حد يصحي الجيلي احمد(يوجد حوت)

[احمد زين]

ولسسسسسة

حد يصحي الجيلي احمد

ويا شماتي انا شخصيا فيك

إنت قلت شنو؟؟؟؟؟ مدبلج؟؟؟

ياخي تخ

[خال فاطنة]

محمود دا ياعمك كان بقى الله,

و الله يا أبو الجيل أنا متعاطف معاك أكتر من الحوت...الشغلانة ذاتا جاتك في عبك ياخي....بعدين الحوت زاتو عصر عليك شديد ياخي الله يسامحو...
إنت عارف المراقة الوحيدة الممكن أساعدك بيها هي إن إنت رهانك أساساً كان على حنجرة الحوت ما على ذهنو و خياراتو المتعلقة بباقي الدنيا...الحنجرة ياها زاتها الحنجرة، لو لبس كاكي أو تشيرتاتو العجيبة ديك...

يا أخوانا نصـيحة
أبو الجيل محتاج تضامن..لأن ما بيقدر يفرط في ذوق و تاريخ طويل من الإستمتاع مع الحوت...

بس ربه يهون

[بله محمد الفاضل]

الحوت
زول صاحب مزاج
ومزاجو سيدو
محل يوديهو ما بعترضو
زول ساهي وساهل
عارضوهوا في مزاجو
بقى محل سجن وجلد دائمين
هادنوهوا بقى ماشي معاهم
يعني مسعلة الحوت دي مفروغ منها
يعني ممكن بعد شوية تلقاهو بغني في أغنية ضد أبو أي حاجة تابعة للناس ديل
الزول مزاجججججججججججججججججججججججي بامتياز
لكنه
ويا للأسف
مؤثر في أدمغة الناس بشكل يحق له
وعشمي ألا يكون في ركوبه لمزاجه الماحق هذا
ما يجر الناس إلى مهازل الإنقاص وهرجلتها
....

[طارق صديق كانديك]

الانفعال العام بقضية احتلال هجليج يمكن أن يسوق عديدين الى المعسكر الآخر. لاسيما الذين يعارضون من أرضية عادية لا تجد حرجاً من مناصرة السلطة طالما تبدى لها ضبابية البدائل بسبب إفتقارها للمنهج السياسي.

الحوت ومن قبله فرفور وكثيرون غيرهم سلكوا هذا الطريق.

تظل بصمة الحوت واضحة في مسيرة الفن السوداني حتى ولو كان " ضابط أمن".

ولكن، كل ذلك لن ينفع النظام في شئ فطلاء المنزل المتهدم بأجود أنواع البوهيات لن يجعل منه منزلا آمناً.

الجيلي الله يجيرك

شكرا امال لك ولضيوفك

[بله محمد الفاضل]

المشاركة الأصلية كتبت بواسطة طارق صديق كانديك

تظل بصمة الحوت واضحة في مسيرة الفن السوداني حتى ولو كان " ضابط أمن".

ولكن، كل ذلك لن ينفع النظام في شئ فطلاء المنزل المتهدم بأجود أنواع البوهيات لن يجعل منه منزلا آمناً.

الجيلي الله يجيرك

شكرا امال لك ولضيوفك

كلام زي الدهب بس بطل شماتات يا اخي

[الجيلى أحمد]

واشماتة ابلة ظاظا فيك
معليش ياشاب بنشغلك عن مهامك العظيمة

زمااان
ياسيدتى
تحدث الرجل الفريد عبد الخالق محجوب عن اصلاح الخطأ وسط الجماهير,
هو انت قايلة الجماهير دى وينا ؟
ماياها دى..
ناس محمود وزول الله , وكل زول قلبو محرقو على البلد دى , وبخرج فهمو للوطن وشوفو عبر تراكمو الذتى, أكتر من تراكمو المعرفى ..

شماتة أبلة ظاظا فىَ؟

وفى ماذا تشمت هذه الظاظا الأبلة

[عادل عسوم]

المشاركة الأصلية كتبت بواسطة الجيلى أحمد

زمااان
ياسيدتى
تحدث الرجل الفريد عبد الخالق محجوب عن اصلاح الخطأ وسط الجماهير,
هو انت قايلة الجماهير دى وينا ؟
ماياها دى..
ناس محمود وزول الله , وكل زول قلبو محرقو على البلد دى , وبخرج فهمو للوطن وشوفو عبر تراكمو الذتى, أكتر من تراكمو المعرفى ..

شماتة أبلة ظاظا فىَ؟

وفى ماذا تشمت هذه الظاظا الأبلة

ازيك يالجيلي
زول الله زميلنا الفي المنبر دا والاّ زول الله سااااهي؟

يالجيلي (محمودك) دا مادام معجب بيهو شديييييد كدا حقو تبراهو وتكون انقاذي زيو

[الجيلى أحمد]

تخريجات الوطنية تتفاوت ياسيدتى
بحسب المعرفة , وبحسب الفلك اليومى الذى يسحق عظام الفعل عظمة عظمة ,
تتناقص وتقل بحسب حوجة الانسان لرغبته فى تحقيق ذاته وتفجير طاقة الموهبة داخله وسوقها نحو الفضاء الأرحب,
منو القال لى الناس انو محمود دا دهب مجمَر وزول مكرَب..
انتو يناس أبلة ظاظا ديل
سويتو شنو لى محمود دا عشان يقعد يصلح فى فهمو للوطن ويجابه آلة التشريخ الفوضوية المدورة ليها قرابة ربع قرن ..

أبلة ظاظا؟

دا فهم برجوازى عنيد
ومنيع أمام التبصر ومطالعة شأن هذا الوطن وانسانه المسحوق فى رحى الجبهة الاسلامية ..

[بله محمد الفاضل]

جيلي القوم
بالله عليك ما تجي بالساطور
ود عسوم جابو كُتر
عارف
بس خليك متسامح يا اخي

[جيجي]

غايتو بعد تكمل ليه المراقات كلها بنجيك

[عادل عسوم]

المشاركة الأصلية كتبت بواسطة بله محمد الفاضل

جيلي القوم
بالله عليك ما تجي بالساطور
ود عسوم جابو كُتر
عارف
بس خليك متسامح يا اخي

حليييل بلة
ولا كُتُر ولاحاجة يابلة
ياخ ان المحب لمن يحب مطيع

[الجيلى أحمد]

لمن حصل امتحان هجليج دا,
أغلب الناس سقطت فيهو ..
والناس دى أغلبا لبست الكاكى وقعدت تكاكى..

وبقى الفرق بين فهم البعض وفهم عادل عسوم الا تشوفو بى بطارية,

جات على محمود؟

[بله محمد الفاضل]

المشاركة الأصلية كتبت بواسطة عادل عسوم

حليييل بلة
ولا كُتُر ولاحاجة يابلة
ياخ ان المحب لمن يحب مطيع

المشاركة الأصلية كتبت بواسطة الجيلى أحمد

لمن حصل امتحان هجليج دا,
أغلب الناس سقطت فيهو ..
والناس دى أغلبا لبست الكاكى وقعدت تكاكى..

وبقى الفرق بين فهم البعض وفهم عادل عسوم الا تشوفو بى بطارية,

جات على محمود؟

هسا القياس كيفنو يا عادل
ولا نجيب البطارية
ولا البطانية أخير

[الجيلى أحمد]

المشاركة الأصلية كتبت بواسطة AMAL

ياخي الانقاذ دي عجيبة
ماكفاهم جلدوهو وبشعبوا بيه
كمان مودنو هجليلج
انا لله
اها يالجيلي الدبارة كيف

يمشى وين ؟
يطير ؟

دقوهو دق العيش ولسه قاعد يبدع, ويحافظ على آخر نبض من الانسانية بداخله ,
الناس القاعدا ورا القزاز وتتمطق فى الفن والابداع حقو يمدو يدهم جوا النار البتلوى دى ويحاولو يعرفو لييه الزول دا اتدقا؟
وطن كامل قاعد ينجلد سوط ورا سوط, وضهرو مليان دم , وبعد دا كلو واقف نص وقفة ومستحمل الفهم الجايط عن الوطنية , ورزالة الكيزان
بقت على محمود؟

ناس عادل عسوم ديل شايلين الموس وبشلَخو فى البلد من قفاها ووشها

بقت على محمود؟

والله حقو الناس تقعد وتشوف تفكيك علاقة المبدع بالسلطة ,
وتمسكا خطوة خطوة من بداية الانقاذ لحدى الوكت الحالى, عشان الصورة دى ماتبقى ناقصة .. وفى تلك المطالعة من المهم أن نستصحب دور المثقف فى التأثير على قطاع المبدعين وعموم أهل الفن بما يخدم حوجة الوطن للارتقاء فى سلم الانسانية ..

[الجيلى أحمد]

المشاركة الأصلية كتبت بواسطة جيجي

اه يالاهيف
الجيلي بكون غمر

تحياتى ياجيجى

الخط البفرق بين المبدع وبين تأثرو بالخطاب الحايم الباخاهو الجبهة فى سقف وأمانى الوطن, بالعمى بشوفو ..
الغمران ياسيدتى هو التخلى عن هموم الناس وحوجتهم لمن يأخذ بيدهم فى حلكة هذه المعمعة الممتدة لقرابة ربع قرن ..

وتبقى (الأهيف) وكل ماأخرجته حنجرة محمود , أشياء ملكها الخالص يعود للانسانية , وبمعزل عن ذلك سننتقد محمود ويقف كل منا موقف يخصه فى تقييم تراتيب فعله اليومى