اقتباس:
المشاركة الأصلية كتبت بواسطة سجيمان
الشماشي عندو مرا واااااااااحدة
|
إتّا زعلت ولا شنو يا دكتور..؟
المشكلة يبدو لي إنّو البوست نزل في التوقيت الميّت..
عشان كدة يمكن الناس ما لاحظت ليهو..
المهم:
الشمّاسة جزء أصيل من المجتمع، وبالضرورة حيكونو ملمّين بكل تفاصيل المجتمع، من عادات وتقاليد ومعتقدات وخلافه. الاختلاف فقط يبدو لي في كيفية تعاطيهم مع المسلمّات المجتمعية وعاداتها وتقاليدها، وتكوينهم لدائرتهم الصغيرة -عبر رؤاهم الخاصة- ليست مستوردة من مكان آخر، بل هي محض تحوير لذات المسلمّات أعلاه..
أمّا:
حكاية زواج تلاتة (علي وزن طلاق تلاتة)، دي أعتقد السلسيون ساهم فيها بشكل كبير..
غايتو لو أخدنا التشمُّس بفهم (هومليس فينومينا)، حنلقي غالبية الشعب السوداني داخل الدائرة الظاهراتية دي، الفرق فقط فرق مقدار.
عموماً:
يا سيدي حمد الله علي سلامة العودة، والخروج من تحت رماد الأيّام.
