العالم بابكر عباس

[جيجي]

كدي تعال اشرح لينا الفتوة دي
إ

نتي يا جيجي لو عيانة أو نصيحة، تفطري وتطعمي مساكين.
الآية بتقول:"وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ "
يعني البقدر على الصيام وداير يفطر، يجلد، لكن يطعم

والله محنتنا ياخ
حسب مافهمت انه اي حد عنده فلوس وماعايز يصوم يفدي
ودا معناه وجود طبقة غنية فاطرة رمضان بقروشها
وبي كدا انتفت حكمة صيام رمضان
وانتفى العدل
وحاجات تاني نربأ ان نخوضها لمجرد تفسيرك هذا

[الجيلى أحمد]

عجبنى للمرقوت

[أبوبكر عباس]

المشاركة الأصلية كتبت بواسطة جيجي

كدي تعال اشرح لينا الفتوة دي
إ
والله محنتنا ياخ
حسب مافهمت انه اي حد عنده فلوس وماعايز يصوم يفدي
ودا معناه وجود طبقة غنية فاطرة رمضان بقروشها
وبي كدا انتفت حكمة صيام رمضان
وانتفى العدل
وحاجات تاني نربأ ان نخوضها لمجرد تفسيرك هذا

تحياتي "آنسة جيجي"
أيواااتك، سألتيني؟ وأخوك بحب نوع الأسئلة الساهلة دي.
أول حاجة تخلي روحك رياضية وما تزعلي، لانو لو زعلتي ممكن يطق ليك عرق، ولو طقّ ليك عرق نحن ممكن نفقد لينا لاعب حريف.
حول هذه الآية ثلاثة مدارس، ح أشرحهم ليك شرح بتاع ونسة سودانية من غير الإقتباسات بتاعة كتب التفسير الصعبة ديك، بس خليني أفطر وأشوف أغاني وأغاني وبجيك براحة.

قلنا شنو؟
الروح الرياضية يا "آنسة جيجي"

[قيس شحاتة]

على نفسها جنت براقش


وبالمرة، لو تكرمت يا دكتور، ما تنسى الجيلي معاك برضو عشان نختبر روحو الرياضية

[أبوبكر عباس]

المشاركة الأصلية كتبت بواسطة قيس الصديق شحاته

ما تنسى الجيلي معاك برضو عشان نختبر روحو الرياضية

عندي يا قيس، مقترح للإدارة بحجب الباسورد بتاعة الجيلي أثناء الصوم وإطلاق سراحها بعد الإفطار وبعد نتاكد انو ختا السفة.

علي فكرة يا "آنسة جيجي"، حسب "العالم" بابكر عباس، الصعود لا يفسد الصوم، فهو لا يقع ضمن شهوتي البطن والفرج بالإضافة إلى انو الصعود بصلح مود الصائم.

[جيجي]

المشاركة الأصلية كتبت بواسطة قيس الصديق شحاته

على نفسها جنت براقش


وبالمرة، لو تكرمت يا دكتور، ما تنسى الجيلي معاك برضو عشان نختبر روحو الرياضية

براقش دي منو
كويس انه حددت فريقك من هسه
عشان النطيط مابنفعك بعدين
غايتو عباس دا اقلاها يوديك ايران اعمل حسابك
اركز اجنا

[جيجي]

المشاركة الأصلية كتبت بواسطة بابكر عباس

تحياتي "آنسة جيجي"
أيواااتك، سألتيني؟ وأخوك بحب نوع الأسئلة الساهلة دي.
أول حاجة تخلي روحك رياضية وما تزعلي، لانو لو زعلتي ممكن يطق ليك عرق، ولو طقّ ليك عرق نحن ممكن نفقد لينا لاعب حريف.
حول هذه الآية ثلاثة مدارس، ح أشرحهم ليك شرح بتاع ونسة سودانية من غير الإقتباسات بتاعة كتب التفسير الصعبة ديك، بس خليني أفطر وأشوف أغاني وأغاني وبجيك براحة.

قلنا شنو؟
الروح الرياضية يا "آنسة جيجي"

يا بابكر انت من وين استوحيت عدم رياضتي
يعلم الله انا دار الرياضة زاتها
ثم انه ياخ انت سامعني وعارف اني بعيدة عن التشنج صاح بقول الفي راسي لكن بكل هدوء
ثم انه خليك في صلب الموضوع

[فيصل سعد]

المشاركة الأصلية كتبت بواسطة بابكر عباس

حسب "العالم" بابكر عباس

سلامات يا نديد و بالمناسبة العشرة الاواخر راشحة معاك بمزاج !!
شي "عالم" و شيتا "نبيل" زائد الشفافية الثابتة الاوتاد; و العكلتة البائنة النواجز;
ممكن تنافس لجائزة العضو المميز للعام 2012 و حظوظك في السماء
قلتلي التمباك ما بفطر طيب ما تباصر لينا الشاي و القهوة ينوبك ثواب

[أبوبكر عباس]

المشاركة الأصلية كتبت بواسطة فيصل سعد

طيب ما تباصر لينا الشاي و القهوة ينوبك ثواب

والله يا نديدي، تستاهل، بس طلبك دا، شوية صعب، لكن لو لقينا شاي وقهوة مسوح، بتتباصر

[مبر محمود]

المشاركة الأصلية كتبت بواسطة بابكر عباس

والله يا نديدي، تستاهل، بس طلبك دا، شوية صعب، لكن لو لقينا شاي وقهوة مسوح، بتتباصر

"في الحرب بينك وبين العالم .. أدعم العالم" أو كما قال كافكا
يا أخوانا، نحن في هذا السجال القديم المتجدد، نعلن دعمنا للعالم ومقاطعتنا للعبة الحلوة!

[رأفت ميلاد]

المشاركة الأصلية كتبت بواسطة مبر محمود
"في الحرب بينك وبين العالم .. أدعم العالم" أو كما قال كافكا
يا أخوانا، نحن في هذا السجال القديم المتجدد، نعلن دعمنا للعالم ومقاطعتنا للعبة الحلوة!

أنا مع جيجى من هسة .. غالب مغلوب .. على أمرى

[زول الله]

المشاركة الأصلية كتبت بواسطة بابكر عباس

حسب "العالم" بابكر عباس، الصعود لا يفسد الصوم، فهو لا يقع ضمن شهوتي البطن والفرج بالإضافة إلى انو الصعود بصلح مود الصائم.

من المساطب الشعبية نعلن متابعتنا لهذا الماتش
ثم انو السعوط بالـ سين وفي رواية أخرى التمباك
جني وجن الشبابيك المتاكية دي




اقول قولي هذا واستغفر الله لي.............

[عبدالمنعم الطيب حسن]

العالم سبانا احب طرفو الكحيل

[عبدالله الشقليني]

تحياتي للجميع :

{أَيَّاماً مَّعْدُودَاتٍ فَمَن كَانَ مِنكُم مَّرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْراً فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ }البقرة184

من تفسير الجلالين ( السلف ) :

184 - (أياماً) نصب بالصيام أو يصوموا مقدرا (معدودات) أي قلائل أو مؤقتات بعدد معلوم وهي رمضان كما سيأتي ، وقلّله تسهيلا على المكلفين (فمن كان منكم) حين شهوده (مريضاً أو على سفر) أي مسافر سفر القصر وأجهده الصوم في الحالين فأفطر (فعدة) فعليه عدة ما أفطر (من أيام أخر) يصومها بدله يصومها بدله (وعلى الذين) لا (يطيقونه) لكبر أو مرض لا يرجى بُرْؤه (فدية) هي (طعام مسكين) أي قدر ما يأكله في يومه وهو مُدٌّ من غالب قوت البلد لكل يوم ، وفي قراءة بإضافة فدية وهي للبيان وقيل لا غير مقدرة وكانوا مخيرين في صدر الإسلام بين الصوم والفدية ثم نسخ بتعيين الصوم بقوله من شهد منكم الشهر فليصمه ، قال ابن عباس: إلا الحامل والمرضع إذا أفطرتا خوفا على الولد فإنها باقية بلا نسخ في حقهما (فمن تطوع خيرا) بالزيادة على القدر المذكور في الفدية (فهو) أي التطوع (خير له ، وأن تصوموا) مبتدأ خبره (خير لكم) من الإفطار والفدية (إن كنتم تعلمون) أنه خير لكم فافعلوه .
*
وفي اللغة :

الذين يطيقونه : يجدون عُسرة في صيامه.

و لكبر أو مرض لا يرجى بُرْؤه (فدية) : اجتهاد الجلالين

*
( بيت بيت زنقة زنقة ) وجه ضاحِك

*

[أبوبكر عباس]

عليك الله، يا جيجي، شوفي تفسير الجلالين الجابو أخونا الشقليني دا، مليان جغمسة كيف!
إبن عباس يقول نسخت ويرجع يستثني المرضع والحامل من النسخ!
مرة يضيفون لها "لا" مقدرة قبل يطيقونه لتصبح: على" الذين لا يطيقونه"، لكن لو واصلت تمامة الآية تلقاها أجازت الإطعام للذين لا يطيقونه وجات قالت ليهم وان تصوموا خير لكم إن كنتم تعلمون؟!
عليك الله، دي، ما جغمسة؟

بجيك راجع لمدرسة النسخ ومن بعدها مدرسة شحرور