قـــروب حبــائب بالفيسبوك (كتل) المنتدى !

[سمراء]

اقتباس:
المشاركة الأصلية كتبت بواسطة عبدالمنعم الطيب حسن
اتفق مع من قال ان هذه دعاية مجانية للقروب
الذي يتغذى من سودانيات
وليس العكس ...
للناس مطلق الحرية ان تنضم لاي مجموعة تراها تنسجم وقناعاتها
ولكن ان تاتي وتدعو للقروب هنا
فدا لا....
والمغالط يشوف كم من الناس هنا تسمع لاول مرة بالقروب
وجائز تكون هسع انضمت ...
خصم مخملي هذه المرة .

وجعتنى ياعبد المنعم ويشهد الله
وجعتنى فى مصارينى جووووة لانك بتتكلم بثقة منقطعة النظير
ياخ كدى ركز شوية فى كلامى وشوف القصد
الله يسامحك غايتو

ياعبد المنعم القروب قالو ليك محتاج دعاية
ولا فاتحين فوقو مول ودايرين نبيع ؟

انا لله ياخ

[أميرى]

المشاركة الأصلية كتبت بواسطة سمراء

وجعتنى ياعبد المنعم ويشهد الله
وجعتنى فى مصارينى جووووة لانك بتتكلم بثقة منقطعة النظير
ياخ كدى ركز شوية فى كلامى وشوف القصد
الله يسامحك غايتو

ياعبد المنعم القروب قالو ليك محتاج دعاية
ولا فاتحين فوقو مول ودايرين نبيع ؟

انا لله ياخ

سا سمرا إزيك
منعم قرا مداخلة نبراس بتاعت إنك عملتي البوست لشئ في نفسك وبنا عليها كلامو ربما

بس إنت الشني الفي نفس يعقوبك شنو

[سمراء]

اقتباس:
المشاركة الأصلية كتبت بواسطة أميرى
سا سمرا إزيك
منعم قرا مداخلة نبراس بتاعت إنك عملتي البوست لشئ في نفسك وبنا عليها كلامو ربما

بس إنت الشني الفي نفس يعقوبك شنو

أ اسد
والله يا اميرى بزعل من البهيته دى جنس زعل ...
الله يعلم شعرته بى لوزى قربن يطرشقن ..

س بينى وبينك نيبو ماريحتنى
اسع الفى نفسى زاتو مرق

بالمنافسة الشفع الجوكم يوم العيد ديل حقين منو ؟

[أبو دعد]

المشاركة الأصلية كتبت بواسطة الجيلى أحمد

حنك بيش

ان وراء الآكمة ما وراءها


قيل ان اثناء حروب الخليفة عبد الله التعايشى ...وجد احد القادة محارب مختبى خلف شجرة فسأله لماذا انت هنا
فاجاب ربنا قال اقعدوا لهم كل مرصد
فرد عليه القائد بس اقعد احفظ لى فى ايات البيد دى(لبيد=يعنى لبد يلبد فهو لابد = مختبى)

[فطوم]

سمراء

بالمنافسة الشفع الجوكم يوم العيد ديل حقين منو ؟
_________________________

اها مالم ....ما مالين عينك؟
ديل شفعي...حلاااتم
جبتي لي عشراقة من الضحك يا وهم اتي

[احمد زين]

المشاركة الأصلية كتبت بواسطة الجيلى أحمد

حنك بيش

شرحو

[جيجي]

مبروك عليكم القروب
بس مايكون ترسيخ لظاهرة الشللية التي اذا اشتكي منها عضو
تداعى له سائر القروب بالشكل والحمية

[قيقراوي]

كل عام و الكل بالف خير

البت التي لم تغادر سمرتها بعد
يبدو انك برضو لم تبارحي تعسفك بعد برضو!
سؤالك تعسفي جداً!!

انا ما سمعت بالقروب دا ذاتو -الا من هنا اسي ي- و محارب الفيسبووك ذاتو!!
و برضو غائب من هنا .. لاسباب قاهرة . و لعامل السن برضو
بعد الاربعين نظرتك بتتغير للعالم و شكل العلاقات
بتزداد حكمة .. و غالباً تبقى زول آخرة ساي .. نسأل الله حسن الخاتمة

اما بعد
موافق الصديقتين الجميلتين نيبو و سماح على كل القالوهو ..
و اكيد موافق نديدي المخير و ما مسير .. السن يحن برضك

يا شباب بالجد هانذا اقرر - و لا اقر - انو الاسافير عموماً و المنتدى دا خصوصاً ..
بتقوم بدورها الاجتماعي و اكتر - ركزوا لي على اكتر ي بالله - لكن في دور مغيب !
وين المساهمة في المشهد الثقافي؟
و في الحراك السياسي.. تحليلاً، و نقاشاً، و تفاعل و تفعيل الرأي العام؟

في ور مغيب من الاساس .. و مفروض نقيف هنا ..
اما افتراض البت سمورة -المستبطن- اصلن خاطئ في طبيعته ..
وين وجه الشبه المسوق لعقد مقارنة اة قولي مقاربة بين قروب في موقع تواصل اجتماعي و منتدى حوار!؟
لا شئ!!
لا يمكن اقامة علاقة سببية اصلاً ..
و لا يمكن تأشير علاقة جدلية ما لم تتوفر وحدة الهوية كموئل لصراع ما ..
او كما قال ماركس الكافر

المهم ...

سؤالك تعسفي يا فردة
و مشتاقين و الله العظيم

[أبو دعد]

المشاركة الأصلية كتبت بواسطة نبراس السيد الدمرداش

نور الله البضوي
شوك الشوق الله يعلم

السمه الغالبه على ونستنا الهزل فيما يخص حيواتنا خارج المنبر
و ونسه لا تصلح لجلبها هنا و الا اصبح منتدى الحوار شات كبير
دا ما يمنع انو ممكن نوظف القروب لخدمة المنبر
تشرفنا يا سعادتك على الاقل نلقى لينا عشرة ونسه معاك

يا نورنا كدي راجع مداخلتي الاولى
يمكن تلقى فيها بعض اسباب الركود و نتعاون جميعا لايجاد حلول

جاء الصبح و هزم جيوش الحندس
ونسة فى القروب تختلف عن المشاركة فى المنتدى
يعنى الزول فى القروب بوجه و فى المنتدى بوجه
وجه+وجه=وجهين

[أبو دعد]

المشاركة الأصلية كتبت بواسطة أحمد محمد زين حسين

شرحو

من ينشأ فى الحلية فهو فى الخصام غير مبين

[سمراء]

اها نجيكم للجد يافرد ...
والفرد هم جلجل بتاع الحنك البيش
واحمد زين بتاع شرحو
والاربعينى المخضرم نديد حبيبو بيكو
وجيجوش الاخدت فى خاطره
وابو دعد العكليتة

عاينو هنا ده كل الحاصل انا دخلته الفيس وشاغلته ناس القروب كالعادة لانو لى فترة منهم ، وتاوقته للمنتدى لقيت الضبان راكى فى المواضيع الشكلها مخمرة فى الصفحة الاولى ، اهان قلته كدى النقوم نحرك الشغلة دى واكورك للطاقين الحنك بهناك ديل ، بس .....
قومته بنمرة اربعة وفتحت البوست الاتى اكله ده
وبثيت لواعج محاثيثى فوقو وقلت الشى الحسيت بيهو فى تلك الهنيهة ....غيرة ساى بث منى على المنتدى ده ...
فلو الكلام حرك محاثيثكم يكون فى الاتو ياجماعة
ولو لم يلقى هواء لديكم ...
قومو لفو كلكم ...بالانتيم حقى الماجا ساى بشر

[أبو دعد]

المشاركة الأصلية كتبت بواسطة سمراء

اها نجيكم للجد يافرد ...
والفرد هم جلجل بتاع الحنك البيش
واحمد زين بتاع شرحو
والاربعينى المخضرم نديد حبيبو بيكو
وجيجوش الاخدت فى خاطره
وابو دعد العكليتة

عاينو هنا ده كل الحاصل انا دخلته الفيس وشاغلته ناس القروب كالعادة لانو لى فترة منهم ، وتاوقته للمنتدى لقيت الضبان راكى فى المواضيع الشكلها مخمرة فى الصفحة الاولى ، اهان قلته كدى النقوم نحرك الشغلة دى واكورك للطاقين الحنك بهناك ديل ، بس .....
قومته بنمرة اربعة وفتحت البوست الاتى اكله ده
وبثيت لواعج محاثيثى فوقو وقلت الشى الحسيت بيهو فى تلك الهنيهة ....غيرة ساى بث منى على المنتدى ده ...
فلو الكلام حرك محاثيثكم يكون فى الاتو ياجماعة
ولو لم يلقى هواء لديكم ...
قومو لفو كلكم ...بالانتيم حقى الماجا ساى بشر

و الله انا سعيد جدا اشرب معاك شاى الصباح دا و ما ذكرتيه اعلاه لا يخرج عن نطاق العكلتة و كون القروب يكون منداح فيما لا طائل منه و المنتدى يخيم عليه البؤس ارى فى ذلك نكران لصاحب البوست و تخلى عن المسؤلية التى قطعنا عهدها على عاتقنا

[ابرا]

لسع حجوة ام ضبيبينة يا عالم هوووووووووووي نحن ناس ملح يث

[آخـر المواني]

المشاركة الأصلية كتبت بواسطة نبراس السيد الدمرداش

قرع ود العباس 10 بقرش و 7 هواده

الواحد يا يقول المثل صاح او يصمت











لا اوافق

[أبو دعد]

المشاركة الأصلية كتبت بواسطة زول خرافي

لسع حجوة ام ضبيبينة يا عالم هوووووووووووي نحن ناس ملح يث

و نحنا ناس ملح و ملاح