الخيانة فى السراير الاربعة

[حسين عبدالجليل]

المشاركة الأصلية كتبت بواسطة ماريل

جمع سرير
(اسره)وليست سراير
سراير دى جمع(سريرة)
والسريرة هى (ما عقدت عليه العزم فى السر)
او هى(النية) .....

التحية لأم التيمان و ماريل ( و جميع آل سودانيات بدون فرز) .

بالاضافة الي أسرة فجمع سرير : سُرَر , وسُرُر
{ عَلَى سُرَرٍ مَوْضُونَةٍ } . { وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ }

[زول الله]

يا ام التيمان
بوستاتك صارت مرتعاً لكثير من المثقفين لدرجة (يغالطو) بعض فيها
ومفرداتك يالها من مفردات لاشبيه لها إلا في الآيات القرآنية
أحييك والله
وليييييييييييييي قدااااااااااااااام

و............الباقي على الله




اقول قولي هذا واستغفر الله لي.............

[ام التيمان]

المشاركة الأصلية كتبت بواسطة جيجي

التحايا ماريل
ربما كانت كلمة سراير حسب المعنى الاصلي هي البعد الاخر لنفس القصة
انا ايضا احسب انها تقصد التعدد
اما البعد الثالث فهذا التصوير الام تيماني النكهة
لها التحية

سلامات جيجى
سراير كلمة عامية تعطى الخاطرة بعد موسيقى
اكثر عمق من اسرة
لذلك فضلتها
تحياتى جيجى

[ام التيمان]

المشاركة الأصلية كتبت بواسطة قيس الصديق شحاته

ما ممكن gap

لكن عشان خاطرك يا أمهم نخليها ممكن
المافي شنو

يا قيس
شكرآ على الكرم الحاتمى دا
المافى شنو

مودتى

[ام التيمان]

المشاركة الأصلية كتبت بواسطة محمد الجزولي

تخيلي أصلو ما ممكن
----
لكن زي ما قالوا ليك وانا بقولك عشان خاطر التيمان نخليها ممكن


سلام

محمد الجزولى ازيك
كلو ممكن
ليس هناك مستحيل
تحت الشمس

[ام التيمان]

المشاركة الأصلية كتبت بواسطة زول خرافي

تقصدي جاره عربي زي عكود كدا





يا دكتوره الجاتك في عربيك زي الشرا في القندول

يا خرافى ما تبالغ
جارة عربى زى عكود؟
ياخى العربي بتاعى دابو زى شفع الروضة

تقصد عربيتى المرسيدس؟

[ام التيمان]

المشاركة الأصلية كتبت بواسطة بابكر عباس

يا خرافي كيفنك؟
قبل شوية جيت أقول لولدي: طلّع "السراير" في الحوش، تراجعت، لانو خفتو يطلّع أسرارنا في السهلة!
قلت ليهو طلّع الأسِرّة في الحوش، قال لي: قلت شنو؟!

يا رويعى ابو دم خفيف
انا برضو قلت شنو

[ام التيمان]

المشاركة الأصلية كتبت بواسطة ماريل

مستحيل
لانو حميد(ربنا يرحمه)
كان كلما اوغل فى العامية
كلما اغرقنا فى الادهاش
وهذه خاصية اختص بها وحده
لالالالالالالالالالالاشريك له....

ليس هناك مستحيل
حميد انسان
و ليس اله

تحياتى

[ام التيمان]

المشاركة الأصلية كتبت بواسطة أسامة معاوية الطيب

ياخوانا ماريل دي مش اتخرجت بـ (مرتبة) الشرف ... كمان دايرين تغالطوها في السراير !!!


ماريل ياخي والله الغلو ما حبابو
ام التيمان ازيك

اسامة سلامات
معليش
ماريل دى اصلها بتحبنى شديد

[ماريل]

المشاركة الأصلية كتبت بواسطة ام التيمان

اسامة سلامات
معليش
ماريل دى اصلها بتحبنى شديد

تصدقى يا ام التيمان
مافى سبب فى الدنيا يخلينى
اكرهك البكرهك هو الشخص
الذى لا يفتح عينيك على حقيقة الاشياء
ولا يقول لك انك غير موفقة فى كذا
او كذا من اطروحاتك البكرهك بالجد
هو الشخص الذى كل ما كتبت شئ
قال لك(جميل ورائع)هو الشخص الذى
لا ينتقدك لان النقد يفتح عينيك على افق ارحب
اما التطبيل يجعلك تسيرى بلا بوصلة
فتتسارع خطاك نحو الهاوية
ثم يبتسم عندما يحقق غرضه الخبيث....

[اشرف السر]

ام التيمان سلام


ماريل حسب اعتقادي لا تكرهك.. لأن من ينقدك او بالاصح ينقد كتاباتك فهو يضئ الطريق أمامك...
لو كرهتك حقاً لتجاهلت كل ما تكتبين...


تعجبني "بعض" كتاباتك وان كنت أعيب عليها الاختزال المخل بالمعنى - ولعلك لاحظت أن الكثير من المتداخلين مع ما تكتبين يدورون في فلك أن يفهموا المعنى-
امنيتي أن أرى لك كتابة أكثر وضوحا وتفصيلاً..
وأن تتعدد محاور الكتابة ولا تختزلي ما تكتبين في محور المرأة فأنت انسان قبل أن تكوني إمرأة ولك مجتمع يغص بالمشاكل الاجتماعية والاقتصادية والسياسية والاخلاقية، آمل ان توسعي أفق الكتابة عندك وتتطرقي للمزيد من المحاور..

مع خالص المحبة والاحترام

[ام التيمان]

المشاركة الأصلية كتبت بواسطة رأفت ميلاد

سلامات يا أم التيمان ..
غايتو أنا شايف السراير بتشرح الموضوع أكتر من الأسرة .. كان تخليها العناقريب أبلغ .. موش فى مثل بقول (يا حليل الرجال البكسروا العناقريب)

بجدية كده .. لمستى زاوية مهملة فى قصة التعدد .. وهو وصف المرأة فى السرير فى وضع المغتصبة .. عندما يذهب الفحل لكل واحدة فى يومها سالى سيفه .. أهو هذا الزواج ؟؟ .. هل هذا هو أساس العلاقة الزوجية ؟؟

وهذه المرأة علاقتها الزوحية تتم كل ثلاثة أيام فرضاً إذا كانت تريد أو لا تريد .. فهى فقط مطية يوم الجمعة ويوم الثلاثاء .. تنتظر يومعها والفحل يتنطط يومياً ما شاءالله ..


لماذا لا يكون للمرأة وضع فى هذه المعمعة

سلامات رافت
كثير من الناس يكتبون بالعامية و ليس هناك مشكلة فى فهمها
و عندما استعملت كلمة سراير وجدتها تتماشة اكثر من الاسرة
يا رافت فان ما تعانية المرأة من ظلم و قهر بسبب تعدد الزوجات يفوق الوصف
بعض الاحيان يجعلها لا تفكر فى الطلاق بل تفكر فى الانتقام اكثر

[ام التيمان]

المشاركة الأصلية كتبت بواسطة بابكر مخير

بابكير
ضحكتني
ودي أكيد أو مرة تقول شئ مضحك وأنا كلي ثقة أنها "طلقة" العمر التي لن تتكرر،،

يا مخير
الزول لسانو حلو بالحيل

محبتى

[ام التيمان]

المشاركة الأصلية كتبت بواسطة حسين عبدالجليل

التحية لأم التيمان و ماريل ( و جميع آل سودانيات بدون فرز) .

بالاضافة الي أسرة فجمع سرير : سُرَر , وسُرُر
{ عَلَى سُرَرٍ مَوْضُونَةٍ } . { وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ }

حسين سلامات
و شكرآ على الاضافة القيمة

[ام التيمان]

المشاركة الأصلية كتبت بواسطة زول الله

يا ام التيمان
بوستاتك صارت مرتعاً لكثير من المثقفين لدرجة (يغالطو) بعض فيها
ومفرداتك يالها من مفردات لاشبيه لها إلا في الآيات القرآنية
أحييك والله
وليييييييييييييي قدااااااااااااااام

و............الباقي على الله



اقول قولي هذا واستغفر الله لي.............

سلامات زول الله
اتمنى ان تكون مرتعأ لكل الاعضاء و تنال اعجابهم
و الغلاط دليل عافية
و المفردات القرآنية لا تخرج من القاموس العربى
تحياتى