أأأأأخ يا الصافى جعفر

[أبو دعد]

المشاركة الأصلية كتبت بواسطة أميرى

وحات الله قبل الإنقاذ كان بسوق عجلة وارثها من والدته

قلت لي ركيزة علمية؟

اميرى هذا الرجل كان المهندس الأول فى بنك التضامن الذى تأسس عام 1982 كيف كان بسوق عجلا
تقصد لمن كان طالب؟

[أميرى]

المشاركة الأصلية كتبت بواسطة أبو دعد

اميرى هذا الرجل كان المهندس الأول فى بنك التضامن الذى تأسس عام 1982 كيف كان بسوق عجلا
تقصد لمن كان طالب؟

مهندس و بنك؟
كان مسئول عن قسم السباكة مثلا؟ (بإعتبارو نال دبلوم في هندسة المياه من معهد الكليات التكنلوجية)

خلاص يا سيدي كان مسئول السباكة و بوصلوهو بي ترحيل و بسوق عجلتو في الأمسيات والعطل الرسمية

[أبوبكر عباس]

- الصافي جعفر الخطير بيحكي التاريخ الإسلامي بطريقة الأفلام الهندية الفيها البطل الواحد بتفوق على كل الشر وينشر الخير والإبتسامة على وجوه المساكين الغلابة العايدين مع الظلام من المصانع والحقول.
- عليكم الله الصافي دا خلوهو يبني لينا العالم المثالي الجميل.
- دخلوا على أبي دجانة وهو في الأسر ووجدوا عنده فواكه الشام في غير موسمها! قالوا له: من أين لك هذا؟
قال: إنه من عند ربي، يرزق من يشاء بغير حساب
وحسين خوجلي مقدم البرنامج، يهز راسو وتظهر نوناتو من الإبتسام ويرد مع الصافي: شوف السمو دا، ديل ناس تجاوزوا الزمن والمكان!!!!
الصافي أخوي نسمع لينا مدحة؟ عليك الله يا خالد سمعنا: السراي السراي

[أميرى]

المشاركة الأصلية كتبت بواسطة بابكر عباس

- الصافي جعفر الخطير بيحكي التاريخ الإسلامي بطريقة الأفلام الهندية الفيها البطل الواحد بتفوق على كل الشر وينشر الخير والإبتسامة على وجوه المساكين الغلابة العايدين مع الظلام من المصانع والحقول.
- عليكم الله الصافي دا خلوهو يبني لينا العالم المثالي الجميل.
- دخلوا على أبي دجانة وهو في الأسر ووجدوا عنده فواكه الشام في غير موسمها! قالوا له: من أين لك هذا؟
قال: إنه من عند ربي، يرزق من يشاء بغير حساب
وحسين خوجلي مقدم البرنامج، يهز راسو وتظهر نوناتو من الإبتسام ويرد مع الصافي: شوف السمو دا، ديل ناس تجاوزوا الزمن والمكان!!!!
الصافي أخوي نسمع لينا مدحة؟ عليك الله يا خالد سمعنا: السراي السراي

والله يا بكور أنا في (صباي) الباكر كنت معجب بطريقة سرده للسيرة و حكايات الصحابة و كنت أحسبه من (الصالحين)

ثم فجأة كبرتا

[عصام بابكر]

المشاركة الأصلية كتبت بواسطة بابكر عباس

- الصافي جعفر الخطير بيحكي التاريخ الإسلامي بطريقة الأفلام الهندية الفيها البطل الواحد بتفوق على كل الشر وينشر الخير والإبتسامة على وجوه المساكين الغلابة العايدين مع الظلام من المصانع والحقول.
- عليكم الله الصافي دا خلوهو يبني لينا العالم المثالي الجميل.
- دخلوا على أبي دجانة وهو في الأسر ووجدوا عنده فواكه الشام في غير موسمها! قالوا له: من أين لك هذا؟
قال: إنه من عند ربي، يرزق من يشاء بغير حساب
وحسين خوجلي مقدم البرنامج، يهز راسو وتظهر نوناتو من الإبتسام ويرد مع الصافي: شوف السمو دا، ديل ناس تجاوزوا الزمن والمكان!!!!
الصافي أخوي نسمع لينا مدحة؟ عليك الله يا خالد سمعنا: السراي السراي

بابكر ياصديقى مابنى وانتهى
بنى ليكم سندس (خازق لابنبلع لا بفوت)
وورث الشغله لبنتو المهندسه الخريجة الحديثة
عملت ليها شركة وانهالت عليها العطاءات الحكومية
واتفرغ لرواية السيرة والذكر والذاكرين

انت يابابكر باقى لى موية الحوض دى دفعها مقدم ولا مطر ساكت ملتو

[أبوبكر عباس]

المشاركة الأصلية كتبت بواسطة عصام بابكر

بابكر ياصديقى مابنى وانتهى
بنى ليكم سندس (خازق لابنبلع لا بفوت)
وورث الشغله لبنتو المهندسه الخريجة الحديثة
عملت ليها شركة وانهالت عليها العطاءات الحكومية
واتفرغ لرواية السيرة والذكر والذاكرين

انت يابابكر باقى لى موية الحوض دى دفعها مقدم ولا مطر ساكت ملتو

يما يخص سندس يا عصام، تقع على الصافي جعفر مسئولية ضياع أموال المشترين المغتربين القانونية.
لست متأكد من ان الرجل سرق أموال الناس، لكن المتأكد منو انو الرجل عاطفي لا يصلح -زيو وزي معظم الإسلاميين- لإدارة مشروع تجاري.
مشروع سندس لم تقم له دراسة جدوي حقيقية بدليل انو الارض المختارة تحتاج لمعالجات كثيرة قبل الزراعة (saline soil).

[عصام بابكر]

المشاركة الأصلية كتبت بواسطة بابكر عباس

يما يخص سندس يا عصام، تقع على الصافي جعفر مسئولية ضياع أموال المشترين المغتربين القانونية.
لست متأكد من ان الرجل سرق أموال الناس، لكن المتأكد منو انو الرجل عاطفي لا يصلح -زيو وزي معظم الإسلاميين- لإدارة مشروع تجاري.
مشروع سندس لم تقم له دراسة جدوي حقيقية بدليل انو الارض المختارة تحتاج لمعالجات كثيرة قبل الزراعة (saline soil).

مسؤلية ؟؟؟ جيت تبرأ الرجل ادنتو ثلاثة مرات
مره بالتنطع وادعاء لفعل شئ هو ماقدور والسفه فى التبزير والتفريط وخيانة الامانه
حيرتنى عديل كدا منو ديل الاسلاميين العاطفيين المابعرفو يديرو مشروع تجارى
مثلا زى المتعافى ولا زى على كرتى ولا زى الخضر ولا زى مامون حميده وغيرهم كتير
الغريبه هم انفسهم بقولوا نحنا شطار فى التجارة وزمان بقولو لو مسكناها
بنخلى الاستثمارات بالهبل انت جاى اليوم تقول لينا مابعرفو
شوية ح تقول ديل زاهدين فى الدنيا بس خجلت ساى
الحصل فى مشروع سندس ان المويه رجعت ورا بدل تمشى قدام
لرى الارض والرجل مهندس مياه

[أبوبكر عباس]

المشاركة الأصلية كتبت بواسطة عصام بابكر

مسؤلية ؟؟؟ جيت تبرأ الرجل ادنتو ثلاثة مرات
مره بالتنطع وادعاء لفعل شئ هو ماقدور والسفه فى التبزير والتفريط وخيانة الامانه
حيرتنى عديل كدا منو ديل الاسلاميين العاطفيين المابعرفو يديرو مشروع تجارى
مثلا زى المتعافى ولا زى على كرتى ولا زى الخضر ولا زى مامون حميده وغيرهم كتير
الغريبه هم انفسهم بقولوا نحنا شطار فى التجارة وزمان بقولو لو مسكناها
بنخلى الاستثمارات بالهبل انت جاى اليوم تقول لينا مابعرفو
شوية ح تقول ديل زاهدين فى الدنيا بس خجلت ساى
الحصل فى مشروع سندس ان المويه رجعت ورا بدل تمشى قدام
لرى الارض والرجل مهندس مياه

معاك في كلامك دا
فقط لست متأكد من سرقتو للأموال بشكل شخصي
مسئول مسئول ما فيها كلام.

[طارق صديق كانديك]

المشاركة الأصلية كتبت بواسطة عصام بابكر

الحصل فى مشروع سندس ان المويه رجعت ورا بدل تمشى قدام
لرى الارض والرجل مهندس مياه

ياعصام أخوي الرجع وراء في البلد بعد الانقاذ شوية .. ؟

كلو راجع وراء

--

عن نفسي أتحفظ على نشر هذه الصورة ورغم تناول جهات أخرى لها غير أنني أعتقد بأننا حين نأتي لنحاكم هؤلاء علينا أن نأتي وأيادينا بيضاء .. ذاك وحده يخلق الفارق بيننا وبينهم .. !!

تحياتي لك ولضيوفك

[قيس شحاتة]

المشاركة الأصلية كتبت بواسطة طارق صديق كانديك

ياعصام أخوي الرجع وراء في البلد بعد الانقاذ شوية .. ؟

كلو راجع وراء

--

عن نفسي أتحفظ على نشر هذه الصورة ورغم تناول جهات أخرى لها غير أنني أعتقد بأننا حين نأتي لنحاكم هؤلاء علينا أن نأتي وأيادينا بيضاء .. ذاك وحده يخلق الفارق بيننا وبينهم .. !!

تحياتي لك ولضيوفك

الله عليك يا ريّس.. لخّصت الكلام المفيد

[عبدالمنعم الطيب حسن]

مشكلتنا نحن السودانيين ديل مثاليين حتى مع المجرم
قال دي صوره خاصه وانتهاك ومثاليات
يا سلام !!!!...
الصافي دا شخصيه عامه وكان مسؤولا
عن مشروع فاشل اضاع مدخرات الاف المغتربين المساكين ...
المدقوقين بين سندان الاغتراب ومطرق الفساد ...
لو نشرنا صوره لمواطن سوداني عادي في حوض سباحته
نكون انتهكنا خصوصيته
ولكن هذا الصافي مثال حي للفساد والافساد
ونموذج اصيل لمئات الكيزان الذين حولوا حياتنا جحيما ....
قال انتهاك قال ...
ديل انتهكوا بلد وشعب وامه
الناس مويه للشراب ما لاقينها
ودا متمدد في حوض سباحه
ليكم يوم يا قتله يا مجرمين


عصام ازيك يا امير وشوق ومحبه

[نصار الحاج]

أتصور أن الموضوع ليس فيه إنتهاك للخصوصية
والرسالة المقصودة من الصورة هو المكان وليس الوضع الذي يجلس عليه الصافي ..
والمكان يمثل نموذج أو نوع من املاك اتباع الإنقاذ الذين أغدق عليهم النظام الحاكم من اموال الشعب السوداني بلا أدنى ضوابط .. فالوظائف التي حصل ويحصل عليها الصافي جعفر وامثاله في عهد الإنقاذ كلها بسبب انه جزء من المنظومة الحاكمة وليس بسبب قدراته وكفاءاته ... وما يدفع لهم من أموال تحسين وضع وحوافز وهدايا يكفي لبناء عدد من القصور والعمارات وهذا هو الذي يحدث الىن في السودان .. وعامة الشعب الذي حتى ماسح الاحذية يؤخذ منه رسوم للمحليات غالبية الشعب يعاني في كل تفاصيل حياته من التعليم والعلاج والاكل والشراب والسكن والتنقل والسفر .. وهم باموال الشعب والدولة يعيشون الرفاهية بأقصى حدودها وإبتذالها وإستفزازها للآخرين ..
الصافي وكل أركان ورموز الانقاذ لا يستحقون الدفاع عنهم ولا الشفقة عليهم أبداً ..

[سر الختم إبراهيم نقد]

المشاركة الأصلية كتبت بواسطة أميرى

مهندس و بنك؟
كان مسئول عن قسم السباكة مثلا؟ (بإعتبارو نال دبلوم في هندسة المياه من معهد الكليات التكنلوجية)

خلاص يا سيدي كان مسئول السباكة و بوصلوهو بي ترحيل و بسوق عجلتو في الأمسيات والعطل الرسمية

هو خريج معهد الخرطوم الفني، وهذا اسمه الأصلي قبل أن يحوله نميري إلى معهد الكليات التكنولوجية ، ثم إلى جامعة السودان حالياً، والصافي جعفر متخصص في الري والصرف، وهو أحد فروع الهندسة المدنية المهملة في السودان عشان كدة نحن متأخرين.
مالا السباكة؟ عيب ولا شنو؟.
تحياتي رغم أن هذا البوست غير موفق.

[الرشيد اسماعيل محمود]

المشاركة الأصلية كتبت بواسطة عبدالمنعم الطيب حسن

الصافي دا شخصيه عامه وكان مسؤولا
عن مشروع فاشل اضاع مدخرات الاف المغتربين المساكين ...
المدقوقين بين سندان الاغتراب ومطرق الفساد ...
لو نشرنا صوره لمواطن سوداني عادي في حوض سباحته
نكون انتهكنا خصوصيته
ولكن هذا الصافي مثال حي للفساد والافساد
ونموذج اصيل لمئات الكيزان الذين حولوا حياتنا جحيما ....

المشاركة الأصلية كتبت بواسطة نصار الحاج

أتصور أن الموضوع ليس فيه إنتهاك للخصوصية
والرسالة المقصودة من الصورة هو المكان وليس الوضع الذي يجلس عليه الصافي ..
والمكان يمثل نموذج أو نوع من املاك اتباع الإنقاذ الذين أغدق عليهم النظام الحاكم من اموال الشعب السوداني بلا أدنى ضوابط .. فالوظائف التي حصل ويحصل عليها الصافي جعفر وامثاله في عهد الإنقاذ كلها بسبب انه جزء من المنظومة الحاكمة وليس بسبب قدراته وكفاءاته ... وما يدفع لهم من أموال تحسين وضع وحوافز وهدايا يكفي لبناء عدد من القصور والعمارات وهذا هو الذي يحدث الىن في السودان .. وعامة الشعب الذي حتى ماسح الاحذية يؤخذ منه رسوم للمحليات غالبية الشعب يعاني في كل تفاصيل حياته من التعليم والعلاج والاكل والشراب والسكن والتنقل والسفر .. وهم باموال الشعب والدولة يعيشون الرفاهية بأقصى حدودها وإبتذالها وإستفزازها للآخرين ..

[الرشيد اسماعيل محمود]

ثمّ:
أتفق مع منعم ونصّار وعصام في ما ذهبوا إليه..
الموضوع هنا يتعلق بالمال العام، وفساد الكيزان، لا علاقة للبوست حسبما أري بشورت الكاشف الصافي، ولا يحزنون. الموضوع واضح ومتركّز في المكان القاعد فيهو دة مقارنة بأقواله القادِّينا بيها التقول هو أكثر الخلق زهداً و ورعاً وخشية..
شخصية عامة ومن حق أيّ زول يتناول العام منها، ونحن هنا البعنينا النعيم الفيهو دة..
مافي زول إتناول أحوالو الشخصية من نوع (متزوّج فلانة أو طهّر حفيدو أو .. أو..إلخ)..
موضوع الفساد موضوع عام، والكاشف دة رجل عام، وبعدين ليس من سمع كمن رأي.. الصورة أكثر مقدرة علي التعبير عن الفساد.
الكيزان لم يتركو لاحد خصوصية إلا وانتهكوها..
وين الخصوصية لمّا يكون ليهم حق يدخلو بيتك في أيّ وقت(أكرِّر أيّ وقت) ويفتشو علي كيفهم ويمرقو من غير ما يورّوك هم دخلو ليه (ودي حصلت لي شخصياً)..
وين خصوصية المواطن العادي والكيزان بدخلو بيتو ويفتشو حتي في ملابس النساء..!!
وين خصوصية المواطن لمّا هم يتلّبو ليهو في بيتو أنصاص الليالي ويسوقوهو بفنيلة داخلية وسروال.؟..
ياتو دين البقول إنّو ما نعامل بالمثل..؟ ياتو أخلاق دي البتقول لازم أكون أخلاقي لدرجة تخليني زول ما عندي قيمة ولا موضوع..
وين الخصوصية لمّا يكون من حق أيّ كوز إنّو يعاين للبت في الشارع ويقرر بصورة مزاجية إنها لابسة كويس ولا لأ..؟
مع العلم بإنّو "قانون اللا نظام العام" دة ترك تحديد لياقة اللبس من عدمو للأفراد كلٌّ حسب مزاجو وشوفو..
أها وين خصوصية المواطن هنا..؟
بالنسبة لي شخصيّاً، المثالية والاخلاق دة ما محلها، لا مكان سوي للقاعدة العدلية "العين بالعين والسن بالسن والباديء أظلم".. مافي قيمة مطلقة في الحياة دي.
وبعدين الصورة دي محورها الفساد المستشري، ولا دخل لها بالشورت ولا مدّيدة الرجلين.. وهلّا جلس الصافي جعفر في بيته لينظر هل يتأتي له كل هذا..؟
ياخي والله منظومة المثل والمباديء والمثالية و.. و.. إلخ.. مرّات مرّات كدة بشوفها عوارة عوارة كدة.