وتربطني بيهو علاقة أعتقد فيها الجمال والبوست ده كانت اتخيلت انو ضدو بصورة شخصية فانت غلطان ياخوي .......... البوست ده موجه ضد سلوك شائن أدّى من تبعاتو لفقدنا لاقلام متميزة اتمنى لها من صميم هذا العقل عودة حميدة ....
وطرحي يانبيل للموضوع هنا هو ماأعرفه ولا أعرف غيرة فالأشياء تحت الضوء أجمل وفي الظلام باهتة .........

لك التحية والسلام...

[الجيلى أحمد]

ياأسعد زول
أنا كان قررتا بالليل دا بجرح سحوركم
ودا شهرآ عندو مشاكل نفسية مع التجريح
فشنو

حاول تغنى للحبيبة (المافى) بالنهار
وبالعشاء أضرب الفطور
وفى الليل تعال ناقر قيقا

قصرنا معاك؟

ناس محسن ونقتهم ديك الا تعمل ليها أوفر تايم

أما ناس سمراء ديل فشغل بعد الضهر
وبالذات لما يكونو عطشانين

[سارة]

وبما انه البوست استنفذ غرضه اها اتسحروا بيها

فار مسطول شاف كديسة جري دخل تحت الدولاب , الكديسة شعرت بي حركة قامت دخلت يدها تحت الدولاب الفار قال ليها: ناو ناو ناو ...الكديسة قالت ليه معليش يازميل قايلاك فار ومشت.. الفار مرق من تحت الدولاب وطقطق ضهرو وقال الواحد لو ماعندو لغات كان ضاع فيها.

[الجيلى أحمد]

جيلي القوم ادينا رأيك ياخ
هل أنت مع سحب باسويرد السلفي
أم ضد ذلك
وعلل

السلفى زول منتمى لفصيلة الانسان الحرود

حردان الأكل بطبيعتو
وحردان اللحم
ومرات بيحرد اللبن لمن تقوم عليهو كديسة الجن الاسمها الوعى
زول مابحب الألوان كلها
لكن لو يوم شاف لون فاقع بجهجهو
ويمكن يريحو برضو
ودا بعتمد على اللون واليوم
فخلى بالك ..
وبعدين جنو وجن الظلط والتراب
كان بقى راكب جنبك فى أمجاد بطير عيشتك
لو فى الظلط يشبكك سخانة ويقعد يتملل
دا طبعآ فى حالة انو ماسافى
وهى نادرة الحصول كأمطار الصومال
أما لو جاتو كتاحة فبتجهجه باكاتو
عادى يمكن يغمض ليك عيونو
وتبقى يومك كلو ماشى مع زول أعمى
وكمان نقناق


أها اعلل ليك ؟

[أسعد]

شحات دق باب واحد
لمن فتح ليهو قام الشحات قال ليهو
عندكم ليمونة ، لانو جارك دا قال لي كلام طمم لي بطني

النكتة دي اتذكرتها وانا بقرأ في ردك يا الجيلي

[أسعد]

المشاركة الأصلية كتبت بواسطة الجيلى أحمد

السلفى زول منتمى لفصيلة الانسان الحرود

حردان الأكل بطبيعتو
وحردان اللحم
ومرات بيحرد اللبن لمن تقوم عليهو كديسة الجن الاسمها الوعى
زول مابحب الألوان كلها
لكن لو يوم شاف لون فاقع بجهجهو
ويمكن يريحو برضو
ودا بعتمد على اللون واليوم
فخلى بالك ..
وبعدين جنو وجن الظلط والتراب
كان بقى راكب جنبك فى أمجاد بطير عيشتك
لو فى الظلط يشبكك سخانة ويقعد يتملل
دا طبعآ فى حالة انو ماسافى
وهى نادرة الحصول كأمطار الصومال
أما لو جاتو كتاحة فبتجهجه باكاتو
عادى يمكن يغمض ليك عيونو
وتبقى يومك كلو ماشى مع زول أعمى
وكمان نقناق


أها اعلل ليك ؟

[الجيلى أحمد]

المشاركة الأصلية كتبت بواسطة وجدي الأسعد الأسعد

وش واحد يامفترى
انت الظاهر انهيار الأسواق الأوربية دا طالك

وبعدين مالك شيبتا كدا

[منال]

ده شنو

معقولة ما قادرين نحترم حتى اختلافاتنا
وهو عدم الموضوع حتى فى رمضان - ضار بالصحة

طقيع كتيييييييير و الغرض شنو غير محقة الباندويث (له الرحمه)

اتمناكم تكونو معقوليين شويه كده

واعتبرو ده كلام زوله محبطه من القرايه (وش مكفرن)


مهند سيد البوست
رايك شنو
يدخل نص فى اللائحة لفتل البوست و تحذف مداخلات (طاش ما طاش)
فى حالة كتابة مفترع البوست للادارة واشارته لتلك المداخلات.

وختمه
عظم الله اجرك
صحى و الله تتحملا الواطا

[الجيلى أحمد]

عبد الجليل سليمان

يسعد مساك

يااخى انت محور نقاشك وين ؟
هل عندك نقاط ومآخذ على اللائحة , ولا عندك حسابات شخصية مع اناس بعينهم؟

لو شغلك ونضميك بتاع لوائح وقوانين بنضيع فيك فى الايام المتعوب عليها دى ,
أما لو داير تتونس فتعال عديل بالطريق

أها المنظر شنو ؟

[الجيلى أحمد]

منال ازيك

الفتل داخل البوست دا مفتوح شارع ,

ثم كيفك والخرطوم؟

[منال]

المشاركة الأصلية كتبت بواسطة الجيلى أحمد

منال ازيك

الفتل داخل البوست دا مفتوح شارع ,

ثم كيفك والخرطوم؟

الشارع يسدنو المتاريس
مااااا دايره معاك عارف ليه



ومبروك عليكم و يارب بى السعادة و البخاته و جديدن متابع
هههههههههههه
تفتلو براكم


وتصوم و تفطر على وطن
قال الخرطوم - ماعندى بيها اى شغلة بس بكان المناطق المحرره

[الجيلى أحمد]

هههههههههههه
تفتلو براكم

الفتل انسانى
لكن الشعب جيعان
وقيل أن الشعب قد يجبن
حين يجوع

[نبيل عبد الرحيم]

اقتباس:
المشاركة الأصلية كتبت بواسطة مهند الخطيب
نبيل رمضان كريم ... تصوم وتفطر على خير.....

يانبيل ...

عمنا فتحي كشخص على العين والراس وتربطني بيهو علاقة أعتقد فيها الجمال والبوست ده كانت اتخيلت انو ضدو بصورة شخصية فانت غلطان ياخوي .......... البوست ده موجه ضد سلوك شائن أدّى من تبعاتو لفقدنا لاقلام متميزة اتمنى لها من صميم هذا العقل عودة حميدة ....
وطرحي يانبيل للموضوع هنا هو ماأعرفه ولا أعرف غيرة فالأشياء تحت الضوء أجمل وفي الظلام باهتة .........

لك التحية والسلام...



أخى مهند
رمضان كريم
أشكرك أخى على الإيضاح وفهمت إنك تنتقد موقف وأنا أيضا إنتقدت الموقف بشكل عام وجميل أن الإدارة إستمعت وسوف تقوم بتغير طريقة قبول العضوية الجديدة
والعم فتحى قلبه أبيض وسوف يتفهم أن النقد ليس شخصى وتبقى المحبه بينكم
ولك منى كل مودة وإحترام

[معتصم الطاهر]

حد يلخص البوست ..

انا بكتب نقاط
1- مهند فاز بأنه زول بحب سودانيات و زول دغرى
2- مجلس الادارة .. ليته يتأنى قبل اصدار بيان ..باسمه.
3- الخطأ لم يكن من المشرف الفني و لم يكن يستقصد أحدا و لكنه تصرف فردي.
4- مندوب المالك كان حكيما كعادته.
5- حرد حافظ ( لو حاصل) .. يكون داير مراجعة
6- لم نخرج بمفترح بتعديل لائحة أو اضافة نص او مادة.


الباقى كلو يكشف معدن الناس ..

[مي هاشم]

انتو لسّسسسسسسسسسسسسسسسّة؟؟!!!!

مهند..أنا موش قلت ليك الادارة ما عندها شغلة بحركة عمك فتحي دي؟؟انت ما مصدقني ولاّ شنو؟؟

ثم يا صديقي..كل سنة وانت طيب - بأثر رجعي- وقالوا الزول يوم عيد ميلاده بكون زهجان أصلاً..فما تشتغل بالموضوع ده كتير..
في حاجات كده مااااااا بتستاهل..بالذات لمن تفتح نفاج لحاجات ما بتستاهل أكتر منها..
أما موضوع اللائحة والعضوية وشنو..الناس ممكن تناقشوا براحة وما في شي منزل غير القرآن..يعني ممكن تتعدل براحة..سمح؟؟




بعد إذنك أسلم على منال والجيلي..
ازيكم ومشتاقييييييين..