رحلة البحث عن .... رقـم .... وطني ... مميز

[عكــود]

المشاركة الأصلية كتبت بواسطة خالد الأيوبي

إنت الظاهر ســــاهرت في فيلم أمريكي فأكلت فحلمت فنمت .. يا عمر
خالد

سلام يا خالد،

الظاهر بركة العشرة الأواخر حقّقت حلم محمد عكود في الحصول على رقم وطني مميّز، بدون تأخير وبدون واسطة!

الحقيقة مشى أمس صباحاً بدري عشان يطلّعو؛ وكان قافل على واحد معارفنا يتوسّط ليهو. وبما أن الوقت كان بدري شوية، زولنا الواسطة المتّكل عليهو ما كان وصل لسّع، فقام أخد الأورنيك وبدأ الإجراء وما كان في زحمة والمراجعين كانوا شوية. المهم، بعد ساعة واحدة كان طابق الرقم الوطني المميّز في جيبو وهو يردّد:
شفتك وابتهجت كييييييف يا غالي إنت

الولد الظاهر مبيريك.

[بدر الطائف]

المشاركة الأصلية كتبت بواسطة عكــود

المهم، بعد ساعة واحدة كان طابق الرقم الوطني المميّز في جيبو وهو يردّد:
شفتك وابتهجت كييييييف يا غالي إنت

هسع با خالد اخوى كان صحيت بدرى شوية ما ارتحته من الجهجه دى كلها.

[عبدالمنعم الطيب حسن]

الاخ خالد شكرا لنقل يوم طويل من حياة سوداني
هذه المعاناة تتماثل بشكل او اخر لكل مواطن قصد خدمة
في دواوين الحكومة ...
التي بها موظفون قلقون الواحد منهم يبدا معك في صميم مهام وظيفته باخر نفس
وكانك تشحده ...
موظف مستعد سريعا للرفض وتعطيل المصلحة
ويسعد ساعتئذن ...
موظفون معدومي الخيال والهمة والاحساس بالاخر
تماما مثل قادتهم
وتطول قادتهم هذه حتى تصل الوزير والرئيس ...
المواطن يعاني ولا يحس بان هنالك وجيع معاه في الخط
براهو ... الله ورقبتو ...
عندها يضمحل الانتماء للوطن ويضعف
وطن لا يحقق لمواطنه شيئا ...
اها
بعد التعب دا ان شاء الله لقيت لك رقم وطني مميز

[آخـر المواني]

سرد جميل لمعاناة يفترض انها للتسهيل ..

غايتو خوفتونا من السفر ! هسة عليكم الله الواحد لو جاء زيارة اسبوع مثلن مثلن .. بتحتم عليهو يمر بالمعاناة دي ؟ افيدونا..














خالدونا هووي عليك الله ما تقوم تقلبن لي اسمي زي ما عملت مع جوجو داااااااك

[طارق صديق كانديك]

المشاركة الأصلية كتبت بواسطة آخـر المواني

خالدونا هووي عليك الله ما تقوم تقلبن لي اسمي زي ما عملت مع جوجو داااااااك

قلت لي عامل ساتر ؟ والله حقوا الواحد يخليهو يردمك ردم من لا يخشى اي رقم مميز

[الجيلى أحمد]

المشاركة الأصلية كتبت بواسطة طارق صديق كانديك

قلت لي عامل ساتر ؟ والله حقوا الواحد يخليهو يردمك ردم من لا يخشى اي رقم مميز

[خالد الأيوبي]

اقتباس:
المشاركة الأصلية كتبت بواسطة الجيلى أحمد
مرحب بيك
وبى عودتك ياخالد..

شوفتك تسعد..

الكتابة لمن أجيها بالمهلة ..




ناس الجيلي
ناسنا الزمان ...
مشتاقين والله .... البركة في شوفتكم بعد الغيبة دي.
أما الكتابة بتجي براها ولمن تجي يا الجيلي ولا بتستأذن.
و رمضان كريم

[خالد الأيوبي]

سلام يا خالد،

الظاهر بركة العشرة الأواخر حقّقت حلم محمد عكود في الحصول على رقم وطني مميّز، بدون تأخير وبدون واسطة!

الحقيقة مشى أمس صباحاً بدري عشان يطلّعو؛ وكان قافل على واحد معارفنا يتوسّط ليهو. وبما أن الوقت كان بدري شوية، زولنا الواسطة المتّكل عليهو ما كان وصل لسّع، فقام أخد الأورنيك وبدأ الإجراء وما كان في زحمة والمراجعين كانوا شوية. المهم، بعد ساعة واحدة كان طابق الرقم الوطني المميّز في جيبو وهو يردّد:
شفتك وابتهجت كييييييف يا غالي إنت

الولد الظاهر مبيريك.

يا عكود و الله إنت خطير.
وإنت قاعد في أبوظبي جريت السبحة للولد قام طلع الرقم في ســاعة
يعني لو كنت معاه في الســودان كان في الساعة دي طلع الرقم والرخصة وشهادة الميلاد و الجواز و شهادة البحث ذاتها كمان ......

مبروك لأبوحميد الرقم
.

[خالد الأيوبي]

اقتباس:
المشاركة الأصلية كتبت بواسطة بدر الطائف
هسع با خالد اخوى كان صحيت بدرى شوية ما ارتحته من الجهجه دى كلها.


والله يا بدر أخوي ... صحيان بدري صحيناهو .... لكن ســـبحتنا ما ها طويلة زي سبحة أخوي عكود ولا إيدنا لاحقة زيو

[علاء ابو حريرة]

والله انا ما بستفزني الا اللافتة الاعلانية { التعامل بالشباك } ولمن تصل الشبك بعد الزحيح تحت مظلات الزنك على احسن الظروف ؛؛ يجيك هواء الفريونات والاسبليت سآآآقط من جوة ؟!

[علاء ابو حريرة]

المشاركة الأصلية كتبت بواسطة خالد الأيوبي

توارد خواطر ... يا كيشــو

أنا فكرت في نفس الشئ و كنت عاوز أكتبو في المقال .. بس الفرق أنا فكرت في تمريرة هيثم مصطفي بسبب الظرف الزماني. نظريتك صاح في رابط قوي:
التمريرة البينية عند هيثم بتخلي الواحد (هو و الشــباك (بكسر الشين))
و العلاقات (يعني الوساطات) البينية برضو بتخلي الواحد (هو والشباك (بضم الشين) الأخير)
أها شنو ليك ما ظبطت ليك نظريتك ؟؟؟
.

والله دي لقطة المباراة كلها ؟؟

[خالد الأيوبي]

اقتباس:
المشاركة الأصلية كتبت بواسطة آخـر المواني

خالدونا هووي عليك الله ما تقوم تقلبن لي اسمي زي ما عملت مع جوجو داااااااك



آخر المواني:

القلبنة بتاعة الإسم هينة يعني ممكن تلقي نفسك بالكثير (أول المواني) مثلا ... ما مشكلة و ما فيها حاجة
لكن الكلام جنس الفاولات ديك (الخلت قيس يجي ناطي لي و بصفارة طويلة توووت و شايل كرت أصفر).
و لمن ما لقيت في مداخلتك أي ضمير مستتر تقديره هو أو هي ... لجأت للأرشيف ... عشان أجيك بي قلب قوي و أقول ليك:
يا راااااجل ... نحن بتاعين قلبنة كمان !!!

تسلم علي الكلمات الطيبة

خالد
.

.

[خالد الأيوبي]

اقتباس:
المشاركة الأصلية كتبت بواسطة علاء ابو حريرة
والله انا ما بستفزني الا اللافتة الاعلانية { التعامل بالشباك } ولمن تصل الشبك بعد الزحيح تحت مظلات الزنك على احسن الظروف ؛؛ يجيك هواء الفريونات والاسبليت سآآآقط من جوة ؟!


... و تعاين من الشباك تلقي مية واحد متلفين حول الموظف كل واحد يحاول يمرر معاملة قريبه أو صديقه ..... و طبعا الموظف لو بقي ضميره صاحي بياخد معاملة من الشباك و معاملة من اصحاب الواسطات ... و ذلك أضعف الإيمان

مشـــــــكور علي المرور يا علاء

أما بخصوص لقطة المباراة ... فلازم تكون هناك لقطات ما دام كابتن هيثم لسع في الميدان ..... ولا كيف؟؟

خالد
.

[ناصر يوسف]

أها يا أيوبي ،،،
دحين إنتَ رقموك وطنياً و كدي خلااااااص ولا لسه ؟؟

رقموووووك رقموك ،،، يا حبيبي رقموك
والرقم رقمي براي منو البياخدو معاي ؟؟

ورقماً (غ) عنك وعن أنف أرنبة أنفك ةما أنفكَ يراغمني ،، حين تزاحمني الكلمات

ورغم بعدي ،، برررسل سلااااامي ليك يا وطني وبهدي السلااااااااااااام

ياخي نسعلُ الله السلااااااااااااااااامه

وبــــــــــــــــــــــــــــــــــــــــــس

[خالد الأيوبي]

المشاركة الأصلية كتبت بواسطة ناصر يوسف

أها يا أيوبي ،،،
دحين إنتَ رقموك وطنياً و كدي خلااااااص ولا لسه ؟؟

رقموووووك رقموك ،،، يا حبيبي رقموك
والرقم رقمي براي منو البياخدو معاي ؟؟

ورقماً (غ) عنك وعن أنف أرنبة أنفك ةما أنفكَ يراغمني ،، حين تزاحمني الكلمات

ورغم بعدي ،، برررسل سلااااامي ليك يا وطني وبهدي السلااااااااااااام

ياخي نسعلُ الله السلااااااااااااااااامه

وبــــــــــــــــــــــــــــــــــــــــــس

رغم بعدي أنا ما بعدك إنت يا ناصر.....

وبمناسبة البعد دي .. أنا ناوي الجية في خلال اسابيع قليلة ..... لازم تزودني بي تلفوناتك المرة دي كاملة غير منقوصة
لسه بتساسق لي مصفاة البترول الجنب شندي ديك ؟
.
.