جلال يا قريبنا مسكاقمي
ياخ بلد كلما تاخد ليك لفه وتجيها تلقى العمله باسم و شكل جديد وبمزيد من الاغراق وليس التعويم للعمله. شوف من 22 سنه الدولار كان بكم ( ما محصل 12 جنيه بالقديم طيعا وقالوها بعضمة لسانهم) وشوف الليله الدولار بيساوي 4000 جنيه بالقديم برضو(معليش انا ما مواكبه ولا عايزه اواكب قرارت الانقاذ الغير ناضجه عشان كده بحسب بجنيهنا داك بتاع زمن نميري الكنا بنطلع مظاهرات لما السكر يزيد قرش).
بصراحه البلد فقدت البوصله وطاشه في بحر الظلمات من 1983 الله يغطس حجر الترابي الذي علمهم الفساد و كب الزوغه ويرحم الشعب السوداني المطحون برحاية هدت حيله وخلته ماشي يكلم روحه ويحسبها اخماس في اسداس عشان يباصرها ويلقى لقمه وهدمه.
الوجع كتير و كبير.
طبعا في ناس مرتاحه لدرجة قف وما فارقه معاها , ربنا يزيد ويبارك ليهم لو كانو غنيانين بالحلال وما بمص دم الغلابه , شئ بالاحتكار وشئ بالاستهبال وما بنقول بس غير الله غالب.
مودتي
|
