راكوبة المجادعات.. النمة والدوباي

[احمد زين]

المشاركة الأصلية كتبت بواسطة فخري الزين

اب بسما متل برق السحابه الشالت
ممشوق قوام وصدرو موجتا هاجت
من العلي عيني فاتحه قالت وباتت
افتش للنفس كان فتحت خشيمه وقالت

المشاركة الأصلية كتبت بواسطة تماضر حمزة

اب رسناً متل برق العوالي الصابت
كاتل حيلي بي نظرة عيون ماخابت
من حالي العليّ أمشي وبراي أتخابت
أكفكف في الدموع ألقى الرويحة انسابت

المشاركة الأصلية كتبت بواسطة زول الله

بـــرق القـبـلـــي لاح مـــن الصعيـــد يتـَابت
طلـق كــرف المـوسَـــم والنفــوس إنصــابت
انـظــر شــوف عمايلها في رويحتـي العابت
ساكـن في "الجريف" تلقاني راكب "طابت"

اقول قولي هذا واستغفر الله لي .................

نسام الصعيد فاح بالروائح الفاحت
جاب كرف ام رشيم هيج رويحتي الراحت
زي مكسورة الجناح الفي الخمائل صاحت
اصبح حالي كل ما اقوم اقع واتاحت