ذهب الظمأ وابتلت العروق وثبت الآجر ان شاء الله مع الاحتفاظ للعزيزة سماح
بالحق الادبى
عزيز سلامات ويسعد مساك
اولا اتصلت اكتر من مرة وحظى العاثر لم يسعفنى المهم ام رزين ما قصرت
وقامت بالواجب مشكورة وادتنى المعلومات الكنت محتاجاها هذا بخصوص التلفون
والذى بخصوص شقق بنك الخرطوم وبالمناسبة مبروكة عليكم الشقة.
ثانيا وبعيدا عن دا كله يا عزيز والله جيت لقيت البوست بقى زى الربيع السودانى
يولع ويطفى يولع ويطفى لامن جاب الدم للركب وهنا الزول لازم يقول كلمة
لله وللحق.
اولا رغم اهداف البوست الـ كل زول استغلاها عشان يقول العندو ورغم عذوف
الاخ ناصر من ايضاح هدفه الا انك يا عزيز حتى لو كنت مظلوم حسب وجهة
نظرك فانت هنا ظلمت الناس وظلمت روحك واول شى ظلمت صاحبك وارثه.
سودانيات يا عزيز احب اقول ليك نبوءتك خاطئة وظالمة فى حقها .لقد مات خالد
وسودانيات حية لا تموت ..بفضل الله وبفضل من حملوا الامانة وعملوا فى صمت
لا مًن بذاك ولا كلام...لا اريد ان اعيد سبب استقالتك التى وحسب علمى التام
وحسب ما ذكر انك كنت تريد صلاحيات ومفاتيح حسب كلامك الانا متذكراهو وعند اعلامك بانها من اختصاص
الامانة العامة زعلت وضقت وقررت الرحيل وانا أشهد بذلك امام الله وامام الناس
وامام ضميرى ومستعدة لاحلف على المصحف الشريف اما ان كنت تضمر شيئا
فى نفسك كما تفضلت فهذا انا لا اعلمه.
موضوع البوست وحسب وجهة نظرى هو فى مجمله علاقات الاعضاء ببعضهم
فيما يختص بادارة الحوار وان كان اتوقع له اهداف لم يعلن عنها صاحب البوست نفسه
لذلك مداخلتك يا عزيز كانت مرة كطعم الحنظل جيت طوالى شايت فى الادارة
وتبكى على سودانيات..انت يا عزيز خالد دا صاحبك ورفيق عمرك انت عملت شنو
للموقع دا؟؟؟ اوعى تقول لى كنت ناوى اعمل لكن ما ادونى فرصه العمل لاعلاء
شان المكان والمحافظة عليه من اجل خالد عليه الرحمة والهدف الذى قصده لا تكون
بمداخلات تاتى لنقد ادارة منتخبة فى بوستات كبوست ناصر او بوستات المشاكل
تعال الى كلمة حق واكتب وانتقد يا راجل يا دبلوماسى وتعال علم
الناس الما بتفهم فى الدبلوماسية شنو يعنى نقد وشنو يعنى اصلاح وما تعمل دا
عشانى ولا عشان الادارة ولا عشان الاعضاء تعال اكتب وانتقد عشان خالد حبيبك
وانت لو بتعرف خالد وبتحب خالد وصحى خالد صاحبك كنت عرفت
ماذا تعنى سودانيات لخالد . اهتمامك بعلاقتك بخالد وحرصك على المكان ومنذ رحيل خالد عليه الرحمة انا شخصيا لم ارى منك
ما يؤكد جملة واحدة مما تقوله انت يعنى لم تثبت ولا مرة حرصك لا على المكان
ولا على صاحبه .
نقد الادارة ومعالجة اخطائها يا عزيز وتصحيحها لا ياتى بالهجوم على افرادها
وتحين الفرص لذلك.
شىء واحد احب اقوله ليك صحيح انه بينى وبين خالد عليه الرحمة لكن انت صاحبه
لا يضر ان تعرفه خالد قال لى وبالحرف الواحد
يا سارة انا خليت سودانيات فى أيدى أمينة وانا بصراحة علاقتى بخالد ما زى حقتك
يعنى يا دوبك بس برضى مصدقاهو الله يرحمه ويحسن اليه وانا بأكد ليك ..يعنى نوم
قفا سودانيات فى أيدى أمينة والادارة الموجودة حاليا اقول ليك وبصراحة
ملائكة ....قليل من التلج لا يضر
وعكود رجل والرجال قليل
وانا متاكدة مليون فى المية عكود حريص
على سودانيات مثل خالد وزيادة حبة
اما المشاكل وما يحصل فى سودانيات دا دليل انه انحنا فى السودان وكما تفضل
الاعزاء حسين عبد الجليل وطيبان اهو ديل نحنا فى السودان كدا.وانت عضو فى سودانيزاونلاين
قول لى البيحصل فى سودانيز اولانين ربعه بيحصل هنا؟؟؟ ومع ذلك المنبر منارة
للسودانيين.
