هيْت خيْت كيْت

[AMAL]

أغنية لـ محمد إبراهيم نقد ــ شعر محجوب شريف


http://www.sudaneseonline.com/cgi-bi...msg=1335284382


هيْت
خيْت
كيْت
شِبراً.. شِبراً
شارع.. شارع
بَيْتاً.. بيتْ
السودان الوطن الواحد والمتعدد، كم حَبّيتْ
كُلُّ كنوزهم كانت تحلم تاخد مننا ودملين
تحت الارض القالت ابيت
شذا أزهارى
وطمى انهارى
فلذة كبدى
أشرف وأنبل مَنْ خبيت
عين المُخبِر ترمِش، ترمِش
كم ضاراكَ اللـُّطف الثورى
بين الناس العاديين
أبسط ماتتمنى حمامة، وطِفلِ رضيع
وعامل مصنع
فول بالجبنة، وحبَّة زيت
تلك العِمَّة، وجلَّابيتَّك، ومحضر سابق
طابِق يسابق
آخر طابق
حقَّ الشُفعة، ورُتبْ الدُفعة
ماتحسَّرتَ، ولا اتمنيت
تشهد ليكْ بالدِّقة
أزقَّة
ماتأخَّرتَ وماأستنيتْ
إخْتِفَى.. إخْتِفَى
بالهنا والشِفى
مبروك يامحمد
مَهْدَكْ ولَحْدَكْ
مابيناتُم إلا الخير
فرحت.. فرحت
نفس اللحظة الفيها بكيت
شُفَّع كِبْرو
وبِقو سُكان
شمسِ بتطلع
تمسك منك طرف الخيت
هيت
خيت
كيت
السودان الوطن الواحد والمتعدد
كم حبيت

[ناصر يوسف]

شكراً أختي أمال الشيخ
محجوب هذا المحجوب الشريف
تكالبت عليه المواجع
وردي
حميد
نقد

بكاهم في صمت
كتب لحميد
وكتب لنقد
الخميس القادم سأسجل له هذا البكاء في نقد وأيضاً بكاءه في حميد
أتمني أن أستطيع إنزال الفيديو هنا الأسبوع القادم
رحم الله أشجارنا العاتيات التي هوت وأنزوت مغروسةً في نراب الأرض الجريحة

ودعواتنا الصادقات بأن يمن الله علي محجوب شريف بعاجل الشفاء

[حجة امنة]

المشاركة الأصلية كتبت بواسطة ناصر يوسف

شكراً أختي أمال الشيخ
محجوب هذا المحجوب الشريف
تكالبت عليه المواجع
وردي
حميد
نقد

بكاهم في صمت
كتب لحميد
وكتب لنقد
الخميس القادم سأسجل له هذا البكاء في نقد وأيضاً بكاءه في حميد
أتمني أن أستطيع إنزال الفيديو هنا الأسبوع القادم
رحم الله أشجارنا العاتيات التي هوت وأنزوت مغروسةً في نراب الأرض الجريحة

ودعواتنا الصادقات بأن يمن الله علي محجوب شريف بعاجل الشفاء

اللهم آمين ؛ شكرا يا امال

[معتصم الطاهر]

تلت البلد راحت
و الباقى فى اللفة ..

[AMAL]

المشاركة الأصلية كتبت بواسطة ناصر يوسف

شكراً أختي أمال الشيخ
محجوب هذا المحجوب الشريف
تكالبت عليه المواجع
وردي
حميد
نقد

بكاهم في صمت
كتب لحميد
وكتب لنقد
الخميس القادم سأسجل له هذا البكاء في نقد وأيضاً بكاءه في حميد
أتمني أن أستطيع إنزال الفيديو هنا الأسبوع القادم
رحم الله أشجارنا العاتيات التي هوت وأنزوت مغروسةً في نراب الأرض الجريحة

ودعواتنا الصادقات بأن يمن الله علي محجوب شريف بعاجل الشفاء

ابو رحيق السمح
متابعة مجهودك
شكرا كتير
الشريف دا بالله باريهو لينا
قصيدة قصيدة
بيت بيت
حرف خرف






--------
الامورة سميتوها منو
راجين السماية الاسفيرية

[AMAL]

المشاركة الأصلية كتبت بواسطة حجة امنة

اللهم آمين ؛ شكرا يا امال

حجوج يالذيذة
دعواتنا لشاعر الشعب
طبعا الشعراء يتبعهم الشعراء
ونحن الغاوون ديل
نقري وندعو لهم بطول البقاء




شكرا ياجميلة

[حجة امنة]

المشاركة الأصلية كتبت بواسطة AMAL

حجوج يالذيذة
دعواتنا لشاعر الشعب
طبعا الشعراء يتبعهم الشعراء
ونحن الغاوون ديل
نقري وندعو لهم بطول البقاء




شكرا ياجميلة

اديك سر ؟
في اخر مرة اتكلمت مع عم محجوب , ضربت ليو في شي بيخصني
, و الوكت داك كان بعد وفاة حميد بي كم يوم
الايام ديك انا ما عارفاني مالي , عملت للحزن بلوك , كانو حيرجاني لمن
ارجع و اتنخج في حضن البلد
قال لي : البركة فيك يا امنة في نقد و حميد .
البركة فيني ؟!!

لاحولا ولا قوة إلا بالله

و نعم
إنا لله و إنا إليه راجعون

حسيت ليك بي موضوعي باااايخ و همي باااارد
البلد كترابتا لمن ليها علالة وانا انفخ في الشعر من قـُــصتي !!

شكراً تاني يا امال

[AMAL]

المشاركة الأصلية كتبت بواسطة معتصم الطاهر

تلت البلد راحت
و الباقى فى اللفة ..

شفتا كيف ياباش
الشريف اختصر سيرة التعدد
والتنوع والتعايش في البلد الكانت مليون ميل
في التصريفات دي
كيت
وهيت
وخيط
ويجوك المهوسين يختزلوها في خيط
لمن بقت خيط واهي ومهلهل
وقرب ينقطع زاتو

[AMAL]

المشاركة الأصلية كتبت بواسطة حجة امنة

اديك سر ؟
في اخر مرة اتكلمت مع عم محجوب , ضربت ليو في شي بيخصني
, و الوكت داك كان بعد وفاة حميد بي كم يوم
الايام ديك انا ما عارفاني مالي , عملت للحزن بلوك , كانو حيرجاني لمن
ارجع و اتنخج في حضن البلد
قال لي : البركة فيك يا امنة في نقد و حميد .
البركة فيني ؟!!

لاحولا ولا قوة إلا بالله

و نعم
إنا لله و إنا إليه راجعون

حسيت ليك بي موضوعي باااايخ و همي باااارد
البلد كترابتا لمن ليها علالة وانا انفخ في الشعر من قـُــصتي !!

شكراً تاني يا امال

سرك في بير ياحجوج

صحي البركة فيكم
وفي كل العقاب
اساسيق حميد والدوش
وتيراب خليل عزة
تكبروا
تشيلو كتف الغنا الميل
وضهر الشعر الانقصم


شكرا ليك اتي دي ياخ