الجنس من منظور أنثوي .. قراءة في كتابات أم التيمان

[رأفت ميلاد]

المشاركة الأصلية كتبت بواسطة ماريل
همس حبيبتى:
اديلواااااااااااااااااااااا
انتى جوه اللعبة يا عسل
والله العظيمilove u so much

إديكى كل شيئ سمح يا قلب


كدى يا همس أدينى أدينى أضانك .. وأدينى على قول ماريل ولا يهمك .. ضرب الحبيب ألذ من أكل الزبيب

المشاركة الأصلية كتبت بواسطة همس الشوق
كل سنه وإنت طيب يا عم رأفت وربنا يحقق الاماني ويديك الصحة والعافية ويخليك لينا يا رب .... " وليك عليّ حق الولف "
تعرف يا عم رأفت منذ عهد أم التيمان بكتابتها دي عمري ما تداخلت في أي بوست أو اي نقاش حوله .. ولكن بصراحة إستفزتني جداً حته أنه ام التيمان بتدافع عن حقوق المراة أو قضية المراة .. بحكم وعلى ما أعتقد اني إمراة

أنتى إمرأة وست البنات .. لكن وجهة النظر لا بتؤنث ولا بتذكر .. ولا حكر .. طريقة أم التيمان ما جندرة .. هى وجهة نظر خاصة بيها

المشاركة الأصلية كتبت بواسطة همس الشوق
للأسف يا عم رأفت ... هو كذلك .... أم التيمان بتستنقي كلماتها بحرفية عالية تحسد عليها

ما فهمت علاقة عمر الحاج موسى بكلام ام التيمان ... ؟؟؟؟

عمر الحاج موسى يا ستى طريقة جديدة علمتنى ليها مى .. تدخل بى خوجلى وتطلع بى حمد .. هى طريقة جديدة جغرافياً فقط .. زمان كنا بندخل بى المسالمة نطلع بالركابية
أمكن عمر الحاج موسى روحو طلبت الرحمة أترحمى عليه .. آخر خطاب ليهو قبال يموت بساعات قال (إن متنا نحن لحاربت المقابر) والله مات ومات على فضل ومات قبلهم زروق .. لا حاربت ولا شئ ..
العلاقة يا ستى بين الزى الجديد والكاتب الجديد وتشبيه فى شكل ورده زى ما قال صاحبك

ثم أنو أنتى بتقصدى بتستقى كلماتا بـ(حرفية) ولّ (بحرية) تحسد عليها .. عرفتى جيجى بتقصد شنو بالرق النفسى .. ول أقوم أحكى ليك قصة محمد صالح أبراهيم فى مجلس الشعب

المشاركة الأصلية كتبت بواسطة همس الشوق
أيواااا أنا بتفق معاك هنا 100% حقيقي النت خلانا نتعرف على شخصيات تُرفع لها القبعات على قول محمد فرح بس نجي لي نقطة مهمة جداً .. ما هي الكتاباتها التي خلقت من هذا الادمي كاتب ؟؟؟ وما هي القضايا أو الأفكار المطروحة وجعلت مني ومنك ومن كثر أن يوقنوا بأنه هذا الزيد كاتب ؟؟؟؟؟

الكتابات المثيرة للجدل زى حالاتنا دى هى التى جعلت منها كاتب .. فى قضايا ما بتتحل بنظرية 1+2=3 .. هى قضايا أقرب من الطب النفسى .. ترقدى على كنبة وتجترى تاريخ الخوف بتاعك .. تتذكرى كل لحظة خلقت منك زول جبان .. نوعية الكلام البتجيبو أم التيمان ده .. ياما أدقيتى أو سمعتى بالقطعو راسا .. عشان كده ماريل شايله كرباج جدها وقايلة ده هو الحل .. مشكلة المرأة غميسة عشان معشعشا جواها .. ما بس تسلط الرجل

المشاركة الأصلية كتبت بواسطة همس الشوق
في إعتقادي أنه النت مجال واسع جداً لكل طرح أو فكرة .... أنت تكتب يا رأفت ما يحلو لك ... وكمان يحق لي أنا كقارئ أن اقيم هذا الطرح بمفهومي انا أو برؤيتي الشخصية .... ربما إتفق الكثيرين على البعض ولكن إختلفت الأغلبية ...القارئ هو الحكم على أي سطور تكتب ...
وكما تفضلت انت بأن الكاتب يدافع عن فكرته عن طرحه بالنقاش الجاد ... والموضوعي ..

صاح .. ولكن لا يوجد هنا حُكم قاطع .. بس بتطلع فائدة كبيرة .. زى ما أسلفت دى حاجات نفسية بتبدل فى المفاهيم بالتدريج ..

المشاركة الأصلية كتبت بواسطة همس الشوق
إذا سلمنا جدلاً أنه أم التيمان طرحها للقضايا غير نمطي
انا بتمنى مرة واحدة أم التيمان تتكلم في بوست عن فكرة وتناقش وتجادل ...
لماذا يفترح البعض بوستات نتاقش قضايا في المجتمع ؟؟؟؟ وما هي الفكرة من الأساس؟؟؟
وكيف لي

زى ما قلت ليك الأسلوب بختلف من شخص لآخر .. أم التيمان بترميها قنبلة .. ما بتولعا وتقعد تتفرج زى ما قال فتحى .. بتثير الجدل .. تابعى موقف ماريل وأبو فاطنة مثلاً فى بوست الزحف المقدس .. الفايدة ما شوية .. وكل مرة الكلام بكون أكثر مرونة

المشاركة الأصلية كتبت بواسطة همس الشوق
وهل بتفتكر يا رأفت أنه مشكلة المراة بتكمن داخل غرفة النوم ؟؟؟
حتى لو سلمنا بأنها حقيقة ؟؟ ما هي فكرة ام التيمان ؟؟؟
وما هو طرح ورؤية ومعالجة ام التيمان لهذه الظاهرة؟؟؟
وهل بتفتكر أنه العلاج بهذه المفردات التي تفتقر للحياء وللإتزان حتى يتسنى للجميع مناقشة الفكرة ؟؟؟ عندك أخر بوست ... شنو الفكرة او القضية الممكن يعالجها بوست بهذها الشاكلة ؟؟؟؟؟؟
وهل بتفتكر أنه أم التيمان بي بوستاتها دي قدرت أنه تصل بي قضيتها للقارئ؟؟؟؟

تتصورى ببساطة (إيوة) المرأة أس مشكلتا داخل غرفة النوم .. المرة (عندنا) كان طلعت القمر ياها المرة بتاعة غرفة النوم .. للأسف الشديد المفهوم الذكورى للمرأة أنها (مهزومة) داخل غرفة النوم .. وما علاقة متبادلة لكل مخلوق فى هذا الكون وليس الأنسان فقط ..
وزى ما قلت ليك المشكلة ما فى الفكر الذكورى فقط .. بل فى المرأة نفسها نفسياً تحس بالهزيمة .. زى فكرة (الزنا) معنى الكلمة للجنسين يتسارع أولاً الى المرأة دون الرجل .. بتكلم أجتماعياً وليس عقائدياً ما يجى زول يشرح لى
أما قصة الحياء والأتزان معايير تحتاج لكثير من المراجعة .. وتختلف كثيراً من شخص لآخر .. والأهم من ذلك كله .. هذه المعايير (وضعية) مفروضة من فئة على أخرى مع منع بات للنقاش .. فى بوست أم التيمان ده وغيره تفتيت لهذا الحاجز

المشاركة الأصلية كتبت بواسطة همس الشوق
إتمنى أنه تشاركنا السيدة أم التيمان .. ربما هنالك فكرة ولكن لم تصلنا ...

ومستنى معاك .. غايتو كان ما جات .. برضو طلعت منك ومنى ومن تاج الكثير بالريموت كنترول