اقتباس:
المشاركة الأصلية كتبت بواسطة ود الخير
انت يا ود الخير طولت من الخرطوم على ما اعتقد
لانوا الخرطوم لم تصل لهذا الانحطاط لاخلاقي ولا في عصر الجاهلية الاولى وبها من الموبقات والعهر ما سيتسبب لكارثه لا يعلم حجمها الا الله.
اما عن البارات فوزير دفاعك حاملها وعارفنو بيوديها لمنو والليالي التي تحكي عنها يديرها الرؤوس الكبيره ممن لم يكتفوا بمثنى وثلاث ورباع , اما عن عهر وتدني اخلاق رجال امن النظام فحدث ولا حرج لانو مكاتبهم ستشهد عليهم يوم الحشر الاعظم وستشهد على امثالك من مطبلي النظام الفاسد الذي ادعى انه انه اتي للانقاذ على خلفية اكبر كذبه في التاريخ الحديث (القصر للبشير والسجن للترابي وما ادراك ما الترابي اكبر فاسد وعلى فكره شفته ليه صوره بالتوب زمااااااااااااااان قبل الفوتوشوب).
ويكفي نظامكم فخرا هذا الكم من الجنس التالت الذي يمشي بين الناس في الشوارع ويغني في حفلاتها ولا خجل ولا وجل وبكل بجاحه.
كفايه ولا ازيدك و للعلم انا لوني السياسي هو ماء النيل يعني لا لون سياسي ولا يحزنون لعدم قناعتي بكل الاحزاب على الاطلاق و رفضي لكل محاولات الاستقطاب بدا من الكيزان ولغاية جبهة كفاح الطلبه (اثناء المرحله الجامعيه) يعني ما تفكر مجرد تفكير انك تنسبني لاي حزب او طائفه لاني مجرد واحده من الناس بتحب تراب البلد دي و تاريخها وتراثها وباتمنى اشوفها في مصافي الدول بانجازتها الحقيقيه وليس بجعجعه بلا طحين.
اللهم اني بلغت اللهم فاشهد
|
يا عزيزتى سناء ما هكذا يُحبُّ الوطن
وإذا فعلاّ بتحبى النيل بتاعنا دا فلزاماً
عليك أن تعملي على ستر ما أنكشف
لا أن تُعري ما سُتر فعرض الوطن دا
عرضك..
وأما إذا كان حبك وولاءك لنيل آخر
فبالله عليك هوناً على هذا البلد..[/QUOTE]
يا ود الخير ممكن توريني الطريقه البيحبوا بيها الوطن بس جلي لي دفن الرؤوس في الرمال مع التنبيه اني باكتب كلامي ده في بورد سوداني يعني لا كتبته في منتدى استرالي ولا اسرائلي .
ولو نحنا ما اعترفنا بالمرض المستفحل وضغطنا على الجرح كاول اجراء للعلاج فعلى الوطن السلام.
انتوا تقولوا كلام ولما يبلعوكم ليه تطلعونا طابور خامس وناس ما بتحب البلد ومن متين الوطن بقى اسمه الانقاذ .
غايتو حيرتونا زاتو في فهمنا , يا زول اقتنع بمن شيئت وطبل لمن تريد لكن ما تصادر رائ المبني على قناعاتي الشخصيه كواحده من الناس البيمشوا في الاسواق وبيزوروا مرضى في المستشفيات وبيعزوا في البكيات وبيشاركوا في الافراح و على الاقل انا رائي ده جبته من راسي وما مافي زول ولا جهه ملتني ليه.
انا الحكومه دي كلها من ساسها لي راسها ومن 30 يونيو89 لتاريخه ما عاجباني وما حتعجبني وشايفاهم فاسدين ومفسدين والعاجبوا كلامي يعجبوا والما عاجبوا بطريقته وهو حر في قناعاته.
فول استوب
