المرأة رفيق درب وليست تابع

[رأفت ميلاد]

سلامات يا يوسف نجم

دى قانون شريعة معدل .. القصة يا علمانية أو شريعة .. دمجهم أصلو ما بشتغل ..
العلمانية عديل كده بتحفظ حق الشريعة .. لكن العكس أبداً ما صحي

لامن تقول لى:

لا يتحقق العدل الاجتماعي إلا بعد التحرر المطلق من قيود عبودية القهر الاقتصادي والإرهاب السياسي

وترجع تانى تقول:

والمحصنات من النساء إلا ما ملكت أيمانكم كتاب الله عليكم

أنت كدة أقريت العبودية من حيث هى .. كيف تتطالب بإنعتاق (مطلق) من العبودية الإقتصادية والسياسية ..

مدخلك كان ماشى على الطبطاب .. لكن زاغ منى كلو كلو .. تعرف ثقافة تدعيم الرأى بحشر آيات ما واقع لى كلو كلو .. تبفى زى قصة (ما تناقشنى) .. ناقش الله .. والله بريئ من كل حرف أتكتب ..

أختيار الأنسان بين الخير والشر .. حرية مطلقة ممنوحة من الإله .. وإلا كان ظالم فى عقابو لينا .. لذا تبقى الأيات مساعد يفتح بصيرتك .. ماها نصوص (يجب) إن تعطل العقل