زول
.
.
تناديهو
او قد يجي براهو
كما ماشى ليهو ,
تلقاهو .. ماشي هو
على الطريق ,
أخفَت شويه من برِقْ ,
وأولَع شويه مِنْ ..
حريق ..
يا
ها
اللحظه ,
سألتِك :
برّبْ الكُونْ ,
تقيفى مِن
المكان ..
موقِف .. أُم دُرمان ,
ومن السودان ,
وقفة الزول من زمان ..
زول ..
كما الشمسِ ختت
لي مقاسُه الطول ,
خطوط عَرضُو ..
فى ها الأرض ,
شارِ ضُلُو ,
نقى ومشتول ,
شقيش ما بذرتُه
يقوم ,
جوبا ..
وخرطوم
يقوم سودانى
يقوم ,
الزول ..
عرضِ وطول
بِطاح
.. جبال
وسهول
بقوم الزول ..
ويقول للدُنيا من تانى
:
انا افريقى .. انا سودانى
.
.
|
