اقتباس:
المشاركة الأصلية كتبت بواسطة
الأخ سيد احمد محمد علي المامون
الحزن لا يتخير الكيبورد وعاء..
وزول زي دا الكلام عنه صعب
ياخي ظن فينا الظن الحسن 
لا تجاهلناه ولا حاجة
ودونك المقالات التي انزلتها في الصفحة الرئيسية ل
ماها المحرية فيك.. المفروض تتابع هنا وتتابع الصفحة الرئيسية..
ملس زناوي.. رغم اختلاف الاثيوبيين حوله، فيما يخص حقوق الاقليات وقضية الصومال واريتريا.. إلا أنك لن تجد من يتهمه بالفساد او عدم المسؤلية
وحسب ما اتيح له من ظروف فقد استطاع النهوض بالاقتصاد الاثيوبي بصورة ملحوظة....
نعزيهم وين؟ في ؟
نحن شغلنا بيان بالعمل.. وما هو وقوف في الساحة الخضراء ياخ
الله يشهد في الليلة السابقة للتشييع اخوك في مطار الخرطوم صالة المغادرة الى أن دخل كافة المسافرين بطائرة الخطوط الاثيوبية المتوجهة لاديس والتي تصل هناك السادسة صباح يوم التشييع...
اها في مشاركة أكتر من كدا؟ |
.. اخي اشرف .. اولا اعتذر .. لسقوط اسمك في بداية المداخلة الاولي لاني كتبته هكذا ... ( الاخ والصديق اشرف المستحبش ) .. لا ادري كيف اختفي .. .. وظهرت فقط كلمة الاخ ... ولم انتبه لذلك ..
... طيب انت وقت كنت في صالة المغادرة .. لو بس عملت.. ( برنت اوت) ... للبوست ده .. مش كنت احق برئاسة الوفد المغادر للتعزية ...
... وبعدين
.. صحيح انك اوردت الخبر .. والمقالات في الصفحة الرئيسية .. ولكن ما شفنا لينا .. سرادق بكاء منصوب .. في الداخل ... وانت قايل الحبوش ما .. ( متابعين معانا ) .. .. علي الاقل في ( فراش ) .. الداخل و من .. ( دفتر العزاء ) ... نفرز البجي في .. ( الحلوة ) وما .. بجي في .. ( المرة ) ...
.. دي ذكرتني قصه
.. في واحد كان ببيع ( خمر) ... قبل ( الاسلام / سبتمبر) ... ولديه زبون منتظم لا يغيب ابدا ... بعد ( الاسلام / سبتمبر ) الراجل غير الاستثمار الي محل ( باسطة ) .. برضو .. صاحبنا بقي زبون منتظم ... وفي يوم الزبون المنتظم ده قال لي لصاحب الاستثمار ... والله نحنا... في .... ( المرة ) .. و ( الحلوة ) ... معاك ... !! شفت كيف ..
... فعلا اثيوبيا وافريقيا فقدت رجل عظيم .. ورغم الاتهامات بفرضه قيود علي الصحافة والمعارضة .. وحقوق الانسان ... ولكن يحمد للرجل انه انتشل اثيوبيا من الفقر ... وكما قال احدهم .. "الاشادة بالقادة ولزوم الصمت عن اخطائهم الجلية هما أمران نصادفهما في كل انحاء العالم".
... الرجل .. حظي بتكريم ارثوذكسي .. واصبح بطل .. ودفن في كنيسة الثالوث الاقدس ... مكان البطاركة الارثوذكس .. وابطال اثيوبيا ...
.. غايتو ده توقيعي في دفتر العزاء ... و ( معواني ) .. في الضريح .. و علشان امرق من لوم .. الاحباب ... لمن امشي الهضبه ..
.. كل الحب ...
