مرحب يا يارأفت وسعيد بمتابعتك
يا رأفت معليش
اقتباس:
|
للدقة يا أبو جنزير من الإسلاميين والإسلاميين فقط .. عدم الإتفاق لا يعنى الهجوم .. كدى ورينى واحد حزب أمة أو إتحادى شايل ليهو سيخة وضبح شيوعى .. بل دار الشيوعيين أرحب دار للجميع .. ورغم الشعب الذى تعنيه غير شيوعى .. أنحاز للشيوعيين فى هجمة الإسلاميين عليهم .. وهذه المرة لا تفرق عن غيرها ..
|
يا رأفت ياريت نضبط المصطلح بتاع الأسلاميين وكن حذر في أستخدامك ليه وياريت تفهمني صح وأستخدامك ليه أنت خطير جداً رغم أني فاهمك لكن في غيري ما بفهم
مصطلح الأسلاميين الفاكيه هنا كبير خالص
نعم صحيح أنه في عداوة بين الاسلاميين زي المؤتمر الوطني والسلفييين أو المؤتمر الشعبي (عدو الأمس صديق اليوم) لكن ما تتخيل الشيوعيين كمان حملان وديعين وديمقراطيين لا يا رافت الشيوعين عندهم كوادر العنف البشيلو السيخ والجنازير وبدقوا الناس وبكتلو الناس وبعملوا انقلابات وعندهم أسلحة تاني زي أغتيال الشخصيات والاشاعات والتغبيش واللعب على الدقون والعقول واستحمار الشعب
الفرق بي انه الاسلاميين في يدهم السلطة والشيوعين سعوا للسلطة دي وفشلوا في المحافظة علي مع بداية مايو وسعوا ليها تاني وفشلوا والمجزرة ناتجة من فشلهم توضح عنفهم
الاتنين وجهه لعمله واحده ولو كانو نجحو في الانقلاب ولو عملوا انقلاب حا يعملوا نفس ما يفعله ناس المؤتمر الوطني وحا يعملوا ليه جهاز اكبر من جهاز المؤتمر نسخة من الكي جي بي ويتصدر الحكم ناس زي نافع وقوش يعني يجيبوا لينا ستالين وبريا وخرتشوف سودانين ويشردوا الناس الصالح العام ويحل كودرهم القيادة وياهو نفس الحصيلة مافي فرق بل بالعكس مرات النوازع الدنية عند الاسلاميين بتمنعهم من حاجات كتيرة ديك ما عنده لا نوازع لا وازع وما بترددوا يعملوا اي حاجة
أنت يا رافت قايل الشعب دا غبي وما عارف حقيقةالشيوعين والاتحاديين والانصار بتجنبوهم حالياً أتقاء لشرهم ومشاكلهم ولانه برضه معاهم في خندق واحد لكن ما بحبوهم ولا في شي غير دا يجمعهم بل البجمع الاسلاميين والاتحاديين حاجات كتيرة
اقتباس:
|
هنا يا أبو جنزير كبيت نفسك كلها .. وجاى تتكلم عن عدم إنحياز أبو نورة .. تعرف رغم أنى أختلف معك فى كثير فى الجزئية .. ولكن رأيك مكفول ليك عندما تحكمه العاطفة ولا يهدد الحقائق .. فأنت تكره قرنق .. ولا تحب الشيوعيين .. وتعتقد أنهم يدعون الذكاء ويوصفون غيرهم بالغباء
|
يا رأفت دايماً بحب الشخص البتكلم معاه يعرفني كويس وعشان كدا ختيت ليك الاشارات دي عشان ما تتوه كتير وبخصوص جون قرنق أقسم أني ما حبيته يوم ولا انخدعت بالاوهام ولا الكلام الفاضي والهلاويس الكانو بروجوا بيها كهنة النفاق المصلحجية الجو متخيليين أنو الحركة الشعبية حصان طروادة يسمحوهم يدخلوا يحكموا السودان بموجب أو يروجوا لخزعبلاتهم البائدة واتصح أنهم كانو ركوبة لامواخذة حمار امتطهم للوصول لغايتها ودرع يتلقى الضربات في صراعهم مع المؤتمر الوطني بطولة قرنق وأنسانيته ووحدويته اكبر اكذوبة روجوها الغرضين واصحاب الاجندات وقرنق كان ماشي في اجنده موضوعه مسبقاً لهدف محدد يمكن انحرف عنها شويه عشان كدا كتلوه
بالنسبة لأبونورة صحيح الزول دا بتابع ومهتم بالموضوع لكن عدم حياديته واضح وانحيازه لابعاد التهمة الحزب الشيوعي بقى واضح وكلامه ما يساوي شيئ الأن وأتهمه بي سرقة لسان مولانا علوب وما حا اقتنع بيه ومصدق كلام عثمان السيد وعثمان عبدالرسول
فقط حاجة واحده يظهر القاضي علوب بنفس الصورة الظهر بيها عثمان عبدالرسول وعثمان السيد ويقول الكلام القاله ابونوره ويثبت أنه دا ما التقرير وينفي التهمة عن الحاردلو وابوشيبة وجباره ودي حاجة ما مستحيلة يمكن بكاميرا موبايل تتعمل
ليه أبونوره ما جاب كلام مولانا علوب بالتفصيل ليه ما سجله ودي اسهل حاجه
الامر واضح غايتو انتظروا ابونوره
اقتباس:
فقط أنوه لك بأن أنقلاب هاشم العطا أستهجن بأغلبية مطلقة .. وذلك لا يحلل الأعدامات (الإنتقامية) والتصفية الجسدية التى حدثت .. كان يمكن أن يتم نفس الأعدامات بمحاكمات علنية وعادلة .. وكنا نكون فى غنى عن هذا الغلاط الذى نحن بصدده
لا تقول لى الإنقلاب هو قاتل أو مقتول .. هناك فرق بين أرض المعركة والأسرى .. إذا كان هذا هو (الواقع) فى كل الإنقلابات التى حدثت .. فتلك لست (الحقيقة)
|
يا رأفت دي الحقيقة البمرق للأنقلاب زي المارق للحرب مستعد يموت لكن برضه مستعد يزهق روح انسان برئ من اجل انقلابه دا والأنقلاب دا قاموا بيه الشيوعين وإذا أدنا نميري بي أعدامهم كمان ندينهم بي ما فعلوه بي هؤلاء الضباط الابرياء
اقتباس:
|
لا أعتقد أبو نورة ينتظر منك أعتذار لمنطق مثل هذا .. فأنت لم تقدم مستندات ودلائل كما فعل .. ليتنازل أحدكم عن رأيه .. فأنت لست الطرف الآخر ..
|
وانا واثق اني ما حا اعتذر وأبونوره كضاب وبرضه ما قدم ولا حاجه نفي قال دا من القاضي علوب لحدي الأن ما ظهر القاضي علوب وما معروف حي ولا ميت
اقتباس:
|
كلام عثمان السيد للأسف ليس سيد الموقف .. لأنه ليس حديثه وليس من الخبايا .. بل هو لأعلام حكومة نميرى .. وكان الطعن فيه .. لا يعنى أن يأتى بعد كل هذا الزمن ليبرر الماء بالماء ..
|
معليش يا رافت أي حاجة بتشير إلى أنو عثمان السيد ماعنده غير يوضح الحقيقة وجا عشان يقول الحقيقة نميري الله يرحمه مات والموضوع دا تم اربعين سنة مصلحة عثمان السيد شنو يجي يقول ليه كلام غير الحقيقة حا يجني شنو ؟ لو كذب
نفترض انه عثمان السيد كذاب وعنده غرض البخلي عثمان عبدالرسول يقطع اصبعة ويكضب شنو ؟
اقتباس:
|
للأسف التغبيش هو هذا الفيديو .. ودعمته بيان بعنوان أكثر تغبيشاّ .. وبدأته بمقدمة عاطفية سيئة جداً أكثر غباشة .. وهى تجعل روح خالد الحاج طرفاً فى الجدل .. فيها أحراج وتعمد للمواجهة ..
|
هههههها
التغبيش بكون دايما على الحقيقة وبصراحة الوضع قبل الفيديو كان مغبش الان ظهرت الحقيقة جلية وبدأت محاولات تغبيشها كدي لو اتخيل الفيدو دا ما اتعمل البحصل شنو والناس بتكون معتقده شنو ؟ ولا حاجه ما عارفين الاغتيال الابرياء ديل منو ناس شامبي ولا ناس جبارة لكن ظهرت الحقيقة بدت الجقلبة واتهامات عثمان السيد والطعن فيه وفي عثمان عبدالرسول
على العموم الرحمه لي خالد الحاج مع عندي حاجه تربطني أو تجمعني بيه في الموضوع دا فياريت وأترجاك تبعده في نقاشك معاي الله يجازيه عن عمله الطيب ويشمله بي رحمته
وليك الشكر على النقاش المحترم وليك المودة
