راكوبة المجادعات.. النمة والدوباي

[احمد زين]

المشاركة الأصلية كتبت بواسطة تماضر حمزة

هاك من هناك
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

[تماضر حمزة]

المشاركة الأصلية كتبت بواسطة أحمد محمد زين حسين

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

من جوة الجووة على جهة اليسار كدا
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

[مصعب أحمد الأمين]

طيب دي من فؤاد الفؤاد

نسام الليل طرني الفي الصعيد هجعَتو
صعيب على فوتو و زايدة على وجعَتو
قلبي السباهو و يوت بشابي لرجعَتو
دا الكاتلني فيهو ديسا سادل و فدعَتو



و الله يا ناس عجبنا نمكم ساي أها و قنا أنمسي عليكم

[تماضر حمزة]

دي من الضلع الاعوج
الشئ طالع لافوق


ياخوي قولو كان شفتو وفتحلك سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامو عليكَ بان مستورو

[مي هاشم]

المشاركة الأصلية كتبت بواسطة تماضر حمزة

هاك من هناك
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو

كيفن يالحبيبة اهل الله ما نفعوكِ؟؟
بي عينم دوام في حضرتم برعوكِ
عند الفزعه والنّدهه يمين سمعوكِ
كان ما لَحْقتَم كان الهموم جدعوكِ

أها..شوفي..

يا الجيلاني يا السّمان
وسيدي البكري يا نوران
ندهتك طيب الأكوان
تماضر تلقى ريد وأمان

بنده ود حسونة اب كِم
ويا الكباشي حابس السّم
ويا الاستاذ في طابت هِم
تبيّنو ما بدور لي نضِم

يا أهل البنايا عموم
ويا ود الحسين والتوم
تعالجو تزيلوا لكل لوم
تماضر تب مفارقة النوم

يا أبو عمر مكاشفي القوم
ويا ود العجوز هِم قوم
تبيّنو لي دحين اليوم
تماضر الليلة جابت اللوم


بعدبن وريني نتيجة نديهتي دي

[مي هاشم]

المشاركة الأصلية كتبت بواسطة أحمد محمد زين حسين

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

الليل انطوى وأنا عيني تب ما لاقت
شلت الليل نواح ودموعي فيو ما حاقت
إتوسّدْ شقاي من يوم عيونّا اتلاقت
كلّو يهون أكان أيامنا صافت وراقت

[مي هاشم]

المشاركة الأصلية كتبت بواسطة تماضر حمزة

من جوة الجووة على جهة اليسار كدا
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

اليسار ده ما بقسم معاي..بسم الله..


الليل انفتق بالنّور درر في فاهو
حاوطني الحنين قلبي السرور لفاهو
ارشف من زلال خمر الغرام في شفاهو
سكّرني وبقيت مرضان غلبني شفاهو

[مي هاشم]

المشاركة الأصلية كتبت بواسطة مصعب أحمد الأمين

طيب دي من فؤاد الفؤاد

نسام الليل طرني الفي الصعيد هجعَتو
صعيب على فوتو و زايدة على وجعَتو
قلبي السباهو و يوت بشابي لرجعَتو
دا الكاتلني فيهو ديسا سادل و فدعَتو



و الله يا ناس عجبنا نمكم ساي أها و قنا أنمسي عليكم

حباب مصعب ويعجبك السمح..

نسيم الليل برد طرّاني هاجع السافل
ما بقدر افوتو الفي مشيو مترافل
حلّى المُر مع بِكري القليب متكافل
متل السّكر حَترب في القعر متسافل

[مي هاشم]

المشاركة الأصلية كتبت بواسطة تماضر حمزة

دي من الضلع الاعوج
الشئ طالع لافوق


ياخوي قولو كان شفتو وفتحلك سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامو عليكَ بان مستورو

خط سيرك تصاعدي..

انا زولي كان شفتيهو وفتحلك قلبو
تلقيو بالغرام مشروق كلامو يغلبو
لا بيدوبي لا بيشاشي لا نضماً بيقدر قلبو
وكاتم السّر دوام بخاف فضيحتو وسلبو

[مي هاشم]

في زول طالبني شي تاني..

أحمد زين كده الدين القديم والجديد خالص..gap

[احمد زين]

المشاركة الأصلية كتبت بواسطة تماضر حمزة

من جوة الجووة على جهة اليسار كدا
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

المشاركة الأصلية كتبت بواسطة مي هاشم

الليل انطوى وأنا عيني تب ما لاقت
شلت الليل نواح ودموعي فيو ما حاقت
إتوسّدْ شقاي من يوم عيونّا اتلاقت
كلّو يهون أكان أيامنا صافت وراقت

سهر شديد الليلة

ليلين مــرو بي وانا عيــني فاقدة النوم
وده التالْت انقسم واشـواقي قايدة سَموم
من حورة عيونو ..ومن حشا المبروم
إتحويت وراء الصالحـين وكل القوم

[تماضر حمزة]

ياميّ ،عبدالله وداعة دا كان بقول ليّ انتي عندك اسهال شعري أسّي حالتك دي شرشور عديل كدا

احمد، حركتك ماظريفة انا الدوبل دا في البكاسي ماحبيتو أسي عاوز تخمنا في رد واحد ؟ ماف ليك

[مي هاشم]

المشاركة الأصلية كتبت بواسطة تماضر حمزة

ياميّ ،عبدالله وداعة دا كان بقول ليّ انتي عندك اسهال شعري أسّي حالتك دي شرشور عديل كدا

احمد، حركتك ماظريفة انا الدوبل دا في البكاسي ماحبيتو أسي عاوز تخمنا في رد واحد ؟ ماف ليك

()
دي معناها ما لايك
انتي ما جادة وعبد الله ماجادي..ياخ حسنو ألفاظكم..
قولي لي كان عندك امساك شعري واتفكيتي أرحم

أحمد كده الدين بيكتر عليك..وفي الحالة دي ممكن نقول (فهمك كمل؟)*


* دي تحريضة.

[مصعب أحمد الأمين]

شنو ناس خيمة الحردلو مطفيين مالكم؟؟؟
و للا
PREPARING FOR GREAT THURSDAY NIGHT
c ya then

[تماضر حمزة]

هاك دي مخمسة ومخمسنة واخر سلطنة


لولاني السهر مالو المنام كجّني
دوبيتو وغناو هوزاز وتر رجّني
فيهو سماح نميم فاق البشر والجني
ودوني التجاني الزول دا مااااااااجنني