النساء تحت سطوة الانقاذ

[سماح محمد]

تحياتي أخ البديري

المشاركة الأصلية كتبت بواسطة البديري

لو تكرمتى ان تعطينى قانون واحد بس "" مُقيد "' حرية المراة الان*
على أُسس اسلامية صحيحة بعيدة عن الهمج الدينى البصدر من النظام او المعارضة ٠٠!

ليس قانون
بل قوانين النظام العام التي يمكن عن طريق استغلالها أن تُجلد من ترتدي بنطال محتشم فقط لأن غيرها قرر أنه لا يناسب المرأة ذلك اللبس..!

المشاركة الأصلية كتبت بواسطة البديري

بكلامك دا معناتة المراة عُمرها ماقاعدة تغلط !
دائما الرجال هم البغلطو !!٠٠

أكيد ما بقصد كدة
بس عشان أصلا الموضوع بيتناول النساء تحت سطوة الإنقاذ
والجزئية دي بالذات من كلامي أنا كنت متحفظة فيها على التعميم ، يعني بتفق جزئيا مع الرأي الختيتو انت ووجدي وعسوم وغيركم.

المشاركة الأصلية كتبت بواسطة البديري

ياريتك تمشى هنااااااااااك ، لتعرفى الفرق البينكن
وتحسن بانكن مُعزازات مُكرمات مُستاتات٠٠ والحديث هنا يطول !
المراة هنااااااااااااااك يا سماح سلعة تجارية وهى مبسوطة لانها معتقداه بانها حُرة ، وبتمارس حريتة وكينونتها ، وهى مسلوبة فى صحتة وجمالة وانوثتة واحاسيسة وامومتة وهى لاتدرى ! وعُمرها ماحتدرى ٠٠طول مافى قوانين بى تسن وتطبل لها باسم الحرية والديمقراطية وووالخ٠

٠٠

مشيت هنااااااااك على فكرة
و حتى الما مشى هناك يمكن الميديا نجحت كتير في انو تعكس الأوضاع
لكن
وضع المرأة إجتماعيا هنااااااك لا أعتبره نموذجي على الإطلاق، لكني أتكلم على مستوى القواعد القانونية المتوفرة الما بتمايز بين الذكور والإناث..ثقافة المجتمعات وإختلاف الاديان والمجتمعات الراسمالية وغيرها ممكن تكون ساهمت في تسليع المرأة هنااااك

وإكرام المرأة يكون بإحترامها..والإحترام لا يتأتى بالاستعباد وحجب الرأي وما الى ذلك..

عموما الحديث يطول كما ذكرت
شاكرة لك

[أسعد]

يا الجيلي وامال
ياخ نقطة خلافي في انه الاستاذ شوقي بدري قد نهى في بوست اخر عدم تقييم كيان بتصرفات فردية ودا كلام لا ياتيه الباطل من بين يديه
ولكن قبل ان يجف حبر الاستاذ فاذ به يفعل ما نهى عنه في انه عول في استشهاده على اضطهاد الانقاذ للمرأة بعمايل ضابط (واحد) لا اكثر ولا اقل.
المهم ياخ
فعايل الانقاذ لا تخفى علي احد
ولكن ما جعلني اتداخل مع الاستاذ هو تناقضه البائن
فبالله دعونا من فعائل الانقاذ
وخلونا اسألكم هل الاستشهاد بالنموذج الذي ساقه الاستاذ شوقي كافيا لان نستشهد به في اتهام الانقاذ باضطهاد المرأة

ويا رأفت
افعال الضابط في المطار لا تمت للقانون بشيء
افعال الضابط انما هي سلوكيات فردية يمكن ايعاذها لخلل اجتماعي عام
فكما تعلم ان اضطهاد المرأة ضارب في القدم في مجتمعنا الشرقي
وهنالك كلمة قديمة تقول (تغيير المرة زي تغيير النعال)

المهم ياخ
لو هانت عليك فعايل صاحبك
اوهل يهون عليك قنبورنا؟

[البديري]

المشاركة الأصلية كتبت بواسطة وجدي الأسعد الأسعد

يا الجيلي وامال
ياخ نقطة خلافي في انه الاستاذ شوقي بدري قد نهى في بوست اخر عدم تقييم كيان بتصرفات فردية ودا كلام لا ياتيه الباطل من بين يديه
ولكن قبل ان يجف حبر الاستاذ فاذ به يفعل ما نهى عنه في انه عول في استشهاده على اضطهاد الانقاذ للمرأة بعمايل ضابط (واحد) لا اكثر ولا اقل.
المهم ياخ
فعايل الانقاذ لا تخفى علي احد
ولكن ما جعلني اتداخل مع الاستاذ هو تناقضه البائن
فبالله دعونا من فعائل الانقاذ
وخلونا اسألكم هل الاستشهاد بالنموذج الذي ساقه الاستاذ شوقي كافيا لان نستشهد به في اتهام الانقاذ باضطهاد المرأة

ويا رأفت
افعال الضابط في المطار لا تمت للقانون بشيء
افعال الضابط انما هي سلوكيات فردية يمكن ايعاذها لخلل اجتماعي عام
فكما تعلم ان اضطهاد المرأة ضارب في القدم في مجتمعنا الشرقي
وهنالك كلمة قديمة تقول (تغيير المرة زي تغيير النعال)

المهم ياخ
لو هانت عليك فعايل صاحبك
اوهل يهون عليك قنبورنا؟

شلاغة
برغم بانى بحب رائيك وقلمك ٠٠ وعارفك زى جوع بطنى ٠٠ لكن حاتلب من البوكس السايقو دا ٠٠ لانى حاسى بانى إتورطا فى البوست دا بسببك ٠٠ فاعلية ياحبة لو تانى شوفتا اسمك فى بوست حازوغ منة !





وان شاءالله بكرة تتغلبوا خمسمئة من مازينبى !

[البديري]

المشاركة الأصلية كتبت بواسطة سماح محمد

تحياتي أخ البديري


ليس قانون
بل قوانين النظام العام التي يمكن عن طريق استغلالها أن تُجلد من ترتدي بنطال محتشم فقط لأن غيرها قرر أنه لا يناسب المرأة ذلك اللبس..!



أكيد ما بقصد كدة
بس عشان أصلا الموضوع بيتناول النساء تحت سطوة الإنقاذ
والجزئية دي بالذات من كلامي أنا كنت متحفظة فيها على التعميم ، يعني بتفق جزئيا مع الرأي الختيتو انت ووجدي وعسوم وغيركم.



مشيت هنااااااااك على فكرة
و حتى الما مشى هناك يمكن الميديا نجحت كتير في انو تعكس الأوضاع
لكن
وضع المرأة إجتماعيا هنااااااك لا أعتبره نموذجي على الإطلاق، لكني أتكلم على مستوى القواعد القانونية المتوفرة الما بتمايز بين الذكور والإناث..ثقافة المجتمعات وإختلاف الاديان والمجتمعات الراسمالية وغيرها ممكن تكون ساهمت في تسليع المرأة هنااااك

وإكرام المرأة يكون بإحترامها..والإحترام لا يتأتى بالاستعباد وحجب الرأي وما الى ذلك..

عموما الحديث يطول كما ذكرت
شاكرة لك

تحياتى اخت سماح
ردودك بعيدة عما اقصدة ، لا تتعاملى بلعاطفة !

عاوز مُستند او اثبات رسمى وعلى أُسس صحيحة إسلامية بعيدة عن الفوضى بكل الجوانب ٠٠ !!



سلام وتحايا

[رأفت ميلاد]

المشاركة الأصلية كتبت بواسطة وجدي الأسعد الأسعد
ويا رأفت
افعال الضابط في المطار لا تمت للقانون بشيء
افعال الضابط انما هي سلوكيات فردية يمكن ايعاذها لخلل اجتماعي عام
فكما تعلم ان اضطهاد المرأة ضارب في القدم في مجتمعنا الشرقي
وهنالك كلمة قديمة تقول (تغيير المرة زي تغيير النعال)

مافى شك الضابط قليل أدب .. لكن القانون بسمح ليهو يقل أدبو على المرأة .. القانون بقول ما عندها قيمة بدون مرافق (ذكر) محرم .. أنت محرم دى يعنى شنو نفسى أعرف .. كان من محرمات يستحيل الزوج يكون محرم

وبعدبن منو القاليك نحن مجتمع شرقى منو.. نحن مستشرقين بفعل فاعل .. والمرأة فى جزورنا كانت ذات قيمة ولحدى قريبات دى ما كانت فى الحالة .. المرة بى طفلا بفسحوا ليها الطريق وبدوها الأولوية .. النسوان المضطهدات من قدم ديل فى نجد والحجاز يا مستلب ..

تعرف تاج السر فزع متفرعن بى جعليتو .. حتى جعليين بربر ما معترف بيهم .. كنا فى السعودية وأهانو ليك وليد ما تشتريو بى مليمة .. فقعتها ضحكة وقلت ليهو (ما قلتو أولاد عرب يا أبو الرجال) .. قال لى (حرم هنا عرفت كلمة يا عب أهون من كلمة يا عربى)

[البديري]

المشاركة الأصلية كتبت بواسطة رأفت ميلاد

مافى شك الضابط قليل أدب .. لكن القانون بسمح ليهو يقل أدبو على المرأة .. القانون بقول ما عندها قيمة بدون مرافق (ذكر) محرم .. أنت محرم دى يعنى شنو نفسى أعرف .. كان من محرمات يستحيل الزوج يكون محرم

وبعدبن منو القاليك نحن مجتمع شرقى منو.. نحن مستشرقين بفعل فاعل .. والمرأة فى جزورنا كانت ذات قيمة ولحدى قريبات دى ما كانت فى الحالة .. المرة بى طفلا بفسحوا ليها الطريق وبدوها الأولوية .. النسوان المضطهدات من قدم ديل فى نجد والحجاز يا مستلب ..

تعرف تاج السر فزع متفرعن بى جعليتو .. حتى جعليين بربر ما معترف بيهم .. كنا فى السعودية وأهانو ليك وليد ما تشتريو بى مليمة .. فقعتها ضحكة وقلت ليهو (ما قلتو أولاد عرب يا أبو الرجال) .. قال لى (حرم هنا عرفت كلمة يا عب أهون من كلمة يا عربى)

أنت محرم دى يعنى شنو نفسى أعرف ..

رأفتنا سلامات ومساءك رزبلبن
انت جادى فى سؤالك دا ياخوى ولا بتحرق فى روح وجدى بس ؟!

حتى جعليين بربر ما معترف بيهم ..

اللحقى يا سمراء ٠٠ انتيمك طلعك مزورا ٠٠٠ دا تزوييير فى جيتت رسمية يعنى !

[سماح محمد]

تحياتي مرة أخرى أخ البديري

المشاركة الأصلية كتبت بواسطة البديري

ردودك بعيدة عما اقصدة ، لا تتعاملى بلعاطفة !

عاوز مُستند او اثبات رسمى وعلى أُسس صحيحة إسلامية بعيدة عن الفوضى بكل الجوانب ٠٠ !!

لا أدري إذا ما كانت العبارات أعلاه عبارة عن إتهامات ..! عموما ولكي لا نحرف مسار البوست وبما أني لست قانونية محترفة حاولت الإستعانة بالصديق قوقل للحصول على نص قانون النظام العام الذي استدليت به كقانون إنقاذي ظالم ومقيد للمرأة بصورة واضحة ، فـ جاد علي ببوست جيد لزميل المنبر Hatim Ali ابرز فيه نصوص مواد القانون مع نقد مميز اجده يتوافق ورؤيتي حول الأمر..يمكنك الإطلاع عليه مع وفير شكري وإحترامي
هنـــا

[البديري]

المشاركة الأصلية كتبت بواسطة سماح محمد

تحياتي مرة أخرى أخ البديري


لا أدري إذا ما كانت العبارات أعلاه عبارة عن إتهامات ..! عموما ولكي لا نحرف مسار البوست وبما أني لست قانونية محترفة حاولت الإستعانة بالصديق قوقل للحصول على نص قانون النظام العام الذي استدليت به كقانون إنقاذي ظالم ومقيد للمرأة بصورة واضحة ، فـ جاد علي ببوست جيد لزميل المنبر Hatim Ali ابرز فيه نصوص مواد القانون مع نقد مميز اجده يتوافق ورؤيتي حول الأمر..يمكنك الإطلاع عليه مع وفير شكري وإحترامي
هنـــا

اختى/بنتى سماح
لازلتى فى نفس الدائرة !!
مادام انتى حمرتى كلمة (الفوضى) لية ماحمرتى اهم كلمة وهى (من كل الجوانب ) ودى اهم شئ اقصدة ونبهت عنو عشان ماتفهمينى غلط !!
انا لا اعترف بالنظام ولا بالمعارضة ولا بقوانينهم وارأئهم الفارضين فيها الشريعة الاسلامية السمحة
قرأت كل بوست الاخ HATIM ALI وكل الروابط الملحقة بة ٠٠ واجمل ماعجبنى رد الاخت AMAL له ٠٠ الانقاذين حاشرين الشريعة لمصلحتهم واجندتهم كما حشرها المرحوم باذن الله نميرى فى سبتمبر لاجندتة انصار مايو !!

عاوز مايطلبة شعبنا ومع مايطابق شرع الله وكلامة العظيم٠٠ فى مُحكم تنزيلة ٠٠ وانا اعلم تماما البطبق شرع الله بعضهم يخاف الله بجد وبعضهم تافهة ومريض (سادى) مثل (قدوقدو) !!

تحياتى٠

[خال فاطنة]

البديري سلام ياخي

مع احترامنا لقلمك ورؤيتك ،إلا مثل هذا الكلام (بطلع) المراة فى (رسينا)
بالحق او بالباطل ! والانثى اذا اخدت حرية زيادة عن اللزوم ٠٠ بتكون اسوأ من الشيطان نفسة !
مافى رجل طبيعى بتضهد آى انثى مالم تدفعة هى ٠٠ لذلك

علي الدين كلامك دا فكيتو ساي...أول حاجة فيه تعميم...تاني حاجة ناقصاهو دقة..تالت حاجة فيه تناقض..رابع حاجة فيه تجني واضح....
1- فيه تعميم
(حكاية الأنثى إذا أخدت) يعني المرأة عموماً إي إمرأة كائن محروس بالسوط و التقييد كأنها لا تمتلك ذهن و ضمير و غربال شخصي لتحديد الخطأ و الصواب..و أزيدك علم إذا كان في نماذج نسائية ممكن تطلق عليهم (غير شيطانيات) مع إن المصطلح دا إنت قاصد بيهو الأخلاق بشوية إفراط في التسميةـ لو كان في نماذج من النوع دا تأكد إن بيكون مصدر الإنضباط الأخلاقي هو ضمير المرأة فقط و ليس سوط تقييد مسلط على ضميرها من مصدر خارجي..
2- ناقصاهو الدقة
حكاية (حرية زيادة عن اللزوم) اللزوم دا قدُر شنو و البيحددو منو؟ زائد إن العبارة دي مستبطنة إن كل من هي (غير شيطانية) معناها الكلام دا نتاج تسلط عليها، و كل من هي (شيطانية) معناها الكلام دا فقط نتاج حرية مفرطة...العالم البتقول عليهو شيطاني دا بالتحديد المرأة بتعرف تخلق فيهو فرص حريتها براها بعيد من أي زول تاني...عدم الدقة هنا في إن إنت صادرت مجملاً أن يكون الصواب و الفضيلة أحد خيارات المرأة الحرة..و هنا أزيدك علم في إن التسلط فقط بيخلق في العندها ميول شيطانية تناقض لكن ما بيكبح أي حاجة...الخط الأخلاقي لأي بني آدم بيكون خيار بيمليهو عليهو ضميرو، و الضمير هنا هو خلاصة التجربة الشخصية و الإجتماعية، طبعاً ما تقول لي الإجتماعية دي ياها التسلط ذاتو، لأن الضمير هو حراك خفي بيتكون نتيجة لغربال خاص..
3- فيه تناقض
حكاية (ما تأخد حرية أكتر من اللزوم) أظنها كُتبت في تمام الطبيعية بتاعت الكاتب، لمن تلمها مع (مافي رجل طبيعي بيطهد المرأة)
يعني شوف معاي (الأنثى إذا أخدت حرية زيادة عن اللزوم بتكون أسوأ من الشيطان) هنا الدفع أزلي واضح...لمن تخته مع (مالم تدفعه) هنا الدفع طارئ..هنا التناقض في شيطانية المرأة هل هي قناعة راسخة و إتجاه أزلي، أم هي طارئ..
4- فيه تجني واضح
على الأنثى بوصفها بالشيطان إذا أخدت حرية.. يعني صادرت كونها إنسان و حتى الإنحراف هو سلوك أخلاقي داخل تجارب البني آدم...زائد إن الوصفة بتاعت شيطان دي صعبة..
خود معاك قناعتي الراسخة دي في إن الأخلاق ما بتكون جزء من تركيب الفرد إلا إذا إنتفت الرغبة في الفعل اللاأخلاقي و ليس إذا إنتفى الفعل..و جكاية ينتفي دي خيار حر ما عندو علاقة بفرض قيود من عدمو، لأن الرغبة هي ميل عفوي تلقائي

[البديري]

المشاركة الأصلية كتبت بواسطة خال فاطنة

البديري سلام ياخي


علي الدين كلامك دا فكيتو ساي...أول حاجة فيه تعميم...تاني حاجة ناقصاهو دقة..تالت حاجة فيه تناقض..رابع حاجة فيه تجني واضح....
1- فيه تعميم
(حكاية الأنثى إذا أخدت) يعني المرأة عموماً إي إمرأة كائن محروس بالسوط و التقييد كأنها لا تمتلك ذهن و ضمير و غربال شخصي لتحديد الخطأ و الصواب..و أزيدك علم إذا كان في نماذج نسائية ممكن تطلق عليهم (غير شيطانيات) مع إن المصطلح دا إنت قاصد بيهو الأخلاق بشوية إفراط في التسميةـ لو كان في نماذج من النوع دا تأكد إن بيكون مصدر الإنضباط الأخلاقي هو ضمير المرأة فقط و ليس سوط تقييد مسلط على ضميرها من مصدر خارجي..
2- ناقصاهو الدقة
حكاية (حرية زيادة عن اللزوم) اللزوم دا قدُر شنو و البيحددو منو؟ زائد إن العبارة دي مستبطنة إن كل من هي (غير شيطانية) معناها الكلام دا نتاج تسلط عليها، و كل من هي (شيطانية) معناها الكلام دا فقط نتاج حرية مفرطة...العالم البتقول عليهو شيطاني دا بالتحديد المرأة بتعرف تخلق فيهو فرص حريتها براها بعيد من أي زول تاني...عدم الدقة هنا في إن إنت صادرت مجملاً أن يكون الصواب و الفضيلة أحد خيارات المرأة الحرة..و هنا أزيدك علم في إن التسلط فقط بيخلق في العندها ميول شيطانية تناقض لكن ما بيكبح أي حاجة...الخط الأخلاقي لأي بني آدم بيكون خيار بيمليهو عليهو ضميرو، و الضمير هنا هو خلاصة التجربة الشخصية و الإجتماعية، طبعاً ما تقول لي الإجتماعية دي ياها التسلط ذاتو، لأن الضمير هو حراك خفي بيتكون نتيجة لغربال خاص..
3- فيه تناقض
حكاية (ما تأخد حرية أكتر من اللزوم) أظنها كُتبت في تمام الطبيعية بتاعت الكاتب، لمن تلمها مع (مافي رجل طبيعي بيطهد المرأة)
يعني شوف معاي (الأنثى إذا أخدت حرية زيادة عن اللزوم بتكون أسوأ من الشيطان) هنا الدفع أزلي واضح...لمن تخته مع (مالم تدفعه) هنا الدفع طارئ..هنا التناقض في شيطانية المرأة هل هي قناعة راسخة و إتجاه أزلي، أم هي طارئ..
4- فيه تجني واضح
على الأنثى بوصفها بالشيطان إذا أخدت حرية.. يعني صادرت كونها إنسان و حتى الإنحراف هو سلوك أخلاقي داخل تجارب البني آدم...زائد إن الوصفة بتاعت شيطان دي صعبة..
خود معاك قناعتي الراسخة دي في إن الأخلاق ما بتكون جزء من تركيب الفرد إلا إذا إنتفت الرغبة في الفعل اللاأخلاقي و ليس إذا إنتفى الفعل..و جكاية ينتفي دي خيار حر ما عندو علاقة بفرض قيود من عدمو، لأن الرغبة هي ميل عفوي تلقائي

سلامات خال فاطنة ٠٠

1- فيه تعميم
(حكاية الأنثى إذا أخدت) يعني المرأة عموماً إي إمرأة كائن محروس بالسوط و التقييد كأنها لا تمتلك ذهن و ضمير و غربال شخصي لتحديد الخطأ و الصواب..و أزيدك علم إذا كان في نماذج نسائية ممكن تطلق عليهم (غير شيطانيات) مع إن المصطلح دا إنت قاصد بيهو الأخلاق بشوية إفراط في التسميةـ لو كان في نماذج من النوع دا تأكد إن بيكون مصدر الإنضباط الأخلاقي هو ضمير المرأة فقط و ليس سوط تقييد مسلط على ضميرها من مصدر خارجي..

*نعم ٠٠ فية تعميم ، اذا اخدت حرية من غير رقابة من ولى أمرها٠٠
والرقابة مش كما يتخيل لك بانها بالسوط والتقيد والاكراه ٠٠ فقط !
فى اشياء آخرى اتمنى ان تعيها ٠٠ وانا زكرتها فوق ٠٠ ارجع ليها٠

2- ناقصاهو الدقة
حكاية (حرية زيادة عن اللزوم) اللزوم دا قدُر شنو و البيحددو منو؟ زائد إن العبارة دي مستبطنة إن كل من هي (غير شيطانية) معناها الكلام دا نتاج تسلط عليها، و كل من هي (شيطانية) معناها الكلام دا فقط نتاج حرية مفرطة...العالم البتقول عليهو شيطاني دا بالتحديد المرأة بتعرف تخلق فيهو فرص حريتها براها بعيد من أي زول تاني...عدم الدقة هنا في إن إنت صادرت مجملاً أن يكون الصواب و الفضيلة أحد خيارات المرأة الحرة..و هنا أزيدك علم في إن التسلط فقط بيخلق في العندها ميول شيطانية تناقض لكن ما بيكبح أي حاجة...الخط الأخلاقي لأي بني آدم بيكون خيار بيمليهو عليهو ضميرو، و الضمير هنا هو خلاصة التجربة الشخصية و الإجتماعية، طبعاً ما تقول لي الإجتماعية دي ياها التسلط ذاتو، لأن الضمير هو حراك خفي بيتكون نتيجة لغربال خاص..

*بتحددو الضوابط الاسلامية ٠٠والقيم ،، لديك شك

3- فيه تناقض
حكاية (ما تأخد حرية أكتر من اللزوم) أظنها كُتبت في تمام الطبيعية بتاعت الكاتب، لمن تلمها مع (مافي رجل طبيعي بيطهد المرأة)
يعني شوف معاي (الأنثى إذا أخدت حرية زيادة عن اللزوم بتكون أسوأ من الشيطان) هنا الدفع أزلي واضح...لمن تخته مع (مالم تدفعه) هنا الدفع طارئ..هنا التناقض في شيطانية المرأة هل هي قناعة راسخة و إتجاه أزلي، أم هي طارئ..

*اسع التناقض هنا وين ؟ اظنك عاوز تكتب وتسهب والسلام !
اجمل شئ انك بتسأل وبتحلل وبجيب الاجابة براك ، كلامى العاوز اقولو ليك موجود بين اسطرك ٠٠ اتمناه ان تراه ٠

4- فيه تجني واضح
على الأنثى بوصفها بالشيطان إذا أخدت حرية.. يعني صادرت كونها إنسان و حتى الإنحراف هو سلوك أخلاقي داخل تجارب البني آدم...زائد إن الوصفة بتاعت شيطان دي صعبة..
خود معاك قناعتي الراسخة دي في إن الأخلاق ما بتكون جزء من تركيب الفرد إلا إذا إنتفت الرغبة في الفعل اللاأخلاقي و ليس إذا إنتفى الفعل..و جكاية ينتفي دي خيار حر ما عندو علاقة بفرض قيود من عدمو، لأن الرغبة هي ميل عفوي تلقائي

*التجنى وين ؟

4- فيه تجني واضح
على الأنثى بوصفها بالشيطان إذا أخدت حرية..

الحرية الزيادة عن اللزوم ٠٠ انت بتنسى لية !!

فى ذمتك الفاكى كلام سااااكت منو ؟!

همسة ; من القلب للقلب ( واتمنى ان تكون من غير حساسية وزعل)
منك او من الذين لايطيقون كلامى٠٠ ;
ارفعوا اقلامكم عن (حرايرنا )٠٠ باسم الحرية المغلفة بالعلمانية ولا تدخلوهنْ فى معتركات حزبية وسياسية فاشلة

والسلام ختام ٠

[خال فاطنة]

*نعم ٠٠ فية تعميم ، اذا اخدت حرية من غير رقابة من ولى أمرها٠٠
والرقابة مش كما يتخيل لك بانها بالسوط والتقيد والاكراه ٠٠ فقط !
فى اشياء آخرى اتمنى ان تعيها ٠٠ وانا زكرتها فوق ٠٠ ارجع ليها٠

يا عمك الرقابة من ولي الأمر البتقول عليها دي ما قاصرة على الأنثى وحدها في النظام الإجتماعي و الثقافي القائم...ولي الأمر بيراقب الأبناء الذكور برضو و الحكاية من باب التربية و الحرص على التنشئة الأخلاقية السليمة...بعدين عشان ما تسرح ساي التنشئة الأخلاقية السليمة دي ما أظنك براك الحريص عليها، كل الذين داخلو هنا، إتفقو معاك ولا إختلفو في رؤيتك، ما أظن بيختلفو في إن التربية ليها دور كبير، و لا أظن بيختلفو في المعايير البتخص الأخلاق..عشان الحكاية تقع ليك

*بتحددو الضوابط الاسلامية ٠٠والقيم ،، لديك شك

عارف يا عمك حكاية (لديك شك) دي من الأسئلة غير البرئية من الإستبطان، و من السياق بتاعها ينقصها طيب النية...لكن بشكلها دا ما أظنها بتشيل الإسلام و بتختو ليك في عبك، و بتخلي الباقين في الصقيعة...الإسلام و تعاليمو ماها حكر على فرد، و حكاية إنو الزول متمسك بتعاليم الدين ما دايرة ليها (بتحددو الضوابط الاسلامية ٠٠والقيم ،، لديك شك) و لا دايرة دايرة ليها إجابات على أستفسارات يختو فيها سؤال بمكنة لغم عشان بعد داك تفجرو في عدو التعاليم و صديقها نتيجة لجفاف حبر المناقشة أو سوء فهم...عشان كدى الأسئلة الزي دي ما بتودي النقاش لي قدام، و لا بتديك ميزة إلتزام بالدين أكتر من غيرك...

*اسع التناقض هنا وين ؟ اظنك عاوز تكتب وتسهب والسلام !
اجمل شئ انك بتسأل وبتحلل وبجيب الاجابة براك ، كلامى العاوز اقولو ليك موجود بين اسطرك ٠٠ اتمناه ان تراه ٠

يلا عاين معاي كويييس. التناقض في الآتي:
إنت قلت (الأنثى إذا أخدت حرية زيادة عن اللزوم بتكون أسوأ من الشيطان) موش؟ أها هنا الحكم مطلق و أزلي يعني خكاية ما تأخد حرية دي قرار مسبق و قناعة أزلية...الكلام دا بيتناقض مع (ما لم تدفعه) الدفع هنا قلت ليك من المستجدات...يعني لو ما دفعتك مثلاً بتكون نسفت ليك القناعة الأولى مش كدى؟..أها دا التناقض البيّن..

*التجنى وين ؟

التجني واضح و تاني بشرحو ليك...الإتهام الجزافي للمرأة في إن خياراتها الحرة دائماً شيطانية ( إذا أخدت حرية زائدة عن اللزوم بتكون أسوأ من الشيطان).. يعني سلبتها الذهن البيخليها تميز الصاح من الغلط و حاولت تأكد إنو أخلاقها هي فقط نتاج تسلط عليها، يعني من دون رقابة هي تفتقر للأخلاق الأصيلة في تركيبها... أها دا كان عندو إسم غير تجني قولو لي لو أقنعني طوالي بمسح كلمة تجني دي..

همسة ; من القلب للقلب ( واتمنى ان تكون من غير حساسية وزعل)
منك او من الذين لايطيقون كلامى٠٠ ;
ارفعوا اقلامكم عن (حرايرنا )٠٠ باسم الحرية المغلفة بالعلمانية ولا تدخلوهنْ فى معتركات حزبية وسياسية فاشلة

أول حاجة النون ال بالأحمر دي بياتو وجه حق إستبعدت منها آخرين؟
بعدين حكاية علمانية و حزبية دي داير تختها عنقرة ساي كدى عشان تشوف ليك منعرج جديد ... شفتا النزيعك سر..أخوك الكاشف دا ما عندو أي قناعة كاملة و مقدسة بنظرية و ضعها بني آدم، و لا بحزب بيعمي البصيرة... دحين أكان عندك ذهن مفتوح لنقاش بعيد من الإتهام الجزافي الذي لا تمتلك عليه دليل قول عوك... و كان داير تواصل في جنس الكلام دا الصفحة تسع الكل...


و من قبل التحايا

[البديري]

المشاركة الأصلية كتبت بواسطة خال فاطنة

يا عمك الرقابة من ولي الأمر البتقول عليها دي ما قاصرة على الأنثى وحدها في النظام الإجتماعي و الثقافي القائم...و لي الأمر بيراغب الأبناء الذكور برضو و الحكاية من باب التربية و الحرص على التنشئة الأخلاقية السليمة...بعدين عشان ما تسرح ساي التنشئة الأخلاقية السليمة دي ما أظنك براك الحريص عليها، كل الذين داخلو هنا، إتفقو معاك ولا إختلفو في رؤيتك، ما أظن بيختلفو في إن التربية ليها دور كبير، و لا أظن بيختلفو في المعايير البتخص الأخلاق..عشان الحكاية تقع ليك


عارف يا عمك حكاية (لديك شك) دي من الأسئلة غير البرئية من الإستبطان، و من السياق بتاعها ينقصها طيب النية...لكن بشكلها دا ما أظنها بتشيل الإسلام و بتختو ليك في عبك، و بتخلي الباقين في الصقيعة...الإسلام و تعاليمو ماها حكر على فرد، و حكاية إنو الزول متمسك بتعاليم الدين ما دايرة ليها (بتحددو الضوابط الاسلامية ٠٠والقيم ،، لديك شك) و لا دايرة دايرة ليها إجابات على أستفسارات يختو فيها سؤال بمكنة لغم عشان بعد داك تفجرو في عدو التعاليم و صديقها نتيجة لجفاف حبر المناقشة أو سوء فهم...عشان كدى الأسئلة الزي دي ما بتودي النقاش لي قدام، و لا بتديك ميزة إلتزام بالدين أكتر من غيرك...


يلا عاين معاي كويييس. التناقض في الآتي:
إنت قلت (الأنثى إذا أخدت حرية زيادة عن اللزوم بتكون أسوأ من الشيطان) موش؟ أها هنا الحكم مطلق و أزلي يعني خكاية ما تأخد حرية دي قرار مسبق و قناعة أزلية...الكلام دا بيتناقض مع (ما لم تدفعه) الدفع هنا قلت ليك من المستجدات...يعني لو ما دفعتك مثلاً بتكون نسفت ليك القناعة الأولى مش كدى؟..أها دا التناقض البيّن..



التجني واضح و تاني بشرحو ليك...الإتهام الجزافي للمرأة في إن خياراتها الحرة دائماً شيطانية ( إذا أخدت حرية زائدة عن اللزوم بتكون أسوأ من الشيطان).. يعني سلبتها الذهن البيخليها تميز الصاح من الغلط و حاولت تأكد إنو أخلاقها هي فقط نتاج تسلط عليها، يعني من دون رقابة هي تفتقر للأخلاق الأصيلة في تركيبها... أها دا كان عندو إسم غير تجني قولو لي لو أقنعني طوالي بمسح كلمة تجني دي..


أول حاجة النون ال بالأحمر دي بياتو وجه حق إستبعدت منها آخرين؟
بعدين حكاية علمانية و حزبية دي داير تختها عنقرة ساي كدى عشان تشوف ليك منعرج جديد ... شفتا النزيعك سر..أخوك الكاشف دا ما عندو أي قناعة كاملة و مقدسة بنظرية و ضعها بني آدم، و لا بحزب بيعمي البصيرة... دحين أكان عندك ذهن مفتوح لنقاش بعيد من الإتهام الجزافي الذي لا تمتلك عليه دليل قول عوك... و كان داير تواصل في جنس الكلام دا الصفحة تسع الكل...


و من قبل التحايا

دحين أكان عندك ذهن مفتوح لنقاش بعيد من الإتهام الجزافي الذي لا تمتلك عليه دليل قول عوك...

اذاً عووووك
والله يدينا ويديك

ويبقى الود والاحترام بينا

[طارق صديق كانديك]

المشاركة الأصلية كتبت بواسطة بابكر عباس

- قانون السفر للقصر والنساء (دون سن معينة) بدون موافقة ولي الأمر موجود قبل الإنقاذ

الاجراء التحفظي القاضي بضرورة استكتاب موافقة ولي أمر القاصر موجود من قبل الانقاذ مافي ذلك شك.

وحول الواقعة موضوع البوست مع تقديري لرؤية استاذنا شوقي بدري إلا أنني لا أجد فيها ما يمكن أن نقول أنه اضطهاداً للمرأة، بالرغم من التصرف الفج من الذين تعاطعوا مع الأخت فائزة باستخفافهم واستهزاءهم اذ بمفهوم المخالفة " كما يقول أهل القانون" لو ركنا الى تقييم الدولة بتصرفات الموظفين العاميين لوجدنا أنفسنا في حيرة كبرى أمام كثير من الموظفين ما زالوا يمارسون مهامهم بمنتهى الدقة والاحترام ولا يجعلنا ذلك نتوصل الى نتيجة مفادها أن الدولة دقيقة ومحترمة.

ان اضطهاد الانقاذ للمرأة لا يحتاج الى جهد كبير للتدليل عليه فهناك عشرات النماذج توضح كيفية التعاطي مع المرأة في ظل الانقاذ ولا أعتقد أن حادثة المنع موضوع البوست احداهن.

[bayan]

سلامات العزيز شوقي وضيوفه
قبل فترة.سافرت السودان مع زوجة زميل لانها من الاقاليم طلب مني عمل اجراءات الخروج وبالفعا ذهبت الى المغتربين وقمت بعمل الاجراءات اعطيت انا التأشيرة ورفضوا الا ان.يأتي زوجها بأقرار من السفارة انه موافق على مرافقة الاطفال لها اندهشت جدا وقلت له هذه تذاكر رجعة وهي لديها اقامة في ماليزيا وطبعا عملت معاهم غاغة كبيرة وقلت ليهم انهم بشجعوا الرجال على الهروب من اولادهم المهم الزوج رسل الورقة ورجعت تاني الضابط قالي تعالي جوة مشيت قال يا بت العم نحنا عايزين نحميكم من البهدلة لأنه ف رجال رمم ببشتنوا اسرهم المهم بفتكر السبب دا ما مقنع
الانقاذ رجعتنا لزمن الحريم وبوظت مشروع تطوير المرأة وصارت المرأة مادية ومتداولة ولكن العزاء ان عدد الطالبات في التعليم العالي اكثر من51% مهما طال الزمن ستجد المرأة السودانية مكانتها طالما بتعلمن وطموحات وحتجي اجيال واعية جدا وتبقى في اماكن القرار
وبكرة بنياتنا يعملن الواقع احلى ويجملنه

[ود الحبوب]

المشاركة الأصلية كتبت بواسطة الجيلى أحمد

هل نحن بشر أم حيوانات تساق الى الجلد والترويض ,
هل نحن بهائم ليجلدنا صبية الجبهة قليلين الأدب والحياء والعلم والمعرفة ..

تبآ
ثم تبآ

ثم يأتى مستر عسوم ليحدثنا عن القنابير..

تبآ لأى قانون جائر يهدر كرامة الانسان
ويمرغ انفه بالتراب..

تبآ للجبهة الاسلامية ولقوانينها المهينة للمواطنات والمواطنين..

هؤلاء مواطنات لهن الحق فى هذا الوطن ,
ولا يحق لكم ياصعاليك أن تعتدوا عليهن باسم الله..

تبآ لكم ياصعاليك آخر الزمان

العم العزيز شــوقي بــدري

لك التحية والتجلة ..

رويدك عمرو(شــوقي)

يامن تتناسل نبضات حروفك
ألقا وعشقا سرمديا وفاء
للوطن الجميل وأهله الشرفاء
يا جرح الكبرياء
يامن يقدح الحرف بوحا
فينثال الكباء
لك من صميم القلب الثناء
يا من علمتني الإنحناء
حين يبرى الحرف رمحا
ويغرز في جوف الأراجيف الخواء
فقد ظمئت روحي
لمن حملوا ألوية التوحد والفداء
رويدك عمروُ (شـوقي)
فقد رميتني بحمى التخثر والبكاء
ثم أغويت سمار الظلال
الظاعنين على صهوات الأمنيات
بدنا الخيال في ربى الوطن الجميل
يستنطقون الذكريات ...
هل سيخرج المارد
من مهاد البيات
احقا عمرو ستأتي المهيرة
ويفوق أحفاد الخليل من الثُبات
وهل سنعيد تنقيح القصيدة
وهل ستسقط الهمم القعيدة
ومن يدبرون بخبث أضلاع المكيدة
وهل سنعيدها سيرتها الأولى ..
فتهب من ثُباتها شيكان العنيدة
والمهر دم ..
ومداد حرفِ
يكتب بنض الشعب ..
عاش الوطن العقيدة
أذن يا بشرى عزة
بكل من يكتب الوطن القصيدة

تقبل مـروري المتواضع ..
الحبوب