مبروك لعصام عبد السلام ونبراس الزواج

[ياسر كبوش]

يااسلااااام على الاخبار البتفرح بجد
نبراس يا عزيزة مليار مبروك
الف مبروك وربنا يتمم ليكم على خير
اسال الله ان تظل السعادة حياتكم والفرح يضلل كل ايامكم
وبيت مال وعيال

[طارق صديق كانديك]

هكذا تملأنا الفرحة بكما والحبور.

ألف مبروك ليتنا كنا بينكم من الحاضرين.

الصديقين عصام/نبراس نثر الله السعادة بينكم وبارك لكما وبارك فيكما.

غايتو عصرتو علينا بي قصة الفطور دي

شكرا اسامة

[فتحي مسعد حنفي]

حرم وقسما عظما الا أركب طيارة وأجي أبارك ليكم شخصيا ان شالله في حلفاية العبيدبس ما قلتو لينا العقد متين

[آيات]

هههههه الوافر ضراعو


نبروسة العروسة الف مبروك
و
عصام الوافر

خبر جميل بالجد جعلني في غاية السعادة لكما
أتمنى لكم حياة زوجية ملئ بالفرح والحبور
وربنا يهنيكم

[هيثم علي الشفيع]

المشاركة الأصلية كتبت بواسطة اسامة عبدالماجد

15/6 عنوان الفرحة الكبرى بزواج نبراس وعصام عبدالسلام .



[/SIZE]

المشاركة الأصلية كتبت بواسطة فتحي مسعد حنفي

بس ما قلتو لينا العقد متين

ياصباح السمسمية يا عم فتحي



الأستاذ المهذب عصام
ست الحريم لي حدّهن نبراس

ألف ألف مبروك وربنا يجعلوا عامر إن شالله

وعفينا ليكم فطتنا في العقد لكن في الربة الكبيرة ما عافي ليكم عديييييييييل كان ما رجيتوني أرجع من الخلا

[آيات]

المشاركة الأصلية كتبت بواسطة وهاد ابراهيم محمد

غايتو لأنو سارة مقاطعة المنتدى فانا نيابة عنها حأقول ليك يا نبراس:
يا ست أبوها وأمها
مبرووووووووك والله ألف مبروك
مبروك أ. عصام
ربنا يسهل ويتمم على خير
وسعادة تبراكم وتغطي عليكم لآخر العمر ياااااااارب.

جميل والله خبرك يا أسامة.
ربنا يمد علينا توب الفرح كمان وكمان.

[بدر الطائف]

الف الف مبروك عصام ونبراس .
وربنا يتم ليكم على خير.

[ابوبكر حسن]

أتم الله سعدكم
وجعل السكينة والطمأنينة في داركم
ورزقكم الولد الصالح
والرزق المبارك الوفير.


الف الف مبروك عصام ونبراس .

[سمراء]

يا الله يااااخ
الدنيا دى كلما احزن بتقوم تراضينى بشى حلو
واهو الليلة اديتنى بالزيادة وفاضت

نيبو حبيبة الكل
ماعارفة اقول ليك شنو ؟؟!
بس انت وعصام حقيقة زول واحد فى روحين
ربنا يسعدكم يارب
ويحقق كل امنياتكم

والف مليارات المبروك
لحد ما اصلك الليلة باى وسيلة يافقر

[حافظ حسين]

الف مبروك يا عصام و نبراس و بالرفاه و البنين

[خالد الصائغ]

الف مبروك نبراس و عصام

بارك الله لكما و بارك عليكما و جمع بينكما علي الخير


زاهرات الأماني بحياة موفقة مكتملة السعادة و الهناء



شكرا اسامة علي طاقة الفرح الفتحتها هنا

أطيب المني

[زاهر صديق الطيب]

أجمل التهاني الصادقة
لكما عصام ونبراس ..
وجعله الله زواجآ مباركآ ..

[عصام عبد السلام بابكر]

هو موسم للزهو
لا الحقب العجاف تعيق موكبنا
ولا الرياح العاتيات تصد مركبنا
نحن بالعزة قاومنا
مازجنا السنة الرمادة بالتفاؤل.. وامتزجنا
ثم لونا الخلايا
بارحنا السكينة واندلقنا

*****
منكم نستمد المقدره على صنع زمان اجمل
احبكم جميعا دونما ترتيب

[أسعد]

يا حليلك يا عصام
بي موية وكملت!!
ودعت عهد الحرية
ومضيت خاضعا الي عبوديتك



ما لنا ان نقول لك الا كما قلنا للسابقين لك
الله يخلف عليك بالذرية الصالحة

[أسعد]

ما بال قومي
يلقون انفسهم الى التهلكة؟!

gap