خطل المراهنة على فاعلية القمع، أطفال يهتفوا بسقوط النظام هسي دي

[أسعد]

المشاركة الأصلية كتبت بواسطة الطيب بشير

أسعد؟
لاحظت إنك بتغيـّـر (المنهج)؟
يعني أنا رددت على "التقليد" في حاكو حاكو
قمت إنت قفزت فوق المراحل و قمت بتقييم ثورة أكتوبر!!
باقي لي ديل موضوعين مختلفين Don't you think?
.

طيب يا سعادتك معليش اني نططت ليك كتير
لكن خلينا نرجع لموضوعنا الاساسي أو بالاصح تساؤلي الاساسي
واجيب ليك سؤال ممكن يجمع ليك استنكارك لي على ترديد الحاكو حاكو والقفز الى مرحلة تقييم ثورة اكتوبر
طيب السؤال هو (هدفنا شنو نحن بالضبط اسقاط نظام أم اقامة دولة ديموقراطية؟)
لانو اظن في فرق كبير بين الاتنين اسقاط النظام وانشاء دولة ديموقراطية
ثورة اكتوبر والثورة القامت حاكو حاكو هي ثورات قامت فقط لاسقاط النظام
وانتهت صلاحيتها مع تحقيق الهدف
وكما تعلم ان اسقاط النظام هو وسيلة لتحقيق غاية الدولة الحرة وديموقراطية
لكن عشان تتحقق الغاية دي فلابد أن يكون من ورائها عمل توعوي عظيم عشان يكون زاد لمسيرة الثورة من اجل تحقيق اقامة دولة ديموقراطية
ودا الشيء الخلاني اتداخل معاك واقول ليك الشفع ديل عملوا حركتهم دي حاكو حاكو
وخلاني برضو اعقب انو ثورة اكتوبر كانت ماسورة لان ايدي خارجية كانت تقف ورائها مما جعل هدفها فقط اسقاط النظام

المهم بيت القصيد هنا انو الشفع ديل تلقاهم لمن كانو برددو "الشعب يريد اسقاط النظام" كانوا برددوها ببهجة ممزوجة بالضحك لانهم كانوا فقط بقلدوا الشافهو في التلفزيون

فكونوا شفع يقلدوا في حاجة مفروض يبادروا بيها موش حاجة تدعوا للرثاء؟!
نحن الظاهر موضوعنا حمامو طويل

[الطيب بشير]

المشاركة الأصلية كتبت بواسطة ماريل

كل ما عجزنا عنه نحن بكامل (بلوغنا)
فعلوه هم بكامل (برائتهم)..........
اما ان لهذه الحناجر ان تنطلق......
ان تصرخ بالهتاف.......
ان تهزم الخوف والجبن.......

ياااا لإســمــك..و فيه رائحة البارود..و البمبان و طعم الدموع المالح..الصالح..
ماريل..مارس ماسك كتف ابريل
أعظم شعب و أعظم جيل
أحييك..أشكرك و ألف أهلآ بك في المنتدى
معك أحيي الصغار
نعم..كانوا رائعين..
و قفزوا فوق حواجز الخوف
و هتفوا بكل عنف البراءة
هذا جيل الديجيتال..
و هو أصدق إنباء من جيل الكتب

لك تقديري
.

[الطيب بشير]

المشاركة الأصلية كتبت بواسطة وجدي الأسعد الأسعد

كونوا شفع يقلدوا في حاجة مفروض يبادروا بيها موش حاجة تدعوا للرثاء؟!

مفروض يبادروا؟
أطفال التشيبس و الشوكولاتة أصبح (مفروضآ) عليهم المبادرة بالثورة يا أسعد؟
بل هم تطوعوا ..و مثار دهشتي، لا رثائي، هو إجتراحهم لفعل عظيم المهابة باهر الأداء كالثورة..
هم أطفال..تعال معي لنصفـّـق لهم و نقول لهم Good job
.

[ود الخير]

[QUOTE=الطيب بشير;424661][SIZE="5"][COLOR="Teal"].
دعمآ لجيش البلاد بمناسبة تعدّيه، كالعادة





من الشعب الف تحيه لرجال الشرطه السودانيه
لكن يا جنابو جيشنا دا مابنتحمل فيه ولا مثقال
ذره من شك وذلك لأن الجيش هو أملنا لما
الكوع يحمى واللسان يبقى أبيض!

[فيصل سعد]

التحية لهم ...
و القومة ليهم ...
و عفارم عليهم ...

[أسعد]

المشاركة الأصلية كتبت بواسطة الطيب بشير

مفروض يبادروا؟
أطفال التشيبس و الشوكولاتة أصبح (مفروضآ) عليهم المبادرة بالثورة يا أسعد؟
بل هم تطوعوا ..و مثار دهشتي، لا رثائي، هو إجتراحهم لفعل عظيم المهابة باهر الأداء كالثورة..
هم أطفال..تعال معي لنصفـّـق لهم و نقول لهم Good job
.

وهو كذلك
قود جوب

[عبدالمنعم الطيب حسن]

المشاركة الأصلية كتبت بواسطة وجدي الأسعد الأسعد

انو الربيع العربي دا وراهو مكيفات QATAR AIR
وناس البشير علاقتهم مع القطرين حلاوة طحنية بس

يعني يا وجدي هسع الانتفاضه والتغيير دا في السودان منتظر قطر ولان قطر علاقتها حلوه مع الحكومه مافي ثوره ولا تغيير !
دعني اختلف معك يا صديقي فالسودان اولا خارج حسابات الربيع العربي مع فرحتنا به
لدك الظلم ، ولكن نحن سنفجر ربيعا افريقيا سودانيا خالصا ... ولنا السبق وعندنا الخبره
والتراكم والماسي ...
الشعب سيغير النظام لمن قطر ذاتا تامن ...
ومعها هؤلاء القتله الفجره ....

الطيب بشير سلامات ياخ وعاش اطفال السودان ....
واجمل الاطفال قادمون ساعه فساعه
لان بذرة الحياة ليست الرصاص
ويوم بكرة جميل

[لحن الحياة]

تحية مسائية للكل هنا

ياخي قريت البوست ومداخلاتو كلها مرة واحدة

في زول قال الشفع قالوها حاكو حاكو ، طيب مالو؟ (الطفل عنوان البيت) مش دي مقولة سودانية؟ ده لو قصدو بي حاكو حاكو انو سامعينها بس عند الكبار.

وفي زول قال بيرددو الشايفنو في التلفزيون ، بالله التلفزيون جابو فيهو الاغنية دي؟
انا غايتو سمعت اغنية سير سير يا بشير ، وكل شئ لله ، والرد الرد السد السد
ياربي ما عجبتهم ولا شنو ؟ مع انها ملححححححححححنة

وشهادة الطفل في المحاكم معمول بيها ، ولا ما ياهو؟.

وفي زول جاب سيرة الرثاء ، والله انا راثية لي حالهم ، اتولدو وعايشين طفولتهم في عهد الظلم الشب حواجز وشب موانع ، ومطلعينهم نص النهار في شمس الشتا دي ، كر علي يا اخواني

تحية لكل أطفال بلادي واعفو لينا ، ما ساكتين بي ارادتنا لكن مقموعين ومقهورين. والله غالب.

سعادتك ، تحية ليك ، غايتو اتخيلت اختلاجات كتيرة اعتملت في الصدر مع مشاهدة الموقف ده .

[أميرى]

المشاركة الأصلية كتبت بواسطة وجدي الأسعد الأسعد

وهو كذلك
قود جوب

كل الدنيا هداياها لأطفالها الوان و حلوي و دفء
و نهديهم نحن إلي المدافع و الشوارع ...ثم ننتشي فرحين تصدق؟

نوت قود جوب يا جنابو
نوت قود جوب

[Sana Mursi]

[QUOTE=ود الخير;424696]

المشاركة الأصلية كتبت بواسطة الطيب بشير

[SIZE="5"][COLOR="Teal"].
دعمآ لجيش البلاد بمناسبة تعدّيه، كالعادة





من الشعب الف تحيه لرجال الشرطه السودانيه
لكن يا جنابو جيشنا دا مابنتحمل فيه ولا مثقال
ذره من شك وذلك لأن الجيش هو أملنا لما
الكوع يحمى واللسان يبقى أبيض!

يا حليل الجيش الكان بيحمي الوطن من العداء
الجيش اتمزق واتهربد واتكسر بعد يونيو 89 والجماعه ختوهم في ثكناتهم وبقوا لابيهشوا ولا بينشو الا ضد الشعب الاعزل, لكن ضد الاعداء الحقيقين فهم مجرد نعامه تدفن راسه في الطين بدل الرمله.
الجيش كان وين لما مصر احتلت حلايب وشلاتين؟
الجيش كان وين لما قوش اتامر مع اسرائيل وجوا بطياراتهم وهبطوا في بورتسودن واغتالوا رجل حماس( وده كلام شهود عيان عني ما من تاليفي ولو فتشت في السايبر ده بتلقى المعلومه دي)
الجيش مهمته انحصرت ضرب العزل في جبال النوبه والنيل الازرق وقبلها في دارفور وكجبار.
و الجيش الجاهو خليل لغاية ضهر السلاح الطبي وشويه كانو حيصلوا القياده العامه والقصر الجمهوري وكان ابله ظاظه شمتت شماتة العدو كااااااااااااااااااااااك



------------------------------
المهم بلا والاهم
الف تحيه للاطفال الابرياء و صوتهم يعلى حين خفت صوت الكبار
لانهم اطفال المعناة , فمنهم من يزهب بلا وجبة فطور ومنهم من لم يشرب كوب حليب في حياته وكل ما يعرفونه عن الحليب ملعقة لبن في كوب شاي ولو لقوا معاه حتة عيشه كتير خير الله.

[أسعد]

منعم يا صاحب عمت مساءا ياخ

المشاركة الأصلية كتبت بواسطة عبدالمنعم الطيب حسن

دعني اختلف معك يا صديقي فالسودان اولا خارج حسابات الربيع العربي مع فرحتنا به

كيف ياخ السودان خارج حسابات الربيع العربي؟!
السودان دا حاليا يعتبر (الدكت) الوحيد لتوزيع هواء مكيفات قطر اير لتبريد المنطقة العربية وجعلها تستمتع بالربيع العربي
وما قصة توزيع اللحوم في مصر عنا ببعيد
ولا قصة السلاح السوداني لتحرير طرابلس عنا ببعيدة
السودان حاليا شغال معرص لمكيفات قطر حتى يسود الربيع من الخليج الى المحيط

[أسعد]

أحييييييييييييييييييييييييي أنا ^_^
غايتو البعجبني فيك انك ما عندك ذمة ولا ضمير
بتقول العاوز تقولو وفجعتن كدة تمسحو ^_^

[جيجي]

المشاركة الأصلية كتبت بواسطة وجدي الأسعد الأسعد

أحييييييييييييييييييييييييي أنا ^_^
غايتو البعجبني فيك انك ما عندك ذمة ولا ضمير
بتقول العاوز تقولو وفجعتن كدة تمسحو ^_^

هههههه
خجلت والله العظيم

[أسعد]

المشاركة الأصلية كتبت بواسطة جيجي

هههههه
خجلت والله العظيم

خجلك جميل زي مسحتك ^_^

[ناصر يوسف]

المشاركة الأصلية كتبت بواسطة وجدي الأسعد الأسعد

خجلك جميل زي مسحتك ^_^

يا أخوانا زول يديني طوووووووووبة
طوبة يا ناس طوبة

وجدي الأسعد الأسعد ،، كيفنِك
وبـــــــــــــــس
أسمع ياخي ما تمرق من الحِتَّة الإنتَ قاعِد فيها دي ياخ
تعال علينا هني ده في السودان الشغيييييييييييييييييييق ده إنشاء الله