مخاوف من اصطدام قمر صناعي بالسودان .. !!

[أحمد محمد صلاح الدين]

الأخ طارق كعادتك
هو موضوع الساعة الآن في السودان
إحترامي لك المشاركين

حوالينا و لا علينا آمين


المعلومات كثير تحتاج لترجمة حاولت ما بوسعي

أوبما يطمئن رعاياه الساحل الشرفي للولايات المتحدة بأكملها يبدوآمنة و أعطاهم نموزج للخريطة

ثم صرح قائلا:
هذه ليست الحرب الطبقية ، انها مجرد الفيزياء (اشاره للشوعين الذين لم يعقبوا)!

ثم أعقب

علي الرغم أننا لا نعرف أين سوف يسقط هذا القمر ولكن نتوقع سقوطه في أىّ قارة معاده القارة القضبية الجنوبيه ... سوف يسقط في مسارات متعدده في خط نار .. إحدى المسارة وعلي سبيل المثال تمر فوق ولاية تكساس بالقرب من شيكاغو .. ثم ذكر تفاصيل كثير عن خريطة الملاحة الجويه الامريكية وفيها رصد للقمر و مساراته وخط النار أضغط هنا
ولك كل الاحترام
قدمتَ ماينفع حمانا وأياكم

[جيجي]

وفي كل الاحوال
نموت
اونموت
يانموت
حقيقة اوخوفا اوحزنا

[طارق صديق كانديك]

المشاركة الأصلية كتبت بواسطة اسمر

حبيبنا كانديك سلامات
تعرف الخبر ده في بلدنا (البركل) منتشر و ما عندهم موضوع غيره وفي جزء خايف منه
عموما
نسال الله ان يسلم بلادنا و يلطف بها
تحياتي يا حبيب‎‎

مرحبتين حبابك يا اسمر

يبدو أن المخاوف يشترك فيها الجميع ...

ربنا يلطف على الناس

تحياتي

المشاركة الأصلية كتبت بواسطة Sana Mursi

يعني السودان ناقص بلاوي والله بقى ذي التور الوقع وحاة الله كترت السكاكين عليه.
ربنا يلطف بالبلاد والعباد ان شاء الله.

العزيزة سناء مرسي

الحمدلله انو المساحة المشمولة بالخطر اتضحت أنها أوسع مما كنا نظن مما يقلل احتمالات السودان وربنا يحمي جميع الناس

كوني بخير

المشاركة الأصلية كتبت بواسطة أحمد محمد زين حسين

لمتابعة تفاصيل خط سير هذا القمر اللعين اضغط على الرابط ادناه
http://n2yo.com/?s=21701

تسلم يادكتور

المشاركة الأصلية كتبت بواسطة مبر محمود

سلام يا كانديك..
طالعت اليوم بصحيفة السوداني حواراً مع الراصد الفضائي د.النور محمّد عثمان. جاء في فقرات منه إن الخطر القادم لا يقتصر على السودان فقط، فالمساحة الجغرافيه المرصودة التي يتوقّع الخبراء سقوط القمر الفالت فيها هي مساحة شاسعة جداً، تشمل حتى أمريكا وأروبا. وقال أيضاً- فيما معناه- إن المساحة التي يمكن للقمر أن يدمرها ويؤثر فيها في حال وقوعه تقدّر ما بين 400 الى 500كم، وهي مساحة لو تخيلناها يمكن أن تكون من الخرطوم لدنقلا أو سنار! وأضاف د.النور إنه يتمنى أن يسقط القمر الصناعي في بحر أو نهر، وذلك حتى تكون الأضرار أخف.

وعليكم السلام يا جميل

هذا مما يلقى بعض الاطمئنان في نفوس الناس ونشارك الدكتور الأمنيات والدعوات بأن يسقط القمر المرتقب في بحر أو نهر ..

المشاركة الأصلية كتبت بواسطة آخـر المواني

أمك

لكن المشكلة تبقي 400 كلم دي من كافوري يعني ممكن عادي تغتس حجر سنارنا

خلاس ان شاء الله يقع قدام شوية من كافوري بحيث تكون داخل الـ 400 دي ونبقي نحنا نجي نستفيد من باقي الدهب دا

كانديك معليش ياخ

ولايهمك ..

[طارق صديق كانديك]

المشاركة الأصلية كتبت بواسطة الأغبش

أجمل تعليق علي الحتة دي قريتو أمس في منتدي سيد البلد ..
واحد قال طالما الحكاية فيها تعويض جماعتنا ديل ما بكون عندهم مانع إنو يقع في القصر الجمهوري ذاتو ...

صباحك خير ياصديقي الجميل

كلامو صاح فقه ( التكنز) .. !!

المشاركة الأصلية كتبت بواسطة بدر الطائف

شوف كم الف قمر صناعى لافين فى الفضاء الخارجى.
يعنى نحن نقعد كل سنة لى جنس الكلام ده.
البتاع ده طالما مصنوع من الذهب الخالص ماعندنا مانع يقع فى القصر الجمهورى وان شاء الله فى راس البشير وزمرته.
منها نخلص منهم ومنها ندعم الاقتصاد الوطنى.

برضو راي

المشاركة الأصلية كتبت بواسطة بابكر مخير

طروقي
قالوا:
حين أراد الله إزالة قرية من الوجود
أمر جبريل بذلك، إلا أن جبريل قال:
هناك شيخ يقيم الليل ويحسن الي الناس ويعمل بالمعروف وينهى عن المنكر..
أمره الله عز وجل، أن يبدأ به (ولحكمة يعلمها الله الواحد الأحد ولا غيره)....

حسي وبما أنه حاكمنا و"زبنايته" يدعون أنهم كذآك الشيخ
وبما أننا أصبحنا كتلك القرية التي وقع عليها غضب الله (غايتهو ما كلنا)..
فما هذا الذي يقصدنا من السماء، إلا إعادة للتأريخ (قطعاً لحكمة يعلمها الله الواحد الأحد ولا غيره)

صبحك الله بالخير يادكتور

غايتو عشان خاطر الناس الأبرياء والمساكين في السودان وفي غيره ان شاء الله بسع يتوجه للمحيطات الواسعة دي

المشاركة الأصلية كتبت بواسطة وجدي الأسعد الأسعد

يا مولانا نام قرير العين
هو انت قايل نحن عندنا حظ لحدي ما يخلي (قمر) يقع فوقنا؟!
أنت قايل القمر بقع من طرف سااااااااااي لمن يقع في السودان؟!
ياخ الاقمار الصناعية دي مفتحة وبتتخير اماكن سقوطها
نصيبنا من النحس يضاهي نصيبنا من الحظ
وزي ما نحن غير محظوظين لدرجة ان ننعم بحياة زي باقي العالم
كذلك نحن غير منحوسين لدرجة أن ننعم بكوارث زي باقي العالم
ياخ السودان دا من سنة غااااااااااغ ربنا ما حصل ابتلاهو بكارثة طبيعية
نحن السودانيين كتب علينا ان نعيش حياتنا فقط للنفس الطالع ومارق (نو مور نو ليس)
حرماننا من معايشة الرخاء يساوي حرماننا مكابدة الكوارث
والحياة دي يا نعمة تعيشها أو كارثة تكابدها
غير كدة تسمى (حياة الموت)
ولولا ان انعم الله علينا بكارثة الانقاذ لكان حياتنا إلى الموت اقرب

[طارق صديق كانديك]

المشاركة الأصلية كتبت بواسطة قيقراوي

يا ريس هو قمر صناعي و لّ نيزك!؟
ارسو بينا على بر ياخ نشوف الكاتلنا شنو!؟
---------

ما لقيت غير سوداني نت دا كمصدر!؟ ..
شرفتهم شرف ما يحلموا بيهو كلو كلو!!

الشغلانية حسب المتداول انو قمرا ذهبا عديييل كده ...

أول ما سمعت الخبر في التلفزيون توجهت لعمنا قوقل اطال اله بقاءه .. اداني الخبر في الرابط النزلتو ..

المشاركة الأصلية كتبت بواسطة أبو دعد

الحكومة ساكتة و لم تنبث بنت شفاه ...بعدين حا يجوا يقولوا القمر فاجاءهم كما يفاجئهم الخريف كل عام

احتمال الامريكان فاكين اشاعة عشان يضربونا بصاروخ صاروخين اصلنا جلدا مجرب على جر الشوك

حتى الآن ما عارفسين مصنع الشفا ضربوا بشنو و لا عارفين عربة بورسودان الضربا منو

أمريكا ما محتاجا للفلة الطويلة دي لو عايزة تضرب بتضرب ..

الله يكضب الشينة

تحياتي

المشاركة الأصلية كتبت بواسطة أحمد محمد صلاح الدين

الأخ طارق كعادتك
هو موضوع الساعة الآن في السودان
إحترامي لك المشاركين

حوالينا و لا علينا آمين


المعلومات كثير تحتاج لترجمة حاولت ما بوسعي

أوبما يطمئن رعاياه الساحل الشرفي للولايات المتحدة بأكملها يبدوآمنة و أعطاهم نموزج للخريطة

ثم صرح قائلا:
هذه ليست الحرب الطبقية ، انها مجرد الفيزياء (اشاره للشوعين الذين لم يعقبوا)!

ثم أعقب

علي الرغم أننا لا نعرف أين سوف يسقط هذا القمر ولكن نتوقع سقوطه في أىّ قارة معاده القارة القضبية الجنوبيه ... سوف يسقط في مسارات متعدده في خط نار .. إحدى المسارة وعلي سبيل المثال تمر فوق ولاية تكساس بالقرب من شيكاغو .. ثم ذكر تفاصيل كثير عن خريطة الملاحة الجويه الامريكية وفيها رصد للقمر و مساراته وخط النار أضغط هنا
ولك كل الاحترام
قدمتَ ماينفع حمانا وأياكم

وعليكم السلام ورحمة الله وبركاته أخي احمد

وشكرا للمعلومات الشاملة .. نسأل الله أن يطمئن الجميع ..

تحياتي

المشاركة الأصلية كتبت بواسطة جيجي

وفي كل الاحوال
نموت
اونموت
يانموت
حقيقة اوخوفا اوحزنا

نتمنى أن يملأ التفاؤل الجميع فلولا فسحة الأمل مات الناس قهراً ..

تحياتي

[فتحي مسعد حنفي]

احتمال سقوط القمر الصناعي فوق السودان غير وارد اطلاقا بإذن الله

الآن يمكنك متابعة سير القمر الصناعي على مداره وهو بعيد جدا من السودان..

في الرابط ده تابع القمر مباشرة على الهواء

http://www.n2yo.com/?s=21701

يبقى الترويج للاشاعة يمكن يقع في السودان كان ليه هدف سياسي يعلمه من روج لها...

[أبو دعد]

المشاركة الأصلية كتبت بواسطة فتحي مسعد حنفي

احتمال سقوط القمر الصناعي فوق السودان غير وارد اطلاقا بإذن الله

الآن يمكنك متابعة سير القمر الصناعي على مداره وهو بعيد جدا من السودان..

في الرابط ده تابع القمر مباشرة على الهواء

http://www.n2yo.com/?s=21701

يبقى الترويج للاشاعة يمكن يقع في السودان كان ليه هدف سياسي يعلمه من روج لها...

ليه الترويج اشاعة ما يكون الرابط اشاعة
اقعد نوم لاحدى الضحى لامن تلقى القمر و صل الواطا

من باب اعقلها وتوكل اشترى ليك خوذة

[فتحي مسعد حنفي]

المشاركة الأصلية كتبت بواسطة أبو دعد

ليه الترويج اشاعة ما يكون الرابط اشاعة
اقعد نوم لاحدى الضحى لامن تلقى القمر و صل الواطا

من باب اعقلها وتوكل اشترى ليك خوذة

تعرف بعد طول تفكير لقيت كلامك ممكن يكون صح والقمر دا يكون موزون عشان يقع في صلعة البشير.بس الخوف يابو دعد انو القمر يتلخبط في الصلع ويقع في صلعة تانية عشان كدا حقو انت برضو تسعي ليك خوذة لعل وعسي

[قيقراوي]

http://www.youtube.com/watch?v=5laK2JopaVE





-------------------------

ممكن برضو الناس تتابع من تلفزيون ناسا :

http://www.nasa.gov/multimedia/nasatv/index.html

[قيقراوي]

دا خيط اعتقد انو مقبول يا ريس :

http://www.sudaneseonline.com/cgi-bi...msg=1316611864

تعيين الوزارة ما زي ابو عشرين كمان!!



-------------

شايف في الفيديو اعلاه بتكلم عن

about 500 miles length!!??

ما عندها اي علاقة بـ (مساحة) 400 - 500 كلم

[طارق صديق كانديك]

المشاركة الأصلية كتبت بواسطة فتحي مسعد حنفي

احتمال سقوط القمر الصناعي فوق السودان غير وارد اطلاقا بإذن الله

الآن يمكنك متابعة سير القمر الصناعي على مداره وهو بعيد جدا من السودان..

في الرابط ده تابع القمر مباشرة على الهواء

http://www.n2yo.com/?s=21701

يبقى الترويج للاشاعة يمكن يقع في السودان كان ليه هدف سياسي يعلمه من روج لها...

شكرا استاذنا فتحي على الرابط للمتابعة

لك تقديري

المشاركة الأصلية كتبت بواسطة قيقراوي

دا خيط اعتقد انو مقبول يا ريس :

http://www.sudaneseonline.com/cgi-bi...msg=1316611864

تعيين الوزارة ما زي ابو عشرين كمان!!

-------------

شايف في الفيديو اعلاه بتكلم عن

about 500 miles length!!??

ما عندها اي علاقة بـ (مساحة) 400 - 500 كلم

صباحك خير ياجميل ..

والله بيني وبينك تعيين الوزارة مافيهو كلام ..

شكرا ياقيقا

[قيقراوي]

نقل الصديق محمد علي ابراهيم :

رويترز :

تحاول وكالة الفضاء الأمريكية "ناسا" تتبع أثر قمرها الصناعي منتهي الصلاحية والبالغ وزنه ستة أطنان والذي سقط على الأرض صباح السبت لكن من دون معرفة مكان سقوط حطامه.
سقط قمر قمر صناعي علمي تابع لإدارة الطيران والفضاء الأمريكية (ناسا) يبلغ وزنه ستة اطنان على الارض في ساعة مبكرة من صباح اليوم السبت ولكن لم يعرف على الفور اين سقط حطامه .

وقالت ناسا ان سقوط القمر كان متوقعا اليوم السبت فيما بين الساعة(0345 و0445 بتوقيت جرينتش). وخلال تلك الفترة مر القمر الصناعي المنتهية صلاحيته فوق كندا وافريقيا بالاضافة الى مساحات واسعة من المحيطات الهادي والاطلسي والهندي.

وتحاول ناسا التأكد من مكان وزمان دخول القمر الصناعي.

حمد الله بسلامتو و سلامة عباد الله المساكين

اتوسد تقيلة تب!!
ان شاء الله ثابت اجرو

[بدر الطائف]

المشاركة الأصلية كتبت بواسطة قيقراوي

نقل الصديق محمد علي ابراهيم :




حمد الله بسلامتو و سلامة عباد الله المساكين

اتوسد تقيلة تب!!
ان شاء الله ثابت اجرو

رويترز :

تحاول وكالة الفضاء الأمريكية "ناسا" تتبع أثر قمرها الصناعي منتهي الصلاحية والبالغ وزنه ستة أطنان والذي سقط على الأرض صباح السبت لكن من دون معرفة مكان سقوط حطامه.
سقط قمر قمر صناعي علمي تابع لإدارة الطيران والفضاء الأمريكية (ناسا) يبلغ وزنه ستة اطنان على الارض في ساعة مبكرة من صباح اليوم السبت ولكن لم يعرف على الفور اين سقط حطامه .

وقالت ناسا ان سقوط القمر كان متوقعا اليوم السبت فيما بين الساعة(0345 و0445 بتوقيت جرينتش). وخلال تلك الفترة مر القمر الصناعي المنتهية صلاحيته فوق كندا وافريقيا بالاضافة الى مساحات واسعة من المحيطات الهادي والاطلسي والهندي.

وتحاول ناسا التأكد من مكان وزمان دخول القمر الصناعي.

من غير المنطقى انه وكالة ناسا تكون ماعارفه الحطام وقع وين على الاقل مفروض يكون حددوا ياتو دولة ولا ياتو محيط.
ده كلام ساى الغرض منه عدم خلق شوشره عاوزين يلموا العدة من سكات.
المهم الحمد لله انه البشر ما اصابهم شر.
كفاية عليهم الفزع.

[أبوبكر عباس]

المشاركة الأصلية كتبت بواسطة بدر الطائف

من غير المنطقى انه وكالة ناسا تكون ماعارفه الحطام وقع وين

يا بدر، أمريكا دي خطيرة، لكن ما خطيرة جدا!

[جيجي]

المشاركة الأصلية كتبت بواسطة قيقراوي

نقل الصديق محمد علي ابراهيم :




حمد الله بسلامتو و سلامة عباد الله المساكين

اتوسد تقيلة تب!!
ان شاء الله ثابت اجرو

﴿يَا مَعْشَرَ الجِنِّ وَالإنسِ إنِ اسْتَطَعْتُمْ أَن تَنفُذُوا مِنْ أَقْطَارِ السَّمَوَاتِ وَالأَرْضِ فَانفُذُوا لا تَنفُذُونَ إلاَّ بِسُلْطَانٍ﴾ [الرحمن: 33]
صدق الله العظيم