سودانيات و (فقدان البوصلة) ،، وهل يستقيم المزاج ؟؟؟؟؟ !!!!!

[نبراس السيد الدمرداش]

المشاركة الأصلية كتبت بواسطة وجدي الأسعد الأسعد

جنس انتهازية في الدنيا دي!!
الواحد لو عاوز سم قاتل تقولوا دايرين معاهو
ثم بعدين حاولي تبتكري في الحنك شوية ياخ


يا سرورة ياخ راجيك في الخاص

ان شاء الله بس انتهازية واعيه
خليني انتهز مداخلتك دي وارجع لمداخلة ناصر الاولى

أهو فقدان لبوصلة التواصل
أهو فقدان لبوصلة المحبة
أم هو فقدانٌ لماذا يا تُري

؟؟؟؟؟ !!!!!

هي مجرد أحاسيس تعتمل في الروح ،،،

بوست غير قابل للتجزئة
غير قابل للتحاور
غير قابل للعودة إليه مجدداً ،،،

واقول ليهو رمضان كريم اولا
وثانيا مافي اي فقدان لبوصله
يمكن الناس انشغلت عن بعض شويه لكن متى ما اتمكنت بتتلاقى
واتلاقينا اغلب الناس في المنتدى الاخير مع اشراقه
واتلاقو في زواجي قبل شهر ونص
واتلاقينا في المستشفى لما مشينا لام ساره
وقبل 3 اسابيع لما جوني لعزاء حبوبه
واتلاقيتو في الكرنك مع اشراقه مصطفى وعم فتحي
واتلاقينا في منتدى كمال ميرغني
دا على ارض الواقع غير الاتصالات الهاتفيه والمسجات وملاقاة الفيس او الاسكايب او المسنجرات الكبيره يعني مافي بوصلة تواصل اتفقدت..وبما انو في تواصل معناها في محبه يا ناصر لانو ما ممكن تواصل زول ما بتكن ليهو محبه واهلنا بقولوا الكراع تدب محل القلب يحب

فقدان لماذا؟يمكن كلامي التحت دا تطلع منو باجابه

سودانيات مكان جمع الناس في نظري للتحاور في الادب الفن الفكر السياسه الدين العلم منبر لنشر وعي وثقافه ومحاوله لتغيير بعض المفاهيم المغلوطه في المجتمع ومكان للتوثيق ..شعارها امنيه تمناها صاحبها والحمدلله تحققت في مناحي كثيره من صداقات وعلاقات اسريه وزيجات كلها تحققت على هامش الفكره الاساسيه لسودانيات لكن ما شرط اذا انتفت معناها فقدنا البوصله زي ما قلت وثناك الباش

الناس بتجي شايله فكره بتطرحها للنقاش مرات صاحبها زاتو بيطرحها ويمشي زي ما عملت انت اسي فتحت ليك بوست سالت وجاوبت و حددت مجرياتو كيف بانو غير قابل لاي شئ مرات بينحرف النقاش والناس تلت و تعجن فيما لايسمن ولا يغني من جوع ونقعد في فلان صاح وفلان غلط وفعلو اللائحه والاداره غلطانه او محابيه او دكتاتوريه وتكيل بمكائيل موش مكيالين والعضويه متحامله على الاداره والحكايه الما عندها نهاية دي
وفي ناس بيجو يشاركونا انتاجهم الادبي من شعر وقصه وديل المتحكم فيهم الاساسي المزاج يعني زول ما عندو جديد ما عندو مزاج يكتب اهن دا نسوي ليهو شنو

وفي ناس على سفر وناس مرضانين وناس مفلسين ما قادرين يدخلو نت

عاوزا اقول ليك اغلب الزوار بكونوا من الاعضاء وبتتفاجأ بمداخلاتهم في مواضيع محدده وبيطلعوا
يا ناصر الله يرضى عليك ما تحمل الاشياء فوق ما تحتمل ثم انو دا منتدى حوار
كيف تفتح بوست غير قابل للتحاور

ارجع ليك يا وجدي
ذكرتني خالتي اي شيء تشوفو تقول عاوزاهو
بقول ليها الكفن دا تقولي دايره منو ربع متر
بمناسبة الحنك صدق يا وجدي مرات بحتار
اجي اقرا بعض الردود والمداخلات لما اتحوقل
الناس دي بتجيب الكلام دا من وين

[ناصر يوسف]

الداية بعد ما أدت مهما وصرفت تعليماتا ونصايحا .. جات طالعة الراجل عصر ليها .. عاينت ليهو أتلفتت لى النفسا .. قالت ليها (ده ياهو البطل)

دى فرصة تورينا أهداف البوست ده يا سعادتك

لمشاركة الأصلية كتبت بواسطة جيجي

بكرة بجي يقول كلمتينوا ديك بتاعت انه انا الناس مافاهمني وانا ياني الزول المابفهم وفرمالته الحفظناها ديك
اهدااف البوست واضحة يانتيمو
انت خرفت ولا شنو

المشاركة الأصلية كتبت بواسطة بابكر عباس
وحات سيدي الحسن، يا جيجي، لما يجي يكب الفرمالة ديك، أنا بقرب أبكي من التحنن!

الدفسيبة دي كلها ده ياهو ال الله قدرك عليهو ... ؟

افترعت أنت هذا البوست وحتى الآن لم تتكرم بوجهة نظرك فيما يتعلق بفقدان البوصلة التي تقول في سودانيات ..

هذا المنبر يتقدم بالحوار الموضوعي وليس بالأمنيات، ليتك ناقشت وجهة نظرك وطرحتها؛ بدل الأسى على مداخلات مجتزأة لايقدم ولا يؤخر.

ــــــــــــــــــــــــــــــــــــــــــــــــــ ـــــــــــــــــــــــ

بوست غير قابل للتجزئة
غير قابل للتحاور
غير قابل للعودة إليه مجدداً ،،،

[ابوبكر حسن]

ناصر يوسف

بعيداً عن كل شى
رمضان كريم وكل سنة وانت طيب ياخ

[ناصر يوسف]

المشاركة الأصلية كتبت بواسطة بكرى مبلول

ناصر يوسف

بعيداً عن كل شى
رمضان كريم وكل سنة وانت طيب ياخ

رمضان كريم عليك يا بكري مبلول يا أخوي
تصوم وتفطُر علي خير
وأتمني ليكم إفطار جماعي طيب في بيت الأخ الصديق د. أبوبكر عباس
(بس لما تكونوا ماشين ليه سِدوا مناخيركم وإنتو طالعين علي دَوَّار الـــ ،،، خَ ) الباقي بتموا ليك بابكر عباس

[طارق صديق كانديك]

المشاركة الأصلية كتبت بواسطة ناصر يوسف

هي مجرد أحاسيس تعتمل في الروح ،،،

بوست غير قابل للتجزئة
غير قابل للتحاور
غير قابل للعودة إليه مجدداً ،،،

يا ناصر يا أخي العزيز ليس كل ما يعتمل في الروح من أحاسيس تصلح لئن تنصب لها الخيام .. !!

ولما كنت غير راغب في التحاور أو العودة الى ما كتبته بيديك؛ كان الأولى أن تمسك عليك أحاسيسك التي اعتملت في الروح، عوضاً عن فتح باب يتحدث عن ( فقدان البوصلة في سودانيات) وهو عنوان كبير لايمكن العبور عليه بمثل هذه الطريقة التي تفعل.

على العموم كنت أتمنى أن تمسك بزمام النقاش لتقود الحوار الى مايمكن أن يهيئ لسودانيات ( بوصلة) تقودها الى بر الأمان هذا ان فقدتها بالفعل.

---

رمضان كريم

[النور يوسف محمد]

المشاركة الأصلية كتبت بواسطة رأفت ميلاد

بعدين الجيلى كلامو (الماقريتو والله) .. ومافى داعى أقراهو بشهادة الجميع .. وصل بيهو للتوقيف .. ياخ الحرية هى شنو أكتر من كده .. طالما فى حماية من كل تعدى .. كدى أرجع لمداخلة النور يوسف فى الفوضى الحاصلة دى وأنا على راسا .. بتلقى دروس وأنا عمرى بقى والقبر مستفيد منها حاجة جديدة أتعلمتها .. ما بالكم أنتو اللسة بتفتحوا فى الأبواب ..

المشاركة الأصلية كتبت بواسطة مهند الخطيب

مع استحضار انو الزول ده اتوقف بسبب خيط تاني مع بابكر عباس ماليهو علاقة بكلام حبني وأحبك المدورنو انتو فو مسّار ناصر يوسف ده هسي الحاصل ده محاكمة أخلاقية ساي ياكيشو وانت عارف ....

بسم الله الرحمن الرحيم

سلام للجميع ..
فقط أود أن أوضح أمراً أعتقد أنه ضرورى ..
عقوبة الإيقاف التى تم توقيعها على الجيلى أحمد ليست مبنية على مداخلته مع ود الخير أو السجال الذى دار بينه وبين بابكر عباس ..
العقوبة كانت على خلفية ما دار فى بوستات أُخر ..

مداخلة الجيلى مع ود الخير فى تقديرنا محل لنقاش يمكن أن يكون مفيداً وقد قاده بإقتدار الأخوة كيشو / رأفت / مهند وسبق أن تناول الكثيرون تلك القضية فى مفترعات مختلفة . نأمل أن يفرد لها أحدنا يوستاً يتداعى له الجميع , إذ كل ماقيل فيها جاء ضمناً ولم تخصص لذاتها ..

سجال الجيلى وبابكر عباس ما زال قيد النظر ..

للعلم وكل الشكر ..

[عبدالعزيز خطاب]

الاخ النور يوسف
رمضان كريم

ما دمت قد كتبت هنا للتوضيح بصفتك الشخصية عن ايقاف العضو الجيلي اود منك إحقاق الحق.

فماذا عن ما أصابني في شخصي من نعوت تصل حد القذف في مداخلة الامين العام لسودانيات. ثم السوء الذي طفح في رد العضو طارق صديق كانديك والذي كتب بصفته العضوية مستدعياً صفته الادارية. ودونكم مداخلته في هذا المفترع. واعتقد من حقي كعضو أغيب ما تيسر لي وأعود متى ما سنحت الفرصة وانتقد الادارة في عملها وليس في شخوصها وعلى الادارة ان توضح وتفند انتقادي دون الإساءة الشخصية. تعلم يا النور ان من ارتضى لنفسه تصدر العمل العام فعلية ان يفصل بين شخصه والشخصية العامة المقترنة بالوظيفة وليس من حقه تنفيس مكنونات شخصية بصفته الوظيفية.
الى اين ارفع تظلمي ان كان الظالم هو الحاكم!!
رفعتها للخالق في شهر كريم قلت حسبي الله ونعم الوكيل.

[طيبان]

الأخ عبدالعزيز خطاب .
طابت أوقاتك .
خذها منّي كلمة (طويلة شوية ) ..وأرجو ألا يضايقك حديثي كثيرا .

بعيداً عن مادار ويدور في دهاليز الإدارة ,ألا ترى أن حمل الغباين بالشهور الطويلة وانتهاز الفرص ل(فشّها ) في بوستات الآخرين ليس فعلاً جيّدا ؟ وإلا ما معنى ما قلته في هذا البوست إن لم يكن اصطياد في الماء العكر .

من قبل أنا اختلفت معك وليس بيننا سابق معرفة ، وبالتالي لا عداوة ولا تربّص - هذا ما أعتقده - ،، كان دافعي للإختلاف معك هو إنّك كنت over خالص - الكلمة دي بالذات سمعتها منّي كفاحاً بنادي البركل - فيما يختص بالحزن على المرحوم خالد ,لا أعني بها حالة الحُزن فلا أحد يعلم بمشاعر الآخرين أو يحكم عليها ، لكنّك كنت أوفر خالص - ولا زلت - في التعبير عن الحزن ,,بطريقة سلبية جدّا وكريهة ومنفرة ,لدرجة الشك في دوافعك ..شك لم أسع له - ولم يسع له الآخرون الذين يرون رأيي هذا وهم كثر ,,وإن استمر هذا الحوار ستسمعها منهم إن لم تكن قد سمعتها بالفعل - ولكنّك حملتنا حملاً إليه وأهديتنا إياه على أطباق الدموع المبذولة والتباكي على الموقع وخوفك اللامنطقي عليه ، فعلت ذلك ولا زلت تفعل بطريقة محيّرة ..
قد يكون قولك مبلوعاً لو أنّك قدّمت لجمهور الأعضاء والقرّاء مبرّرات مقنعة ، ولكنّك ظلّلت تلوّح بعلاقتك الخاصّة جدا بخالد في مواضع لا تحتمل المزايدة .والكل هنا يعلم أن أعتى العواصف التي ضربت هذا المنتدى كانت بحياة الراحل ورأينا كيف كان بشرا سويّاً ، يغضب مثلنا ويثور ويهدأ ويفعل ما نفعله ويتعرّض للسب والشتم لكنه كان قويّا في حجّته واضحاً في رأيه لم نره يوماً منكسراً ولا طلب منّا مرّة واحدة أن ننتبه لما يهدّد الموقع من خلافات داخله ، كان يقول أن تجربة المنتديات تجربة حديثة وتحتاج لوقت حتى تنضج ( ورأيه هذا موثّق في ورقته التي تقدّم بها لمنتدى الإعلاميين بالخارج ) ..
زايدت أنت جدّا على علاقتك بخالد من الزاوية الخطأ حتّى قلنا ليتك سكتّ ,,بل ذهبت لأبعد من هذا وحكيت لنا عن رغبة خالد المستمرّة في ضمّك لطاقم الإدارة ، لكأنّما هذا الطاقم يصدر تعيينه بأمر ملكي لا يطوله التغيير إلا بأمر المالك ، وهو ما يكذّبه الواقع بل وما ظل ينادي به المرحوم خالد الذي ابتعد عن إدارة هذا الموقع ،وكلّف الآخرين بإنتخاب من يرونه مناسباَ منهم ,,إلخ .. راسلك الأخ المرحوم خالد ودعاك لقبول الترشيح للإنضمام لطاقم الإدارة وهو ما ظل يفعله مع كثيرين في هذا الموقع ، ولا تزال رسائله الخاصّة تضئ بصناديق الوارد لعدد من الأعضاء ،سؤالي لماذا لم يزايد أحد هؤلاء الأعضاء برغبة خالد هذه وفعلت أنت ؟؟ بل لماذا لم يذكر أحدهم هذا الموضوع ؟

أنا مضطر للقول أن المرحوم خالد حين أراد تسليم هذا الموقع لمن يستأمنهم عليه ، ذهب للأخ عكود بالإمارات وفعل ذلك ..كلنا تابعنا ذلك ونعرف أن خالد حين شعر بقرب أجله كان حريصاً على ترك الموقع في أيد أمينة ،، فعل ذلك بإختياره وكان في كامل عافيته - له الرحمة - .. فبأي حق تحدّثنا على خوفك على الموقع بما يفوق خوف بقيّة الأعضاء - ؟ وتفعل ذلك رافعاً سيف صداقتك بخالد ؟ وبما إنو المقام مقام رأي شخصي فأنا أرى أن خالد مثلاً كان صديقا مقرّبا من عكود - بما أملك من شواهد معلنة وغير معلنة - أكثر من قربه منك ,,دا الشايفو قدّامي ,,لا يقدح هذا في قربك منه ، لكنك حين تتمادى في استخدام هذه العلاقـة سنوقفك عند حدّك ، دون أن يطرف لنا جفن ( ناء المتكلّمين دي ،،مستخدمة للتفخيم خلّي بالك عشان بالك ما يمشي كدي وللا كدي ) .

يا عبدالعزيز العلاج بالصدمة أحيانا قد يكون مفيداً ، يمنع التهذيب كثيرا من الإخوة أن يواجهوك بهذه الحقيقة - وبعضهم يفعل وأنا منهم - لكن من المهم أن تعلم رأي الآخرين فيك - حتى لو لم يكن يهمّك - ..

بعدين يا عبدالعزيز شايفك زماااان كدة ذكرت هنا أنّك دبلوماسي ,,الظاهر لينا إنك ما دبلوماسي من واقع كتاباتك ولأنّك فعلا لست بدبلوماسي ما لم تكن تعمل بسفارة السودان بهولندا وتتبع للسلك الدبلوماسي ، أو أن تكون دبلوماسيّا بالخارجية الهولندية ، الكلام دا أنا قلتو ليك عشان ما في داعي تكتب لينا كلام زي دا هنا ، ويعجبك سكاتنا ..وعشان تقرا (تكويتي) لحكاية لغاتك التلاتة بالطريقة الصاح ، الله يزيدك شهرة ياخي بس ما في داعي كل مرّة تذكّرنا إنّك ما محتاج شهرة وعينّا ليك كل مرة جادع لينا جدعة في بوست .

الفوق دا باقي كلامنا الما تمّيناه بنادي البركل يومها ، لظروف أنت تعلمها ..قلته لك هنا لتكون على بيّنة من أمر رأيي فيك وهو ما لم أكن لأفعله لولا أنك جئتنا تحمل ذات ملامحك السابقة ووقفت هنا تعرض مظلمتك على خلق الله وعلى الله نفسه .


__

طيبان .
من معارف المرحوم خالد الحاج ,,طبيب مغمور ،وصاحب بيت جالوص في نوري ،،وقطعة أرض حيازة في السمرا بنواحي السليت ..

وشكراً

[أبوبكر عباس]

المشاركة الأصلية كتبت بواسطة طيبان

بعيداً عن مادار ويدور في دهاليز الإدارة ,ألا ترى أن حمل الغباين بالشهور الطويلة وانتهاز الفرص ل(فشّها ) في بوستات الآخرين ليس فعلاً جيّدا؟ وإلا ما معنى ما قلته في هذا البوست إن لم يكن اصطياد في الماء العكر.

المشاركة الأصلية كتبت بواسطة عبدالعزيز خطاب

بعد فقط لأرى ما تبقى من فكرة سودانيات التي أراد لها صاحبي/ها.

سلام خطاب ورمضان كريم،
غايتو يا عبد العزيز، لو قاصد فكرة: "سودانيات تواصل ومحبة"، تكون تعديت على البوست دا، عداوة شديدة.
بالرغم من أنو ناصر يوسف لم يفصح عن سبب البوست، لكنني أكاد أجزم انو سبب البوست دا، هو: "تواصل ومحبة" ناصر الزايدة، والتي أعتقد ان وفاء ناصر لهذا المنتدى وشعاره وصل مرحلة المرض. ناصر يوسف، يا خطاب، مشكلتو مع المنتدى دا، هي بالظبط معكوس مشكلتك! ناصر يا خطاب، مريض بحب عذري لهذا المنتدى! ناصر يا خطاب، يطلب منا ربع طاقته وهي فوق طاقتنا (النون برضو للتفخيم) ونظرتنا للمنتدى، وأنت تبخل علينا بي مجرد مشاركة منتظمة تخصمها من وقتك (السمين).

بابكر عباس
طبيب بيطري غير مغمور، لا يمتلك قطعة أرض زيو وزي حسين عبد الجليل.

[نبراس السيد الدمرداش]

أنا مضطر للقول أن المرحوم خالد حين أراد تسليم هذا الموقع لمن يستأمنهم عليه ، ذهب للأخ عكود بالإمارات وفعل ذلك ..كلنا تابعنا ذلك ونعرف أن خالد حين شعر بقرب أجله كان حريصاً على ترك الموقع في أيد أمينة ،، فعل ذلك بإختياره وكان في كامل عافيته - له الرحمة - .. فبأي حق تحدّثنا على خوفك على الموقع بما يفوق خوف بقيّة الأعضاء - ؟ وتفعل ذلك رافعاً سيف صداقتك بخالد ؟ وبما إنو المقام مقام رأي شخصي فأنا أرى أن خالد مثلاً كان صديقا مقرّبا من عكود - بما أملك من شواهد معلنة وغير معلنة - أكثر من قربه منك ,,دا الشايفو قدّامي ,,لا يقدح هذا في قربك منه ، لكنك حين تتمادى في استخدام هذه العلاقـة سنوقفك عند حدّك ، دون أن يطرف لنا جفن ( ناء المتكلّمين دي ،،مستخدمة للتفخيم خلّي بالك عشان بالك ما يمشي كدي وللا كدي ) .

يا دكتور يا مغمور صباحاتك بيض
غايتو انا تبع الناء دي وما بقدر اكتب ليك في الخاص ولاني ح القاهو اتملى بالرسائل..مداخلتك دي فيها جوانب قلناها بطرق مختلفه بس عزيزنا عزيز صم اذنيه عنها

كلامك دا ذكرني حاجه وخالد راقد في الزيتونه قبل سفرو لكينيا بكم يوم قال لي يا نبراس اتصلي بعكود وخليهو هو واشتر يجددو لي اشتراك سودانيات لمدة 3 سنه سبحان الله يا طيبان كانو الكلام دا كان امس

[جيجي]

المشاركة الأصلية كتبت بواسطة بابكر عباس

سلام خطاب ورمضان كريم،
غايتو يا عبد العزيز، لو قاصد فكرة: "سودانيات تواصل ومحبة"، تكون تعديت على البوست دا، عداوة شديدة.
بالرغم من أنو ناصر يوسف لم يفصح عن سبب البوست، لكنني أكاد أجزم انو سبب البوست دا، هو: "تواصل ومحبة" ناصر الزايدة، والتي أعتقد ان وفاء ناصر لهذا المنتدى وشعاره وصل مرحلة المرض. ناصر يوسف، يا خطاب، مشكلتو مع المنتدى دا، هي بالظبط معكوس مشكلتك! ناصر يا خطاب، مريض بحب عذري لهذا المنتدى! ناصر يا خطاب، يطلب منا ربع طاقته وهي فوق طاقتنا (النون برضو للتفخيم) ونظرتنا للمنتدى، وأنت تبخل علينا بي مجرد مشاركة منتظمة تخصمها من وقتك (السمين).

بابكر عباس
طبيب بيطري غير مغمور، لا يمتلك قطعة أرض زيو وزي حسين عبد الجليل.

يا بابكر
بتفتكر ناصر جدع كلامه الماعايز يرجع ليهو دا ساي كدا
ناصر بعمل في نفس عمل اخونا عزيز ولكل سبله
واحد مستصحب معه صداقة صاحب الموقع وبعض القولات
والتاني مستصحب صداقة الناس ومحبتهم للاسف واتيت بكلمة استصحاب تلطفا هنا
البوست دا اهدافة تنحصر في احتمالين
اولا اماان يكون ناصر فتح الباب لبعض المقاصد ومنها فتح الباب امام عزيز وغيره
من الناقمين على الادارة
او ان الامر له علاقة بالانتخابات الجديدة للادارة ومحاولة ضربها من الان
قشنو يابابكر محاولة الغاء عقول الناس دي ما مظبوطة حتى ولو كانت للمجاملة
الاخ طيبان لك التحية والامتنان فقد عبرت عن ضيق الكثيرين بما يدور
اما الاخ طارق فنحن لانزكيه على الله
ولكن حتما نزكيه على انفسنا
ونزكيه للادارة ايضا

[عبدالعزيز خطاب]

نفس الوجوه الكالحة
تؤدي دور الكورس

يا أيها المتداخلون مالكم لا تتبصرون!!
أنا أنتقد إدارة موقع كنت شاهداً على تأسيسية وبذلت عمراً في التواصل فيه وهذا حق لا يستطيع أعمى أن يخطئه..
الكل يكتب عن تباكي على صاحبي!! أين هذا التباكي في هذا المفترع ولو ذكرت صاحب الموقع فهل كفرت؟؟ اليس هو من اسسه؟؟ كلكم يذكره في مواقع مختلفة وبطرق مختلفة! متى كان نسيا منسيا؟؟
أما أن تعتقدون بأنني أنافق في علاقاتي فهذا شأنكم ولست بمسؤول عن نفسياتكم..هذا الموقع لخالد وسيذكر ما بقى هذا الموقع رضى من رضى وأبى من أبى، أما كيف يذكر ومتى فهذا شأن كل من يكتب.. كما لا يجب أن يقحم المتداخل مقارنة بين زيد وعبيد في علاقته مع الآخر فهذه لمن لا يعلم وجدانيات غير قابلة للمزايدة. وما بينى وعكود لا تعلموه وأبتعدوا عن بذر الفتنة فأنها والله أشد من القتل.فأنا أنتقد الإدارة وعكود ليس أحد أعضائها وهو ممثل المالك فأرجو أن تبعدوه عن هذا الجدل والدجل.
ويا أيها الطيبان الطبيب المغمور صاحب بيت الجالوص وقطعة في ضهاري العاصمة، ما هذا الذي كتبته ومن أين اتيت بكل ذلك؟! ( حقا صدق من قال القلم ما بزيل بلم ) فهذه بضاعة بائرة مردودة إليك.

ناصر يا دفعة هذا ما أصابنا من شعار التواصل والمحبة الذي يتصدر هذا المنبر والذي بذلنا عمراً فيه إذا علمت الى أين تتجه البوصلة فلا تبخل علي عسى أن يجنبنا الله مشقة هؤلاء القوم.

[رأفت ميلاد]

المشاركة الأصلية كتبت بواسطة طيبان
طيبان .
من معارف المرحوم خالد الحاج ,,طبيب مغمور ،وصاحب بيت جالوص في نوري ،،وقطعة أرض حيازة في السمرا بنواحي السليت ..

والله بى حالتك دى ياك البايع قطعة الأرض حيلتك .. يأخ أشتغل حرامى وأتكل على الله

[كيشو]

المشاركة الأصلية كتبت بواسطة جيجي

يا بابكر
بتفتكر ناصر جدع كلامه الماعايز يرجع ليهو دا ساي كدا
ناصر بعمل في نفس عمل اخونا عزيز ولكل سبله
واحد مستصحب معه صداقة صاحب الموقع وبعض القولات
والتاني مستصحب صداقة الناس ومحبتهم للاسف واتيت بكلمة استصحاب تلطفا هنا
البوست دا اهدافة تنحصر في احتمالين
اولا اماان يكون ناصر فتح الباب لبعض المقاصد ومنها فتح الباب امام عزيز وغيره
من الناقمين على الادارة
او ان الامر له علاقة بالانتخابات الجديدة للادارة ومحاولة ضربها من الان
قشنو يابابكر محاولة الغاء عقول الناس دي ما مظبوطة حتى ولو كانت للمجاملة
الاخ طيبان لك التحية والامتنان فقد عبرت عن ضيق الكثيرين بما يدور
اما الاخ طارق فنحن لانزكيه على الله
ولكن حتما نزكيه على انفسنا
ونزكيه للادارة ايضا

[justify]الأخت جيجي
أرى أنك لم توفقي في اتهامك للأخ ناصر، وأرجو مخلصاً أن تراجعي نفسك فيها؛ فالرجل ليس من ذلك النوع الذي يخطط ويدبر، إن ناصر إنسان مليان بالعواطف الصادقة، ولو سألت عن العضو الذي تمثل فيه شعار سودانيات لقال لك الكثيرون إنه ناصر يوسف
ربما نلاحظ أن ناصر لا يكتب كلاماً كثيراً، وقد يبدو عليه أنه لا يحاور بعمق، ولكن إذا أردت أن تعرفي ناصراً فانظري إليه، وراقبيه من بعيد، وتابعي سيرته بين أهل سودانيات في الداخل وزائري السودان من الأعضاء
باختصار يا أختي الكريمة يمكنني القول إن ناصراً هذا هو مخ سودانيات (ولا أقلل من مكانة الآخرين)
ورغم أن هناك علاقة خاصة تربط ناصر بالأخ عبد العزيز خطاب إلا أنني أعتقد أن ناصر تفاجأ بمداخلة خطاب
أما هذا البوست ففيه حوار نحتاج إليه لنعرف بعضنا أكثر، ربما خرج بعض الشيء عن مساره ولكنه ليس البوست الوحيد الذي يحدث فيه هذا
مع احترامي وتقديري[/justify]

[رأفت ميلاد]

المشاركة الأصلية كتبت بواسطة كيشو
[justify]الأخت جيجي[/justify][justify][/justify][justify][/justify][justify][/justify][justify]
أرى أنك لم توفقي في اتهامك للأخ ناصر، وأرجو مخلصاً أن تراجعي نفسك فيها؛ فالرجل ليس من ذلك النوع الذي يخطط ويدبر، إن ناصر إنسان مليان بالعواطف الصادقة، ولو سألت عن العضو الذي تمثل فيه شعار سودانيات لقال لك الكثيرون إنه ناصر يوسف
ربما نلاحظ أن ناصر لا يكتب كلاماً كثيراً، وقد يبدو عليه أنه لا يحاور بعمق، ولكن إذا أردت أن تعرفي ناصراً فانظري إليه، وراقبيه من بعيد، وتابعي سيرته بين أهل سودانيات في الداخل وزائري السودان من الأعضاء
باختصار يا أختي الكريمة يمكنني القول إن ناصراً هذا هو مخ سودانيات (ولا أقلل من مكانة الآخرين)
ورغم أن هناك علاقة خاصة تربط ناصر بالأخ عبد العزيز خطاب إلا أنني أعتقد أن ناصر تفاجأ بمداخلة خطاب
أما هذا البوست ففيه حوار نحتاج إليه لنعرف بعضنا أكثر، ربما خرج بعض الشيء عن مساره ولكنه ليس البوست الوحيد الذي يحدث فيه هذا
مع احترامي وتقديري[/justify]

غايتو الحوار هنا غير (لايك) دى ما بقدر أفتى فيهو

تعليق جيحى على مداخلتى لى ناصر ضحكنى لامن أتكيت .. لكن ما قدرت أجاريها ..
تعرفى يا جيجى ناصر ما بزعل من كلامى .. وما أظنو يزعل منك .. غايتو محتاجة تلاقيهو إنشاءالله نص ساعة بس ..

لكن زى ما قلت لـ وجدى قبال كدة .. خليك فى الأسافير بطبيعتا .. وخلى الواقع بعيد من بالك .. فأديهو وما ترتى عليهو

بالمناسبة عزيز خطاب ده زول وديع كطفل منعم .. بين موسيقار وشاعرية وحياة أسرية موفقة .. مشكلتو مع الإدارة نظرية 100% .. كان أدى نفسو فرصة وركز فيها كان أفضل .. تقديم وجهة نظره فى الإدارة السليمة ..

كلام النور فى التنك ونظام جدل وراى واضح .. بس يا ريت كتبو تحت أسمو .. طبعاً ما كتبو بأسم الأمين العام سهواً فى أعتقادى .. ولكن من منطلق خطاب (خطّاب) ومقاشرة الإدارة ..
حقوق خطاب تعطيه القدرة لمقاشرت الأدارة .. ومن حقهم وحق الأعضاء المناصحة أو المناطحة .. الذى أعتبه على خطاب زج سودانيات فى النزاع .. (أنحدرت .. أحتضرت .. تحطمت) .. هنا يضع نفسه أمام كل العضوية قديمها وجديدها على حد السواء فى أستعداء .. الكل له فخر وإنتماء لهذا الكيان ..

أذا أعتقد عزيز هذه الإدارة غير جديرة .. فلينطلق من هنا .. إذا أختلف مع الجميع سيكون الأمر بدون عداء أو تجريح .. وسينتقل الحوار الى حوار وليس مناورات ..

شفت يا كيشو بتجيب لينا الكلام كيف