لماذا دوت مجاك؟!!!!

[ZEIN ABDALLA]

المشاركة الأصلية كتبت بواسطة أميرى

أما بخصوص تكبير زين و تهليل بابكر فذاك شعر ما عندنا ليه مقص
فليسطفلوا تنيناتهم يا عملات الشوام

...

يا ( يسورى) لم مشيت السودان لاحظت انه اثناء كلامى فى أي موضوع
يقوم الشخص الذى اتحدث معه بهمهمة ثم ضحكة ترابية مع رفع اصبعه
لأعلى وعندما تكررت الحكاية سألتهم عن معنى(الحركة الجديدة)البعملو
فيها دى فقالوا لي انهم بيكبرو. طبعآ اندهشت عشان الموضوع لا يستدعى
تهليل او تكبير.
هسع بابكر دا بيكون برضه رافع اصبعه.

[أبوبكر عباس]

المشاركة الأصلية كتبت بواسطة عبدالمنعم الطيب حسن

قيسك دي موجهة لي وجدي وليست لك
انت زول ساهي
زول الله ساكت
والكلام لو تفهم ليس موجها لك
العلامة يخاطب العلامة لا العوام

تصدق ما عنديش وكت
ما فاضي مشغول ياخ

الزمن متوفر لدى العوام
قيسك نموذجا

مصدقين انو ما "عندكش وكت" يا علامة من غير تشديد!
لكن الزمن الكتبت بيهو المداخلة دي، بكفينا، لو جاوبت فيها على أسئلة وجدي وقيس وفندت ليش كلام قيس فاضي وساهي وخمج؟
لو محتاج مساعدة لتفنيد كلام قيس، رسل لي في الخاص.

هامش:
قيس الأديب حاصد الجوائز، شنو يا أخوي قصة الإساءات الشخصية؟
من عبد المنعم مقبولة، لكن خائفين على البرستيج بتاعك "يا فنان"

[عبدالمنعم الطيب حسن]

المشاركة الأصلية كتبت بواسطة بابكر عباس

مصدقين انو ما "عندكش وكت" يا علامة من غير تشديد!
لكن الزمن الكتبت بيهو المداخلة دي، بكفينا، لو جاوبت فيها على أسئلة وجدي وقيس وفندت ليش كلام قيس فاضي وساهي وخمج؟
لو محتاج مساعدة لتفنيد كلام قيس، رسل لي في الخاص.

هامش:
قيس الأديب حاصد الجوائز، شنو يا أخوي قصة الإساءات الشخصية؟
من عبد المنعم مقبولة، لكن خائفين على البرستيج بتاعك "يا فنان"

هلا بابكر الطرة مع التشديد
اسمع يا وهم الله في برسيمو الزمن المقصود للرد على اساءات قيسه الشخصية
وليس للتفنيد كلام مفند جاهز ، نحن لا نعيد انتاج الازمة ولكنا نشير لها
وقع لك الان ...

.................................................. ..............................
المداخلة رقم 2000 دي بالله مش رقم مميز
سنة يالحيطة

[قيس شحاتة]

المشاركة الأصلية كتبت بواسطة عبدالمنعم الطيب حسن

قيسك دي موجهة لي وجدي وليست لك
انت زول ساهي
زول الله ساكت
والكلام لو تفهم ليس موجها لك
العلامة يخاطب العلامة لا العوام




تصدق ما عنديش وكت
ما فاضي مشغول ياخ

الزمن متوفر لدى العوام
قيسك نموذجا

لو التفاهة دي، هي كل ما في (جعبتك)*.. فليبسِط أبو حنيفة رِجليْه، وابشِرْ بطول سلامةٍ يا قيسك.


____
* يمكنك أن تختار بين الاستعانة بالقاموس المُحيط أو القاموس الشعبي؛ أيُّهما أقرب مسافة وأيسر سبيلاً إلى أفقك المحدود، وخيالك المُعتم، وتفكيرك النّي، وردودك المُتسخة، وحروفك النتِنة، وأفكارك الخِواء.. وكلامك الهَش.

[حافظ حسين]

العزيز وجدي سلامات
شايفك إتململت و زحفت علي أربعاتك لحد ما وصلت ميزك و هو وضع صورة هذا الرجل و لكن ما دام هذا إختيارك بقول ليك ( بخيته و سعيدة عليك الصورة و إنشاء الله تتربي في العز), و كونك تضع صورة الطيب مصطفي, الزبير باشا أو موسوليني فهذا لا يغير في الأمر كثيراً و صدقني أنا شخصياً لن يحرك في شعرة للحزن...
و بعدين ما تقولني كلام أنا ما قلته.... اصلاً انا ما قلت كل أهل الشمال الطيب مصطفي أنا قلت هؤلاء القوم... و في رد محدد لرأفت ميلاد علي قيس لكن الداير يلبس طاقية الطيب مصطفي أو يخت صورته فهذا أمر يخصه, لان لا يمكن أن أكون بهذه السذاجة حتى أعمم علي كل أهل الشمال, لأن من هؤلاء الشماليون عدد مقدر أبحرت سفنهم بعيداً عن شواطئ العنصرية النتنه و التحية لهؤلاء الأحرار أينما حلوا أو ارتحلوا.

شايفك دمغت كلام قيس بالعفوية, لكن أقول ليك ابداً ما عفوي في تقديري و لا قيس اظن من النوعية الممكن تكتب كلام ساي مطلوق في الهواء و نجي نقول عليه عفوي عشان نوازن نفسنا...
و بعدين شايفك يا وجدي بتناشد في رافت و بالحليفة كمان ما دام لام كلام زول الله مفروض يلوم كلام حافظ... مالك يا اللخو انت عفوي و لا ما عندك كيبورد؟
و بعدين قبل ما تجي تعمل لي شقلبانتك دي هنا أفضل يا وجدي الأسعد تخت رأي واضح حول قرار الإدارة بإيقاف دوت مجاك ثلاثة أشهر ؟

و لماذا دوت مجاك يا إدارة؟!!!

[قيس شحاتة]

المشاركة الأصلية كتبت بواسطة حافظ حسين

العزيز وجدي سلامات
شايفك إتململت و زحفت علي أربعاتك لحد ما وصلت ميزك و هو وضع صورة هذا الرجل و لكن ما دام هذا إختيارك بقول ليك ( بخيته و سعيدة عليك الصورة و إنشاء الله تتربي في العز), و كونك تضع صورة الطيب مصطفي, الزبير باشا أو موسوليني فهذا لا يغير في الأمر كثيراً و صدقني أنا شخصياً لن يحرك في شعرة للحزن...
و بعدين ما تقولني كلام أنا ما قلته.... اصلاً انا ما قلت كل أهل الشمال الطيب مصطفي أنا قلت هؤلاء القوم... و في رد محدد لرأفت ميلاد علي قيس(1) لكن الداير يلبس طاقية الطيب مصطفي أو يخت صورته فهذا أمر يخصه, لان لا يمكن أن أكون بهذه السذاجة حتى أعمم علي كل أهل الشمال, لأن من هؤلاء الشماليون عدد مقدر أبحرت سفنهم بعيداً عن شواطئ العنصرية النتنه و التحية لهؤلاء الأحرار أينما حلوا أو ارتحلوا.

شايفك دمغت كلام قيس بالعفوية, لكن أقول ليك ابداً ما عفوي في تقديري و لا قيس اظن من النوعية الممكن تكتب كلام ساي مطلوق في الهواء و نجي نقول عليه عفوي عشان نوازن نفسنا.(2)..
و بعدين شايفك يا وجدي بتناشد في رافت و بالحليفة كمان ما دام لام كلام زول الله مفروض يلوم كلام حافظ... مالك يا اللخو انت عفوي و لا ما عندك كيبورد؟
و بعدين قبل ما تجي تعمل لي شقلبانتك دي هنا أفضل يا وجدي الأسعد تخت رأي واضح حول قرار الإدارة بإيقاف دوت مجاك ثلاثة أشهر ؟

و لماذا دوت مجاك يا إدارة؟!!!

(1) أفهم من كلامك، يا حافظ ، اتهامي إنو أنا من زمرة الطيب مصطفى؟

(2) أنا هسّه يا حافظ داير أفهم العفوية دي شنو ذاتا؟ ولو لبّستَ كلامي العفوية دي، أو عرّيتو منها.. المدلول بتغيّر؟


___
حافظ.. في خِضم حربك الضروس ضد العنصرية.. خليك حريص ما تنزلق في ذات المستنقع البتنبّه الناس منو.

[حافظ حسين]

المشاركة الأصلية كتبت بواسطة قيس الصديق شحاته

(1) أفهم من كلامك، يا حافظ ، اتهامي إنو أنا من زمرة الطيب مصطفى؟

(2) أنا هسّه يا حافظ داير أفهم العفوية دي شنو ذاتا؟ ولو لبّستَ كلامي العفوية دي، أو عرّيتو منها.. المدلول بتغيّر؟


___
حافظ.. في خِضم حربك الضروس ضد العنصرية.. خليك حريص ما تنزلق في ذات المستنقع البتنبّه الناس منو.

يا قيس أنا ما وصفت كلامك بالعفوي علي الإطلاق ... هو كلام صادر عن شخص مسئول جداً عن أي حرف كتبه ... أنا تساءلت لماذا دوت مجاك يا إدارة و ردك كان علي التساؤل أن دوت مجاك يستحق الإيقاف لانه و لانه و لانه.... هنا في تقديري العفوية منتفية تماماً, و بعدين أصلاً انا ما جبت سيرة العفوية كي أكون مسئول عن تعريفها...
أما فيما يختص بأمر الطيب مصطفي فيا قيس أنها طاقية متسخة و مرمية و اللقاها مقاسو طوالي يلبسها

في الختام شكراً علي النصيحة و التنبيه و صدقني حذر جداً من هذا الأمر و ما تخاف علي

[رأفت ميلاد]

بما أنو هذا البوست مقرى من الإدارة أرجو تعديل أسمى فى المداخلة رقم 45 بواسطة الأخ قيس شحاتة .. عنوان المداخلة (http://sudanyat.org/vb/showpost.php?p=464435&postcount=45)

هذه ليست شكوى .. ولكن بعد تعديل الأسم إذا أعاده قيس سأفترض سوء النية وسأتصل بالأدارة بالقنوات الرسمية .. ليس لى أى إعتراض على باقى المداخلة .. وكل يكتب ما يراه مناسباً ومردود إليه .. ولكن لا أقبل التلاعب بأسمى

بالمناسبة ..

مداخلة حسين عبد الجليل .. له ولكل من أثنى عليها .. لم أرد عليها لأنى ليس لدى تعليق عليها .. لأن كل من يرى مداخلتى قبيحة بتعبير حسين فهو متعافى .. يا ليت رد أو تعليق حسين يحتزى به أمثال قيس شحاتة .. ويعرف الفرق بين الخاص والعام ..
تعليق قيس شحاته فى ترقيمه (9) جعلنى أصرف النظر عن كل الأرقام .. وذلك مفهومه الغريب بأن مداخلتى بينى وبينه .. كأننا على شات فى الخاص .. وأنوه مرة أخرى بأن ما يخصه شخصياً وصف مداخلته بـ(الضعيفة) .. لوصفه توت أجنبى يستغل منبر سودانى .. وأن توت ماجوجك زميل أقدم منه كثيراً جداً هنا وله بوستات قيمة .. فقط ربما عتاب .. رده لا يليق بشاعر ناجح مثله ..


تنويه آخر
ليس هناك أى تربص بالإدارة فى تداخلى فى هذا البوست .. ولا أتهمها بالعنصرية .. فقط مناسبة تداخلاتى هى كثرة ترديد كلمة (الأجنبى) الجوفاء التى أبتكرها زول الله بعنصرية بغيضة بدلالة عبارته السيئة .. وصراحة لم أكن أدرى بعقوبته أو عقوبة توت .. ولا أعتراض لى على قرارات الإدارة .. رغم منظورى الشخصى توت لم يقع تحت طائلة اللوائح .. ولكن هذا لا يمنع الإدارة من تقدير الحالة للمصلحة العامة .. لا أعتبره مؤشر فشل أو طعن فى الإدارة ..

وجب التوضيح ليس لدرء خطأ ولكن لكى يكون الحديث متعافى من أى لبس (شخصى)


على جمب
العزيز وجدى لا أستطيع مجادلتك فى وضعك الحالى .. فى أنتظارك بدون النيو لوك لكى أستمتع بمداخلاتى معك بمزاج عالى

[مهند الخطيب]

المشاركة الأصلية كتبت بواسطة قيس الصديق شحاته

حافظ سلامات ،،

لأنو دوت زول أجنبي استغل منبر سوداني عشان (يبشّرنا) فيهو بالغزو. وجا يتباهى إنو هسّه قاعد في هجليج خالِف رِجل علي رِجل. وحكاية إنو (الآخرون) دي، ما بقصد بيها الشعب السوداني، دا حنك بيش والله.

من حق دوت، يا حافظ ، يمارس الإعلان والدعاية لجيش دولته، لكن صعب نقبل تهليلو - في منبر سوداني - باحتلال مدينة سودانية.

قيس كيفنك؟
ياخ كلامك ده قدر ماقلّبتو (طبعا قاصد المعنى القريب مامعنى عندو علاقة بجعبتك بتاعت القاموس دي ) قد ماقلّبتو ابى يقع...

"أنو دوت زول أجنبي استغل منبر سوداني عشان (يبشّرنا) فيهو بالغزو."
واحدة واحدة ، حكاية انو يبشرك بالغزو دي واقعة تحت كلام مجاك انو قاصد المؤتمر الوطني ومليشياتو ، شنو الشي الخلاك تعتد بكلامو كلو وتقيف فيهو ألف أحمر كحامي لحمى الوطن وترفض في نفس الوكت كلامو الواضح انو قاصد مليشيات المؤتمر الوطني ؟!!!
وحكاية انو اجنبي دي فطيرة فطارة محل تمسكا نيّة ....
يعني نفهم هسي انو بعد انفصال الجنوب منتدى سودانيات ده بقى اسمو "منتدى سودانيات الشمالي العربي "؟
ورينا بالمرة الأعضاء الأمهاتم سودانيات وأبواتم جنوبيين ديل يستغلو المنتدى وللا يقعدو بادبم ومايستفزوا مشاعرك العالية ؟!!
ناس قرنق توماس وحاج متولي وزمرتم من الأجانب ديل يكتبو براحتم -تحت عباية اللائحة - وللا يقعدو مؤدبين ومايقربو من جنابك العالي ؟

وورينا الانفصالات الجاية ح يكون أثرا على المنتدى شنو يعني لمن يفصلو ويخلو الخرطوم دي برااااها كده منتدى سودانيات ده حيكون تابع لوين وناس منو؟ غايتو لو عاملو معاملة أرض المنشأ ح يتبّعو لهولندا وللا بالعدم للبركل فوق ونمرق كلنا من قعر القفّة !!!!

[مهند الخطيب]

بعدين والله شي يسر ياخ .....

زأفت ....... ومعتم ......

و(جعبة) من القاموس المحيط ما أي جعبة كمان ....!

أول مرة أحس بشاعرية الكلمة دي لمن كتبا واحد شاعر وصلّحو ....

عادي ممكن تزدان بيها واحدة من قصائدك العصماء ، يجي يغنيها زول الله....

[مهند الخطيب]

المشاركة الأصلية كتبت بواسطة أمين عام سودانيات

بسم الله الرحمن الرحيم


رداً على ما جاء فى هذا المفترع ,
أُؤمّن فى البداية على أحقية الأعضاء فى محاسبة الإدارة ونصحها وتقويمها وتغييرها إن داعى الحال فالنهج الديمقراطى هو ما نسعى لترسيخه كمفهوم فى أقوالنا وحراكنا فى هذا المنبر ..

ومفترع البوست إرتأى أن يخاطبها فى العام
مبرراً ذلك أن إفرازات ( قراراتها ) أزكمت أنفه !!!!
وعلمه التام أن الإدارة لا تحتمل مناصحتها فى العام !!
ولنا أن نتسائل أين هذه القرارات ومن اين أتاه العلم ؟؟
بالطبع لكل عضو أسلوبه ولغته التى تقود الى الهدف والغاية ..
أسلوبه ولغتة التى تكشف قدرته على التحاور الهادئ الرصين الخالى من الهمز والتعميم ..

جوهر الأمر أن السجال الذى دار بين العضو دوت مجاك والعضو زول الله تم الفصل فيه إبتداءً بواسطة الأمانة العامة بما رأت وفق تقديرها للأمر ..
ولا ندعى أن هذا التقدير منزه عن الخطأ ولا يأتيه الباطل من بين يديه ولا من خلفه فهو كغيره عرضة للمراوحة بين الخطأ والصواب ..
وإن كنا نجزم بخلوه من الغرض والهوى ونصيب النفس ..

ومعلوم أن قرارات الأمانة العامة ليست نهاية حتى يبنى عليها مفترع البوست عقيدة راسخة أنها هى من رؤية الإدارة ..
فالحق مكفول للعضو دوت مجاك لإستنئاف القرار الى مجلس الإدارة الذى يملك صلاحية نقض وتعديل وإلغاء القرارات الصادرة من الأمانة العامة ومن ثم تصبح أحكاماً نهائية تبصم بها الإدارة حسناً وقبحاً ..

والبوست سيستمر
لا لأنه يتفق مع اللائحة التى لن يكون أحد ما أكبر منها ..
ولا لأن المعنى هنا الأمبن العام و أربأ بنفسى أن اكون الخصم والحكم ..
لكنى أرى فى إستمراره تكمن قدرتنا على ممارسة الديمقراطية فعلاً لا قولاً ..

إذن
لست فى حاجة لتنزيله ثانياً وثالثاً ـ كما سبق لك أن فعلت ـ
ولاحاجة تدعو لفصلك كما تقول ..
وفى الختام وكدأبنا ونهج نعتقده فى معالجة أحداث هذا المنبر لن نقف كثيراً فى إتهامات ( الغرض والتطفيف والعبث وعدم الأمانة ) التى صرفتها للأمين العام هكذا بكل يسر وأريحية ..

وقبل أن تضعنا أخ حافظ فى النسخة المؤدبة لزمرة الطيب مصطفى أدعوك أن تتحسس وقع اقدامك فأنت على مشارف الوقوع فى هاوية ما تنأى عنه ..

ولك السلام اصدقه ...

طبعا ياأمين عام سودانيات ، مداخلتك كالعادة قطعة ادبية ان كان في محتواها أو لغتا ،،، لكن في حتة صغيرة ماوقعت لي :

في مناسبات سابقة قد تذكرها كنا نتحرج عن مخاطبة الادارة تحاشيا للوقوع في (عب) اللائحة ، ويمكن متذكر كمان بوست "ماذا يحدث هنا في سودانيات" ، هسي جينا اكتشفنا انو من حق أي من العضوية النصح والانتقاد وكمان تغيير الادارة !!!
يعني الحتة الصغيرة القاصدا انا نخاطبكم هنا في العام وللا بتوقفونا لو عملناها ونخاطبك في الخاص؟
الزميل زول الله ده قبل كده سالكم في العام اتشكا بايقاف في صمة خشمو ، هسي الاختلف شنو ؟
وللا الحكاية مزاجية أو خلينا نقول انها تكرّم منكم وكت تروا انو لاغضاضة المرة دي من انو نتسئل في العام ....
حتى مداخلتك دي زادت الحيرة ، بتشير لقداسة اللائحة وانو ماف زول فوقا وفي حتة تانية بتقول انصحونا وناصحونا ......

بعد توضح لي النقطة دي ، الله لايسيئك ورينا ليه زول الله شهر ومجاك تلاتة ؟!! (طبعا السؤال ده بيعتمد على انو توضيحك للنقطة الاولى يكون انو ممكن نناقشك في العام ....

هذا مع كامل مودتي مرفقة ......

[أسعد]

كم هو مضحك ردك الفطير يا حافظ
ما تتخيل انا ضحكت قدر شنو؟!!!!
قلت لي (طاقية) الطيب مصطفى انت جدعتها في الهواء الطلق والبلقاها قدرو يلبسها؟!
احيييييييييييي انا!!
طيب البخلي كلامك طاقية وكلام زول الله عن لا تشتري العبد الخ سروال شنو؟!

طبعا باقي كلامك ما بشتغل بيهو لانو محض بطبطة ساااااااي
المؤسف يا حافظ ما كلامك
لانو ما كلام جديد علينا قبل كدة رشيتنا بيهو وجيت تاني نكرتو واسي رشيتنا بيهو ونكرتو وحتقعد تلف في الحتة دي كدة
الجديد والمؤلم هنا هو اسلوب رد رافت في عدم ادانتك علي كلامك دا
والادهى والامر انو طلع فيهو حاجات جيدة كمان !!!!




فيما يخص وضعي لصورة الطيب مصطفى
فعلاجكم بالصدمة جاب نتيجة عكسية

[مبر محمود]

المشاركة الأصلية كتبت بواسطة وجدي الأسعد الأسعد

موش الليبرالية دي
حلال عليكم
وشوية كدة والواحد يقول
(الطيب مصطفى مضمون ولا ليبرالية مجهجهة)

عزيزي وجدي، أراك وضعت الطيب مصطفى في مقابل الليبرالية، وهذا منطقياً لا يستقيم. فكأني بك تقول إن أمثال الطيب مصطفى لا مكان لهم وسط الليبرالين أو إن الطيب مصطفى والليبرالية على طرفي نقيض، وفي رائي إن كل هذا يفتقر إلى الصواب. فمن بين ظهراني الليبراليه خرج عتاة العنصريين والعنصريات، وأكاد أجزم إن العنصرية لم تجد لها حاضن رؤوم أكثر من الليبرالية، بل إن بعض المفكرين بعد أن وقفوا على مخازيها وأثرها في واقع الناس ذهبوا إلى إعادة تعريفها بأنها فكرة "بيضاء" "ذكورية" [ولهم في كل هذا تفاسير وتفاسير وقرائن وقرائن] ولا يغرنك أوباما الأسود في البيت الأبيض والحساب ولد!
وبما إن مقام هذا البوست لا يسمح بالإسترسال أكثر في تقعيد رؤوس مواضيعي بعالية فسأكتفي بهذا القدر على أمل أن نعود إليها في سانحة أخرى. ولكن قبل ذلك، سأمنحك بعضاً من فيوض عنصرية السادة الليبرالين، وفي السادة سأمنحك من السادة التقال، السيّد فولتير شخصياً، صاحب المقولة الخالدة التي يرددها الديمقراطيين والديمقراطيات على إمتداد العالم: "إنني أخالفك الرأي لكنني على استعدد أن أدفع حياتي ثمناً للدفاع عن حقك في التعبير عن رأيك". يا لها من مقولة جبّارة ولكن للأسف قائلها هو نفسه الذي كتب هذا الكلام أدناه:

فيما يتعلق بالاختلاف بين الأجناس البشرية فليس من الممكن إلا لشخصٍ أعمى أن يشك في أن البيض، والزنوج، والهوتنتوس، واللابون، والصينيين، والأمريكيين [الأصليين]، هم أجناسٌ مختلفةٌ تماماً، وليس هناك من رحالةٍ مستنيرٍ مرَّ في طريقه بلايدن ولم يشاهد ذلك الجزء من الغشاء المخاطي لأحد الزنوج، جففه وحفظه رويتش. وقد اشترى منه القيصر بيير العظيم
(Pierre le Grand ) كل البقية الباقية من ذلك الغشاء، وقام بنقله إلى كابينة الأشياء النادرة ببطرسبورغ. وهذا الغشاء أسود اللون؛ وهو الذي يقوم بوظيفة نقل وحفظ هذا السواد الموروث عند الزنوج، والذي لا يفقدونه إلا في حال الإصابة بمرض يؤدي إلى تمزيق هذا النسيج الجلدي، ويسمح للشحم بالتسرب من خلايا الزنجي، تاركاً على بشرته بقعاًً بيضاء. إن عيونهم المستديرة، وأنوفهم المنبطحة، وشفاههم الغليظة دائماً، وآذانهم المشكَّلة بصورةٍ مختلفة، وصوف رؤوسهم، ومستوى ذكائهم، يضع بينهم وبين الأجناس البشرية الأخرى اختلافاتٍ خرافية. ومما يؤكد أنهم لم يكتسبوا هذا الاختلاف بفعل المناخ، هو أن زنوجاً وزنجياتٍ تم ترحيلهم إلى بلادٍ باردة، ظلوا يواصلون دائماً إنتاج حيواناتٍ من جنسهم".

وأيضاً:

"إن الغشاء المخاطي لدى الزنوج، الذي تأكد أنه اسود اللون، وألذي يرجع إليه السبب في سواد بشرتهم، هو الدليل القاطع على أنه يوجد في أصل أي جنسٍ من الأجناس البشرية، مثلما هو الحال في النباتات، مبدأٌ مؤسس يجعلها تختلف عن بعضها بعضاً. إن الطبيعة قد أخضعت لهذا المبدأ تلك الدرجات المختلفة من الذكاء وتلك الخصائص التي تتميز بها الأمم، والتي نادراً جداً ما تتغير. ومن هذا المدخل فإن الزنوج هم عبيد البشر الآخرين. إننا نشتريهم في سواحل إفريقيا مثلما نشتري الحيوانات" (...) وقد علمتنا التجربة لمرةٍ أخرى أي قدرٍ من التفوقٍ يحظى به هؤلاء الأوروبيين على الأمريكيين (الأصليين) الذين بعد أن تمت هزيمتهم بسهولة في كل مكان، لم يجرؤوا أبداً على أي محاولةٍ للقيام بثورة، على الرغم من أنهم كانوا يشكلون أكثر من ألف شخصٍ في مواجهة كل واحدٍ من البيض".

وأخيراً:

"وبإمكان المرء أن يقول إنه إذا كان ذكاءهم لا يختلف من حيث النوع عن ذكائنا، فإنه متخلفٍ عنه بفارقٍ عظيم. فهم لا يملكون القدرة على التركيز الشديد؛ وقدرتهم على التركيب والترتيب والتصنيف ضعيفة جداً. ويبدو أنهم لم يخلقوا لكي يمتلكوا القدرة على مميزات فلسفتنا ولا مساوئها. وهم السكان الأصليون لهذا الجزء من إفريقيا، مثل الأفيال والقرود؛ وهم محاربون أشداء وقساة في الإمبراطورية المغربية، وفي أغلب الأحيان يتفوقون على الفرق العسكرية لهؤلاء السمر ذوي البشرة النحاسية، الذين نسميهم بيضاً (يعني المغاربة): ويعتقدون أنهم ولدوا في غينيا لكي يُباعوا للبيض ليخدموهم. وهناك صنوفٌ متعددةٌ من الزنوج؛ فزنوج غينيا؛ وزنوج أثيوبيا، وزنوج مدغشقر، وزنوج الهند ليسوا متماثلين(...) ولا تعرف الأقوام السوداء التي ليس لديها سوى القليل من التجارة مع الأمم الأخرى، أي نوعٍ من العبادة. إن أولى درجات البلادة هي أن لا يفكر المرء إلا في الحاضر وفي حاجات الجسد ورغائبه".

وحديث فولتير هذا ليس وحده في فضاء أحاديث صنّاع الليبرالية وساداتها، خذ حديث "لينكولن" كمثال أخر، أأي لينكولن ذاتو محرر العبيد!!:

عندها سأقول إنّني لستُ - كما لم أكن أبدا - من محبّذي ومنادي المساواة الاجتماعية والسياسية بين عرق البيض وعرق السود (تصفيق)؛ كما إنّني لست - ولم أكن أبدا - من المحبّذين لمشاركة الزنوج في هيئات المحلّفين أو كناخبين؛ ولا لتأهيلهم حتّى يشغلوا الأعمال المكتبية الإدارية؛ ولا للسماح لهم بالتّزاوج مع البيض؛ كما أقول بالإضافة لذلك إن هناك فرقا فيزيقيّا بين أعراق البيض وأعراق السّود وهو فرق أومن بأنّه سيحول للأبد بين أن يعيش العرقان مع بعضهما البعض في مساواة اجتماعية وسياسية. وطالما أنّهما لن يتمكّنا من العيش في ظلّ مساواةٍ ما بالرغم من بقائهما مع بعضهما البعض عليه لا مناص من أن يتميّز العرق الأبيض بوضعية التّفوّق والسّمو والاستعلاء".

الكلمة ألقاها لينكولن بولاية إلينوي ضمن مناظرة "لينكولن- دوقلاس".

[أسعد]

مبر تحياتي
وكعهدك دايما بتجيب الحاجة وضقلها يكركب
شكرا لك وانت تتحفنا وتكشف لنا عنصرية عتاة الليبرالية
ولكن يا عزيزي هل معنى هذا ان (الليبرالية) كفكرة تعتبر عنصرية ؟!
بالطبع لا
فالافكار الانسانية في عمومها جميلة ولكن المشكلة في التنفيذ
حتى ديننا الحنيف شوهته ايدي النافذين في القرار تحت اسم الدين (الطيب مصطفى) انموذجا

فكرة الليبرالية في عمومها فكرة انسانية جميلة
لكن البقدر علي تطبيقها منو؟!
ناس رافت ومهند ديل؟!
الذين يتلببون عنصرية زول الله ويقضون الطرف عن عنصرية حافظ المضادة

[حافظ حسين]

المشاركة الأصلية كتبت بواسطة وجدي الأسعد الأسعد

مبر تحياتي
وكعهدك دايما بتجيب الحاجة وضقلها يكركب
شكرا لك وانت تتحفنا وتكشف لنا عنصرية عتاة الليبرالية
ولكن يا عزيزي هل معنى هذا ان (الليبرالية) كفكرة تعتبر عنصرية ؟!
بالطبع لا
فالافكار الانسانية في عمومها جميلة ولكن المشكلة في التنفيذ
حتى ديننا الحنيف شوهته ايدي النافذين في القرار تحت اسم الدين (الطيب مصطفى) انموذجا

فكرة الليبرالية في عمومها فكرة انسانية جميلة
لكن البقدر علي تطبيقها منو؟!
ناس رافت ومهند ديل؟!
الذين يتلببون عنصرية زول الله ويقضون الطرف عن عنصرية حافظ المضادة

شوف يا وجدي الأسعد عشان الموضوع ما يكون دق كيبورد و نعيق في الفارغ... جيب لي عنصريتي هنا دا.... لو كان مضادة أو عديلة؟
و أنا في انتظارك عشان ما تجي تصرف لي عربي في الفاضي ساي....