اقتباس:
يا حافظ لا تحاكم نوايا الناس
أنا لم أقل ذلك، ولاينبغي لي أن أقوله، فمن أين أتيت به؟
قلت في مداخلتي لابد من تغيير سياسي وإصلاح إقتصادي جزري لمكافحة العنصرية
فهل هذا يعني عندك(نعمل نايمين)(!!!)
|
يا مبر هنا ما في أي محاكمة لنوايا الناس, نوايا مين و محاكمة شنو.... هنا تساؤلي دا انا بفتكره وليد شرعي جداً لمقدمتك عن العنصرية عالمياً... يعني إنسان أتخيل لي ب I.Q 30 ممكن يسوقه تفكيره للتساؤل دا ... و الا تكون داير تكتب كلام زيادة ساي, يعني في ابجديات اي بحث الزول بكتب مقدمته عن المشكلة عالمياً بعدين ممكن يجيها إقليمياً و بربط ذكي جدا بربط دا كله بمشكلته موضوع البحث .... يعني يا حبيب مقدمتك دي قادتني لتساول زي كدا .... كونك ما قاصد كدا أصلا دا ما بعني قراية نوايا أو غيره.
دا مش كلامك؟
اقتباس:
|
في رائي البسيط المتواضع إننا لكي نكافح العنصرية ولكي نضيق عليها يلزمنا أولاً إحداث تغيير سياسي نفعّل عبره المؤسسات القانونية والدستورية، ويلزمنا ثانياً إصلاحاً ناجزاً لحركة الإقتصاد الوطني بما يضمن ضبط الهجرات الداخلية والنزوح الداخلي الغير قانونيين، دون الإيفاء بهذين الإلتزامين لا تحلموا بسودانٍ سعيد، ودونكم في ذلك تجارب الدول التي عانت وما زالت تعاني من هذا المرض الوجودي اللعين.
|
و دا كلامك التاني
اقتباس:
وسوء فهم أخر هنا
الهجرة الداخلية هي الهجرة الداخلية والنزوح هو النزوح يا حافظ، والمعنى واضح يا قول عبد الله الطيب.
ثم هل قلت أنا إن هنالك قوانين لتنظيم الهجرة؟
أنا قلت إصلاح إقتصادي يقلل النزوح ويضبط الهجرة،
وأضيف سن قوانيين تعالج مسألة السكن العشوائي وتضمن للمواطنيين حقهم في قرى ومدن مخططة وتتوفر فيها الخدمات ويكون لكل مواطن (ساكن) شهادة بحث بحوزتة.
|
نحن هنا يا مبر ما في مباراة لغة عشان تجيب لي عبدالله الطيب و فراج الطيب ... و بعدين يا حبيب أنا بقدر افرق كويس بين الهجرة الداخلية و النزوح .... لكن بعضمة كيبوردك قلت ضبط الهجرة الداخلية و النزوح الغير قانونيين؟
سألتك سؤال و تاني بكرره متي يكون النزوح و الهجرة قانونيين؟
و بعدين وقت تطلق علي شئ أنه غير قانوني معناها في قانون مفروض ينظمه, و لو فرضنا ما في قانون بالتأكيد عندك مشروع قانون لضبط الغير قانوني و يا ريت لو كتبت مسودته الأولية عشان نحاورك فيه
