بلوزة
ودالدابي مالك ساكت ما شفت (الجلا) السواها
شال محبوبتي سافر بيها كيفن عاد بعيش لولاها
بابور البحر مو عارفا شايلا أعزّ زول جواها
ماهماها حالي البي ما دام نوّرا وضوّاها
تشتكي بالعلي عيوني أهملا ما سمع شكواها
اللحكيلك الماك عارفو كيف مسخت بلدنا وراها
كان كاتمة الشجن في وداعا إلا دموعا مو ساتراها
عبدالله محمد خير
صحيح ياعبدو اخوي قولك حقيقة
كتير الطفّشا (الجلا) من فريقا
يزازي نقل سميحات الخليقة
ورنين صفارتو نفسي أبت تطيقا
معاها انا كيف أسوي شنو الطريقة
تعيق في الناس اله الناس يعيقا
إتمنالا في دالة غريقة
تحتل فيها ما تفضل شقيقة
تطير ريشاتا منها بي فريقة
وصميم مكناتا تلتهمو الحريقة
قمرات نوما تسكن أم دريقا
وتولد في عنابرو عشان غريقة
بناتنا حليل سروحن في السِبيقة
حسن الدابي
______
الجلا: إسم الباخرة أو "البابور" ..
إسم على مسمى 
.
