اقتباس:
المشاركة الأصلية كتبت بواسطة ماريل
حمد الله بى سلامة العودة اخى عبد المجيد
لكن توقيعك ده صعب بالحيل ياخى
والله ما عندنا حيل للكلام ده
الله يكضب الشينة ياخى
كل السودان مهمش
اها كلنا نقرر مصيرنا ولا شنو؟؟؟
طيب الاسهل انو نقرر نثور ضد
القرف ده
تحياتى ليك اينما كنت
وتحيات لكل المهمشين
(يعنى كل السودانين)
|
و الله يا ماريل بتفق معاك توقيع بلدياتنا دا صعب شديد, و ما أصعب منه الا جنس تعميمك دا... قلت لي لي كل السودان مهمش؟ و شايفك ما وقفتي هنا بس لكن طوالي اديتي التحية لكل السودانيين بإعتبار أنهم مهمشين ... يا خي أحب التهميش (قصدي) التعميم ذاتو.... هسي عليك الله يا ماريل ما لقيتي ليك ولا 5% من الشعب المهمش دا قام بتهميش الأخرين... إنشاء الله الجبهة الإسلامية مكب نفايات اخطاء الاخرين دي ساي ما لقيتها.... غايتو بمنطقك دا التهميش دا معناها جاي من قوة خارجية:
إما يكون تهميش رباني و في الحالة دي ما علينا الا القبول بالقضاء و القدر و نصلي صلاة رفع التهميش عن كاهل الجماهير الا أن يقضي الله تهميشاً كان مفعولاً... أو كان التهميش دا جاينا من دول الإستكبار و دا شعراً ما عندنا ليه رقبة بس الا ندق الصخر و طوبة طوبة لحد ما نعمل لينا سلاح نووي و علي أمريكا لم جدادها و كلابها....
و الله يا ماريل قدر ما فتشت علي وصف لتعميمك دا ما لقيت غير أنه تعميم مضلل و يذر الرماد في العيون بإمتياز ... يا خي كل الشعب السوداني مهمش كيف يعني؟
و الهمشه منو؟
بقول ليك أنا ... التهميش البتتكلمي عنه هنا يا ماريل و هو ما لكل الشعب السوداني, التهميش دا سببه قانون إجتماعي صيغ بعناية و مكر عاليين منذ بدء تكوين الدولة السودانية الحديثة, و بموجب هذا القانون في شريحة إجتماعية محددة هي البتتبادل و تسمسر في السلطة و الثروة و علي البقية الفرجة....
مجيد مرحب بالعودة و ماريل مرحب بيك في سودانيات
