إسكيــرت و بلــوزة

[أزهري سيف الدين]

بلوزة


من أعمال الفنان التشكيلي خالد حامد








إسكيرت


وكلما أسألو انت كيف
بس يقولي تمام التمام
وبوم أدور انا احشش كتير
تبقى راكبة يميني المدام
قرقرابنا يطق بالدرب
بالاشارة نرد السلام
نمشي نقعد جنب الجبل
جلسة بين آثارنا القدام
وذكريات الصبا والشباب
وذكريات الريد والغرام
من عيوني سهام العيون
في عيونا تلاقي السهام
والكلام بي لغة العيون
والتخاطب بالعين كلام
وجو رومانسي وهواء همبريب
زاد علينا الهوى والهيام
ونسة هااادي كلاماً دقاااق
الكلام يتموسق انغام
الدلال مدعوم بالغزل
والغزل مدعوم بابتسام
لافي غم الزول بيهو غام
ولافي هم الزول بيهو هام
يومنا داك دحين يوم نصاح؟
من سماحتو يساوي الف عام
واحلالو العاش منسجم
وعمرو كلو يقضي انسجام
كلها الأيام كمها
ومهما عاش الزول يومو تام



العطا علي العطا – من قصيدة (حمار العطا).

.